សក់ស្កូវអាចជាបញ្ហាគួរឱ្យរំខានមួយជាពិសេសប្រសិនបើយើងមានវ័យក្មេងនៅឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បញ្ហាសក់ស្កូវមុនវ័យអាចបណ្ដាលមកពីបរិមាណនៃមេឡានីនដែលផលិតដោយឬសសក់ធ្លាក់ចុះទាប។ ហើយពេលខ្លះសារធាតុគីមីដែលអ្នកបានប្រើប្រាស់លើសក់ក៏ធ្វើឱ្យស្ថានភាពកាន់តែអាក្រក់ឡើង។ ទោះជាយ៉ាងណា កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយដោះស្រាយបញ្ហាសក់ស្កូវមុនវ័យ ៖
១. តែខ្មៅ
អ្វីដែលអ្នកត្រូវធ្វើ គឺគ្រាន់តែឆុងតែខ្មៅ ២ ស្លាបព្រាបាយក្នុងទឹកក្ដៅ ១ ពែង។ រួចទុករហូតដល់ចុះត្រជាក់បន្តិចសឹមត្រងកាកតែចេញ។ ចាក់ទឹកតែខ្មៅក្នុងដបស្ព្រៃយ៍មានក្បាលបាញ់។ បាញ់តែឱ្យសព្វពេញសក់ (អ្នកអាចប្រើក្រាស់ដើម្បីសិតឱ្យតែសព្វពេញសក់)។ រងចាំសម្រាប់រយៈពេល ១ ម៉ោង សឹមលាងសម្អាតចេញជាមួយទឹកត្រជាក់។ មិនបាច់កក់សក់ជាមួយសាប៊ូទេ។
២. ខ្ទឹមបារាំង
អ្វីដែលអ្នកត្រូវធ្វើ គឺបកសំបកខ្ទឹមបារាំង និងកិនសាច់របស់វា។ បន្ទាប់មកម៉ាស្សាខ្ទឹមបារាំងដែលកិនហើយលើស្បែកក្បាល និងសក់របស់អ្នក ហើយទុកចោលសម្រាប់រយៈពេល ៣០ នាទី។ អ្នកអាចគ្រប់ក្បាលជាមួយមួកផ្លាស្ទិកពាក់ងូតទឹកដើម្បីការពារកុំឱ្យខ្ទឹមហៀរចូលភ្នែក។ លាងសម្អាតសក់ជាមួយនឹងសាប៊ូកក់សក់ ដើម្បីកម្ចាត់ក្លិនខ្ទឹម។ អនុវត្តរូបមន្តនេះរាល់ថ្ងៃសម្រាប់រយៈពេលយ៉ាងហោចណាស់ ១ សប្តាហ៍ទើបទទួលបានប្រសិទ្ធិភាពប្រសើរ។
៣. ប្រេងដូង និងទឹកក្រូចឆ្មារស្រស់
អ្វីដែលអ្នកត្រូវធ្វើ គឺគ្រាន់តែលាបល្បាយទឹកក្រូចឆ្មារ និងប្រេងដូងលើសក់។ អនុវត្តរាល់ថ្ងៃ រហូតទទួលបានលទ្ធផលគាប់ចិត្ត។
៤. ប្រេងគ្រាប់ការ៉ុតនិងប្រេងល្ង
លាយប្រេងការ៉ុតកន្លះស្លាបព្រាកាហ្វេក្នុងប្រេងល្ងចំនួន ៤ ស្លាបព្រាកាហ្វេ។ កូរឱ្យសព្វ សឹមលាបម៉ាស្សាល្បាយលើស្បែកក្បាលនិងគល់សក់។ បន្ទាប់មកលាងសម្អាតចេញជាមួយទឹកក្ដៅឧណ្ហៗ ព្រមទាំងកក់សម្អាតសក់ជាមួយសាប៊ូកម្រិតស្រាល។ ចំពោះប្រេងល្ងវិញ គឺអ្នកគ្រាន់តែម៉ាស្សាគ្រាប់ល្ងក្នុងសក់រៀងរាល់បីថ្ងៃម្ដងដើម្បីបង្កើនការផលិតជាតិមេឡានីន និង keratin ក្នុងស្បែកក្បាលជៀសផុតពីបញ្ហាសក់ស្កូវបានយ៉ាងងាយ។
៥. បង្កើនការទទួលទានអាហារសម្បូរវីតាមីន B
កង្វះវីតាមីន B ក្នុងរាងកាយជាកត្តាចម្បងបំផុតមួយនៃបញ្ហាសក់ស្កូវ។ ដូច្នេះដើម្បីដោះស្រាយនិងទប់ស្កាត់បញ្ហានេះអ្នកគួរព្យាយាមរួមបញ្ចូលអាហារសម្បូរវីតាមីន B ក្នុងរបបអាហារប្រចាំថ្ងៃ។ ប្រភពដ៏ប្រសើរបំផុតនៃវីតាមីន B រួមមានស៊ុត ទឹកដោះគោ ឈីស សាច់ចៀម សាច់គោ សាច់ជ្រូក និងគ្រឿងសមុទ្រជាដើម។
៦. បញ្ឈប់ការប្រើប្រាស់ឧបករណ៍ ឬម៉ាស៊ីនដែលមានកម្ដៅខ្លាំងលើសក់
ប្រសិនបើអ្នកតែងប្រើប្រាស់ឧបករណ៍ប្រើកម្ដៅលេងម៉ូដសក់ជាប្រចាំ ចូរបញ្ឈប់ ឬផ្អាកទម្លាប់នេះដើម្បីការពារសក់របស់អ្នកពីកម្ដៅខ្លាំង។ ចូរចាំថាកម្ដៅថ្ងៃពេកអាចបណ្ដាលឱ្យស្បែកក្បាលប្រែជាស្ងួត។ ជាលទ្ធផលឬសសក់នឹងចុះខ្សោយជាហេតុនាំឱ្យប្រែជាស្កូវយ៉ាងឆាប់រហ័ស។ ប្រសិនបើអ្នកត្រូវចេញក្រៅស្ថិតក្រោមកម្ដៅថ្ងៃខ្លាំង ចូរពាក់មួកដើម្បីការពារសក់និងស្បែកក្បាល។ កុំភ្លេចប្រើប្រាស់ក្រែមបន្ទន់សក់នៅរាល់ពេកកក់សក់ផង។
៧. រួមបញ្ចូលផ្លែបឺរក្នុងរបបអាហារប្រចាំថ្ងៃ
ផ្លែឈើនេះជាប្រភពដ៏ប្រសើរនៃវីតាមីន C សារធាតុប្រឆាំងអុកស៊ីតកម្មមួយប្រភេទដែលចាំបាច់សម្រាប់សុខភាពស្បែកនិងសក់។ វីតាមីន C ជួយបង្កើនការផលិតកូឡាជែនក៏ដូចជាកម្ចាត់រ៉ាឌីកាល់សេរីដែលពន្លឿនដំណើរការនៃភាពចាស់តាមវ័យ ឬបង្កបញ្ហាសក់ឆាប់ស្កូវផងដែរ។ ដូច្នេះដើម្បីចៀសផុតពីបញ្ហាសក់ស្កូវមុនវ័យចូរព្យាយាមទទួលទានផ្លែបឺរី។
៨. កុំរំលងត្រីសម្បូរខ្លាញ់
ត្រីសាលម៉ុនជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ព្រមទាំងសេលេញ៉ូមដែលជាជាតិរ៉ែចាំបាច់សម្រាប់ការផលិតអ័រម៉ូនបានត្រឹមត្រូវក្នុងរាងកាយនិងរក្សាសុខភាពសក់ល្អប្រសើរ។ លើសពីនេះទៅទៀតសេលេញ៉ូមថែមទាំងជួយការពាររាល់កោសិកាពីសកម្មភាពនៃរ៉ាឌីកាល់សេរីទៀតផង៕