ចង់កម្ចាត់មុនឆាប់រហ័សមិនពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីជំហានទាំង ៥ដែលជួយកម្ចាត់មុខយ៉ាងឆាប់រហ័ស ៖
១. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបជែលប្រទាលកន្ទុយក្រពើស្រស់លើស្បែកដែលមានបញ្ហាដោយប្រើម្រាមដៃ។ អ្នកអាចលាបជែលប្រទាលកន្ទុយក្រពើស្រស់ច្រើនដងក្នុងមួយថ្ងៃ។ ប្រទាលកន្ទុយក្រពើជួយកាត់បន្ថយការឡើងក្រហមនៃមុន និងការរលាក។ អ្នកក៏អាចប្រើប្រាស់ប្រទាលកន្ទុយក្រពើជាមួយទឹកឃ្មុំ ដោយគ្រាន់តែលាយគ្រឿងផ្សំទាំង ២ក្នុងបរិមាណចូលគ្នា។ កូរឱ្យសព្វ សឹមលាបល្បាយលើផ្ទៃមុខ ឬផ្នែកផ្សេងទៀតនៃរាងកាយដែលទទួលរងផលប៉ះពាល់។ ទុកចោលសម្រាប់រយៈពេលយ៉ាងហោចណាស់ ២០ នាទី សឹមលាងសម្អាតចេញជាមួយទឹកក្ដៅឧណ្ហៗ។
២. ទទួលទានទឹកឱ្យបានច្រើនគ្រប់គ្រាន់
ការរក្សាជាតិឱ្យបានច្រើនគ្រប់គ្រាន់ក្នុងរាងកាយ គឺមិនត្រឹមតែល្អសម្រាប់សុខភាពរាងកាយប៉ុណ្ណោះទេ ប៉ុន្តែក៏ចាំបាច់សម្រាប់ស្បែកទប់ស្កាត់ការកើតមុនផងដែរ។
៣. ផ្នែកពណ៌សនៃស៊ុត
ផ្នែកពណ៌សនៃស៊ុតអាចជួយឱ្យស្បែកភ្លឺរលោងស្រស់ស្អាតគួរឱ្យចាប់អារម្មណ៍។ វាជួយបង្រួមរន្ធញើសនិងកាត់បន្ថយជាតិប្រេង ឬខ្លាញ់ ព្រមទាំងកម្ចាត់រាល់ភាពកខ្វក់ចេញពីស្បែក។ អ្វីដែលត្រូវធ្វើ គឺគ្រាន់តែបើប្រាស់បន្ទះសំឡី ឬម្រាមដៃជ្រលក់លាបផ្នែកពណ៌សនៃស៊ុតលើស្បែក។ រងចាំសម្រាប់រយៈពេល ១០នាទីទៅ ១ម៉ោង ឬរហូតដល់ស្បែកមានអារម្មណ៍ថាឡើងតឹង។ អ្នកអាចលាយផ្នែកពណ៌សនៃស៊ុតជាមួយក្រូចឆ្មារ ដោយអ្វីដែលអ្នកត្រូវធ្វើ គឺគ្រាន់តែលាយទឹកក្រូចឆ្មារស្រស់ ១ ស្លាបព្រាបាយជាមួយផ្នែកពណ៌សនៃស៊ុត ១គ្រាប់។ កូរឱ្យសព្វ រហូតល្បាយម៉ដ្ឋចូលគ្នាល្អ។ លាបម៉ាស្សាល្បាយលើស្បែកនិងរងចាំសម្រាប់រយៈពេលប្រមាណពី ១០ ទៅ ១៥ នាទី សឹមលាងសម្អាតចេញជាមួយទឹកក្ដៅឧណ្ហៗ។
៤. ប្រកាន់ខ្ជាប់នូវរបបអាហារដែលមានតុល្យភាព
ស្ថានភាពនៃសុខភាពរាងកាយ ព្រមទាំងស្បែក គឺឆ្លុះបញ្ចាំងពីអ្វីដែលអ្នកបានទទួលទានជាប្រចាំ។ មួយក្នុងចំណោមគន្លឹះដ៏ងាយបំផុតដើម្បីកម្ចាត់ ឬទប់ស្កាត់ការកើតមុន គឺការរក្សាឱ្យបាននូវរបបអាហារសុខភាពល្អនិងមានតុល្យភាព។
៥. ដុំទឹកកក
ការដុសដុំទឹកកកថ្នមៗលើតំបន់ស្បែកដែលទទួលរងផលប៉ះពាលនឹងជួយកាត់បន្ថយការរលាកបានយ៉ាងប្រសើរ។ ភាពត្រជាក់ក៏ជួយបង្រួមរន្ធញើស ហើយបង្ខំឱ្យបាក់តេរីចេញពីស្បែក៕