Join with Health.com.kh on Telegram

រាជធានី​ភ្នំពេញ ៖ ក្រសួងសុខាភិបាល​បាន​ប្រកាស​នៅ​ព្រឹក​ថ្ងៃ​ទី​២៥ ខែមីនា ឆ្នាំ​២០២១​ថា បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ថ្មី​បន្ថែមចំនួន​៥៥​នាក់ និង​បាន​ព្យាបាល​ជា​សះស្បើយ​ចំនួន​២៣​នាក់ ។

ក្រសួងសុខាភិបាល​បាន​ឲ្យ​ដឹង​ថា អ្នក​ដែល​ជំងឺ​កូ​វី​ដ​១៩ ដែល​រក​ឃើញ​នេះ សុទ្ធតែ​ជា​អ្នក​ពាក់ព័ន្ធ​នឹង​ព្រឹត្តិការណ៍​សហគមន៍​២០ កុម្ភៈ​ទាំងអស់ ។ អ្នក​ទាំងនោះ​ភាគច្រើន​ជា​ជនជាតិ​ខ្មែរ នៅ​រាជធានី​ភ្នំពេញ និង​ខេត្តកណ្តាល ។

ចំណែក​អ្នក​ព្យាបាល​ជា​សះស្បើយ​ចំនួន​២៣​នាក់ មាន​ចំនួន​១​នាក់ ជា​អ្នកដំណើរ​មក​ពី​ក្រៅប្រទេស និង​២២​នាក់ ជា​អ្នក​ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ ។ អ្នក​ជាះ​ស្បើយ​ពី​ជំងឺ​កូ​វី​ដ​១៩​នេះ​ភាគច្រើន​ជនជាតិ​ខ្មែរ​នៅ​រាជធានី​ភ្នំពេញ ខេត្តកោះកុង ។

ក្រសួង​បាន​ឲ្យ​ដឹង​ថា​រក​ឃើញ​ករណី​ឆ្លង​ថ្មី​ចំនួន ៥៥​នាក់ សហគមន៍​៥៥​នាក់ ភាគច្រើន​ស្ថិត​ក្នុង​ភ្នំពេញ នឹង​ខេត្តកណ្តាល​ធ្វើ​ឲ្យ​អ្នក​ឆ្លង​ពី​ព្រឹត្តិការណ៍​សហគមន៍​២០ កុម្ភៈ សរុប​កើន​ដល់ ១៣៤៨​នាក់ ។

សូម​ជម្រាប​ថា គិត​មក​ត្រឹម​ថ្ងៃ​ទី​២៥ មីនា ឆ្នាំ​២០២១ ក្រសួងសុខាភិបាល​បាន​ប្រកាស​រក​ឃើញ​អ្នក​ឆ្លង​ជំងឺ​កូ​វី​ដ​១៩ សរុប​នៅ​ទូ​ទាំង​ប្រទេស​មាន​ចំនួន​១៨៧២​នាក់ អ្នក​ឆ្លង​ហើយ​ព្យាបាល​ជា​សះស្បើយ​មាន​ចំនួន​១០៥៦​នាក់ អ្នក​កំពុង​សម្រាក​ព្យាបាល​នៅ​មន្ទីរពេទ្យ​មាន​ចំនួន ៨០៩​នាក់ និង​ស្លាប់​ដោយសារ​ជំងឺ​កូ​វី​ដ​១៩​មាន​ចំនួន​៥​នាក់ ៕