Join with Health.com.kh on Telegram

អាហារ គឺចាំបាច់ណាស់សម្រាប់សុខភាពរាងកាយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការជ្រើសរើសប្រភេទនៃអាហារបានត្រឹមត្រូវអាចជួយឱ្យអ្នកមានសុខភាពល្អ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីរក្សាសុខភាពរាងកាយ ៖

១. ប្ល៊ូបឺរី

ជាប្រភពដ៏ប្រសើរនៃវីតាមីនចម្រុះដែលល្អសម្រាប់សុខភាពស្បែកនិងដើរតួនាទីយ៉ាងសំឃាន់ក្នុងការរក្សាសុខភាពភ្នែក។

២. ផ្លែបឺរ

ផ្លែបឺរជួយការពារសុខភាពបេះដូង។ វាជួយរក្សាស្ថេរភាពនៃកម្រិតសម្ពាធឈាមនិងកាត់បន្ថយហានិភ័យនៃជំងឺសសៃឈាមបេះដូង។

៣. ការ៉ុត

បន្លែមើមនេះមិនត្រឹមតែល្អសម្រាប់ពង្រឹងសុខភាពភ្នែកប៉ុណ្ណោះទេ ប៉ុន្តែក៏ជួយពង្រឹងប្រព័ន្ធភាពស៊ាំរាងកាយផងដែរ។ វាមានផ្ទុកសមាសធាតុ carotene ដែលបំលែងទៅជាវីតាមីន A ក្នុងរាងកាយ។ វីតាមីន A ជួយឱ្យភាពធន់នឹងការឆ្លងមេរោគរបស់រាងកាយកាន់តែមានលក្ខណៈប្រសើរឡើង។

៤. ផ្លែចេក

ផ្លែឈើនេះល្អណាស់សម្រាប់រក្សាកម្រិតនៃជាតិស្ករក្នុងឈាម។ ផ្លែចេកមានផ្ទុកជាតិម្សៅដែលផ្ដល់ឱ្យយើងនូវអារម្មណ៍ឆ្អែតនិងកាត់បន្ថយចំណង់អាហារផងដែរ។ វាក៏មានផ្ទុកសារធាតុ pectin ដែលជួយកម្ចាត់ជាតិពុលពីរាងកាយគួរឱ្យកត់សម្គាល់។

៥. គ្រាប់ធញ្ញជាតិ

ជាប្រភពដ៏ប្រសើរនៃជាតិសសៃដែលជួយឱ្យស្បែកភ្លឺស្រស់ថ្លានិងទន់រលោង។ គ្រាប់ធញ្ញជាតិជួយទប់ស្កាត់ការរោលរមាស់លើស្បែក និងរោគផ្សិតតាមរយៈជាតិសសៃដែលមានផ្ទុក។ ទោះជាយ៉ាងណាមិនគួរទទួលទានគ្រាប់ធញ្ញជាតិលើសពីមួយក្ដាប់ដៃក្នុងមួយថ្ងៃឡើយ។

៦. ម្ទេសផ្លោក

ម្ទេសផ្លោកជួយកាត់បន្ថយកូឡេស្តេរ៉ូលនិងប្រឆាំងការរលាកក្នុងរាងកាយ។ វាក៏ជាប្រភពដ៏ប្រសើរនៃវីតាមីន A វីតាមីន C និងវីតាមីន E ដែលដើរតួនាទីយ៉ាងសំខាន់ក្នុងការរក្សាសុខភាពសក់និងស្បែក។

៧. បន្លែបៃតង

ការរួមបញ្ចូលបន្លែបៃតងក្នុងរបបអាហារប្រចាំថ្ងៃ ជាវិធីដ៏ប្រសើរ និងងាយបំផុត ប្រសិនបើអ្នកចង់កាត់បន្ថយជាតិខ្លាញ់មិនល្អ triglycerides ក្នុងឈាម។ នោះក៏ព្រោះតែបន្លែបៃតងជាប្រភពដ៏ប្រសើរនៃជាតិសសៃដែលជួយកាត់បន្ថយជាតិខ្លាញ់មិនល្អចេញពីរាងកាយ ក៏ដូចជាសសៃឈាម។ លើសពីនេះទៅទៀត បន្លែបៃតងក៏មានផ្ទុកសម្បូរទៅដោយសារធាតុ alpha-lipolic acid ដែលអាចជួយកាត់បន្ថយកម្រិតនៃជាតិខ្លាញ់ triglyceride ក្នុងចរន្តឈាមបានដល់ទៅ ៦០ ភាគរយឯណោះ។ បន្លែបៃតងក៏មានផ្ទុកសម្បូរទៅដោយសារធាតុ folate វីតាមីន C វីតាមីន k ជាតិសសៃ ក្លរ៉ូភីល និងសារធាតុ phytonutrients ដែលជួយកាត់បន្ថយសម្ពាធឈាម គ្រប់គ្រងជាតិស្ករក្នុងឈាម និងបន្សាបជាតិពុល ហើយថែមទាំងប្រយុទ្ធប្រឆាំងការរលាកទៀតផង។

៨. ស៊ុត

ជាប្រភពដ៏ប្រសើរនៃវីតាមីន A, វីតាមីន D, វីតាមីន E, វីតាមីន H, វីតាមីន K និងវីតាមីនក្រុម B ព្រមទាំងសារធាតុចិញ្ចឹមជាច្រើនផ្សេងទៀត។ ផ្នែកពណ៌លឿងនៃស៊ុតមានផ្ទុកសម្បូរទៅដោយវីតាមីន D ដូចខ្លាញ់ត្រី។ ស៊ុតក៏មានផ្ទុកសម្បូរទៅដោយអាស៊ីតអាមីណូដែលដើរតួនាទីយ៉ាងសំខាន់ក្នុងការរក្សាសុខភាពរាងកាយជួយឱ្យរឹងមាំ៕