ភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានខ្ទឹមស ប៉ុន្តែប្រហែលជាមិនធ្លាប់ដឹងទេថាប្រសិនបើយកគ្រឿងទេសមកដាក់នៅក្រោមខ្នើយគេងជារៀងរាល់យប់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  ថាតើវាអាចផ្ដល់អត្ថប្រយោជន៍ល្អៗអ្វីខ្លះ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរដាក់ខ្ទឹមសស្រស់ក្រោមខ្នើយគេងរាល់យប់ ៖

១. វាជួយបំបាត់អាការៈតឹងច្រមុះ

អ្នកនឹងស្រួលដកដង្ហើមជាងមុនដោយសារក្លិននៃខ្ទឹមស។ នេះក៏ព្រោះតែវាមានផ្ទុកសារធាតុអង់ទីប៊ីយោទិកដ៏មានឥទ្ធិពលហៅថា allicin ជួយប្រឆាំងបាក់តេរី និងការឆ្លងមេរោគ។ សារធាតុ allicin ជួយជម្រះផ្លូវដង្ហើមដោយរំលាយស្លេស ដូច្នេះអ្នកនឹងអាចដកដង្ហើមបានស្រួលជាងមុន។

២. វាអាចពង្រឹងប្រព័ន្ធភាពស៊ាំរាងកាយ

ខ្ទឹមសមានសមត្ថភាពកម្ចាត់រាល់បាក់តេរីមិនល្អតាមរយៈលក្ខណៈសម្បត្តិប្រឆាំងបាក់តេរីដែលវាមានផ្ទុក។ សារធាតុ Allicin ក្នុងខ្ទឹមសជួយរារាំងការជ្រៀតចូលក្នុងរាងកាយនៃពពួកបាក់តេរី។ ប្រសិនបើអ្នកមានទម្លាប់ដាក់ខ្ទឹមសក្រោមខ្នើយជារៀងរាល់យប់ នោះអ្នកនឹងសម្គាល់ឃើញថារឹងមាំស្រស់ស្រាយនៅពេលព្រឹកនិងមិនងាយធ្លាក់ខ្លួនឈឺ។

៣. វាជួយបណ្ដេញសត្វល្អិត

ខ្ទឹមសអាចធ្វើឱ្យសត្វល្អិតពុល ជាពិសេស គឺមូស។ នេះហើយជាមូលហេតុដែលនាំឱ្យសត្វល្អិត ពិសេសមូសខ្លាចក្លិននៃខ្ទឹមស។

៤. វាជួយឱ្យគេងលក់បានស្រួល

ការដាក់ខ្ទឹមសដែលបកសំបករួចក្រោមខ្នើយក៏មានប្រសិទ្ធភាពជួយឱ្យអ្នកឆាប់គេងលក់ផងដែរ។ ខ្ទឹមសមានផ្ទុកសម្បូរទៅដោយវីតាមីន b1 ដែលជួយសម្រួលដល់ការគេងលក់បានស្រួលដោយបង្កើនការបញ្ចេញមេឡាតូនីន។ ម្យ៉ាងវិញទៀតខ្ទឹមសមានឥទ្ធិពលលើប្រព័ន្ធសសៃប្រសាទធ្វើឱ្យអ្នកស្ងប់ចិត្ត៕