ទម្រង់មួយចំនួននៃការព្យាបាលដោយអរម៉ូនចំពោះស្ត្រីអស់រដូវអាចបណ្តាលអោយមានការហូរឈាមជារៀងរាល់ខែ។ នេះរួមមានការរៀបចំនៃការព្យាបាលដោយអរម៉ូនដែលផ្សំពីអរម៉ូនអ៊ឹស្ត្រូសែន និងប្រូសេស្ទីន។ ប្រូសេស្ទីនត្រូវបានគេប្រើប្រាស់ដើម្បីព្យាបាលជំងឺមហារីកស្រទាប់ស្បូនប្រសិនបើអ្នកមានស្បូនដែលមិនខូចខាតនោះ។
ការព្យាបាលដោយអរម៉ូនអាចបណ្តាលអោយហូរឈាមដែលអាចតិចតួច ឬច្រើនទៅជាងរដូវធម្មតា។ ប្រសិនបើអ្នកព្រួយបារម្ភអំពីការហូរឈាមរបស់អ្នក, អ្នកគួរតែទៅជួបនឹងគ្រូពេទ្យ។
មូលហេតុនៃការហូរឈាមមិនធម្មតាអំឡុងពេល ឬក្រោយអស់រដូវរួមមាន៖
– ភាពស្តើងនៃស្រទាប់នៃទ្វារមាស និងស្បូនដែលបង្កឡើងដោយការថយចុះអរម៉ូនអ៊ឹស្ត្រូសែន
– ដុះសាច់នៅនឹងស្បូន
– ឆ្លងមេរោគនៅនឹងស្បូនដែលរួមមាន ការរលាកស្បូន និងការរលាកកស្បូន
– ភាពមិនធម្មតានៃការលូតលាស់នៃស្រទាប់ស្បូន
– ជំងឺមហារីកស្បូន
បន្ថែមពីលើប្រវត្តិ និងការពិនិត្យរាងកាយដោយប្រុងប្រយ័ត្ននោះ, តេស្ត និងវិធីសាស្ត្រមួយចំនួនទៀតក៏អាចត្រូវបានប្រើដើម្បីកំណត់ពីមូលហេតុនៃភាពមិនធម្មតានៃការហូរឈាមចំពោះស្ត្រីក្រោយអស់រដូវផងដែរ៕
