Join with Health.com.kh on Telegram

​មិន​ថា​អ្នក​ប្រើ​វា​ក្នុង​ទម្រង់​ថ្នាំ​គ្រាប់ ឬ​ចាក់​ថ្នាំ​ដែលមាន​តំលៃ​ថ្លៃ​នោះទេ កុំ​រំពឹងថា​ថ្នាំ​គ្រាប់​វីតាមីន B12 ជួយ​ជំរុញ​ការរំលាយ​អាហារ​របស់​អ្នក និង​ដុតបំផ្លាញ​ជាតិ​ខ្លាញ់​។ បច្ចុប្បន្ននេះ មិនមាន​ភស្តុតាង​ដែល​បង្ហាញថា​វា​នឹង​លើកកម្ពស់​កា​រស​ម្រកទ​ម្ង​ន់​នោះទេ ខណៈដែល​មនុស្ស​មួយចំនួន​យល់​ខុស​ថា វីតាមីន B12 ជួយ​ដល់​ការ​សម្រក​ទម្ងន់​។​

​ការពិតទៅ រាងកាយ​របស់​អ្នកត្រូវការ​វីតាមីន B12 ដើម្បី​គាំទ្រ​ដល់​មុខងារ​នៃ​សរសៃប្រសាទ និង​កោសិកា​ឈាម​របស់​អ្នក និង​ដើម្បី​បង្កើត DNA​។ ដើម្បី​ទទួល​កំរិត​ដូ​ស​ប្រចាំថ្ងៃ​របស់​អ្នក សូម​ទទួលទាន​អាហារ​ដែលមាន​ផ្ទុក​វីតាមីន B12 នៅក្នុង​របប​អាហារ​របស់​អ្នក ដូចជា​គ្រាប់​ធញ្ញជាតិ ដែលមាន​ជាតិ​ខ្លាញ់​សម្រាប់​អាហារ​ពេលព្រឹក សាំង​វិច ត្រី​ធូ​ណា សម្រាប់​អាហារ​ថ្ងៃត្រង់ និង​នំ​ពង​ទា សម្រាប់​អាហារ​ពេល​ល្ងាច​។ ថ្លើម​គោ និង​លៀស​សមុទ្រ ក៏​ជា​ប្រភព​សម្បូរ​ទៅដោយ B12 ដែរ​។​

​អ្នក​ប្រហែលជា​ត្រូវការ​ថ្នាំ B12 បន្ថែមទៀត​ប្រសិនបើ​អ្នក​ផឹក​គ្រឿង​ស្រវឹង​ច្រើន មាន​ប្រវត្តិ​នៃ​ភាព​ស្លេក​សាំង ជា​អ្នក​តម​អាហារ​ដ៏​តឹងតែង វះកាត់ ឬ ប្រសិនបើ​អ្នក​លេបថ្នាំ​មួយចំនួន​ដូចជា​ថ្នាំ Metformin ជាដើម​៕​