ថ្នាំអាស្ពីរីន ជាទូទៅត្រូវបានគេប្រើប្រាស់ ដើម្បីការបន្ថយការឈឺចាប់ និងហើមគ្រប់គ្រងស្ថានភាពផ្សេងៗ និងកាត់បន្ថយហានិភ័យនៃព្រឹត្តិការណ៍សរសៃឈាមបេះដូង ចំពោះមនុស្សដែលមានហានិភ័យខ្ពស់។
ប៉ុន្តែ វេជ្ជបណ្ឌិតមិនណែនាំឱ្យប្រើថ្នាំអាស្ពីរីនសម្រាប់មនុស្សអាយុក្រោម ១៨ ឆ្នាំទេ។
នេះដោយសារតែវាអាចបង្កើនហានិភ័យនៃជំងឺធ្ងន់ធ្ងរមួយដែលហៅថារោគសញ្ញា Reye ដែលអាចលេចឡើងបន្ទាប់ពីឆ្លងវីរុសដូចជាផ្តាសាយ ផ្តាសាយធំ ឬជំងឺអុតស្វាយ។ រោគសញ្ញា Reye អាចបណ្តាលឱ្យរងរបួសខួរក្បាល ឬស្លាប់ជាអចិន្ត្រៃយ៍។
ទោះយ៉ាងណាគ្រូពេទ្យអាចចេញវេជ្ជបញ្ជាថ្នាំអាស្ពីរីន ដល់កុមារដែលស្ថិតក្រោមការត្រួតពិនិត្យ ប្រសិនបើពួកគេមានជំងឺ Kawasaki (ជំងឺដែលមិនស្គាល់មូលហេតុ ច្រើនកើតឡើងជាចម្បងចំពោះកុមារតូចៗ និងធ្វើអោយមានឡើងរោល រលាក ឫកន្ទួល ហើមក្រពេញ ហើយជួនកាលខូចដល់បេះដូង) ឬដើម្បីការពារការកកឈាមពីការកកើតបន្ទាប់ពីការវះកាត់បេះដូង។
ចំពោះកុមារ, គ្រូពេទ្យជាធម្មតាណែនាំឱ្យប្រើថ្នាំអាសេតាមីណូហ្វេន (Tylenol) ឬថ្នាំ ibuprofen (Advil) ក្នុងកំរិតសមស្របជំនួសឱ្យថ្នាំអាស្ពីរីន៕