មិនដឹងថា អាហារអ្វីឆ្ងាញ់ ហើយជួយអ្នកក្នុងរបបអាហារមែនទេ? មិនពិបាកទេ អ្នកត្រូវញ៉ាំកាឡូរីតិច។ អាហារមួយចំនួនអាចជួយឱ្យអ្នកស្រកទំងន់បាន ព្រោះវាជួយអ្នកឱ្យមានអារម្មណ៍ឆ្អែតបានយូរ និងជួយទប់ស្កាត់ការឃ្លាន។ ហើយអាហារខ្លះថែមទាំងជួយសម្រួលដល់ដំណើរការរំលាយអាហាររបស់អ្នកទៀតផង។ ដូច្នេះ សូមកុំរំលងអាហារទាំងនេះ៖
1.សណ្តែក
សណ្តែក គឺជាប្រភពប្រូតេអ៊ីនដ៏អស្ចារ្យ។ វា ក៏មានជាតិសរសៃខ្ពស់ និងយឺតក្នុងការរំលាយ។ នោះមានន័យថាអ្នកមានអារម្មណ៍ថាឆ្អែតបានយូរ ដែលអាចរារាំងអ្នកមិនឱ្យញ៉ាំច្រើន។
2.ស៊ុប
ចាប់ផ្តើមអាហារជាមួយស៊ុបមួយកូនចាន ដូច្នេះអាចឲអ្នកញ៉ាំអាហារបន្ទាប់តិចជាងមុន។
3.សូកូឡាខ្មៅ
នៅក្នុងការសិក្សាមួយ បង្ហាញថា អ្នកដែលញ៉ាំសូកូឡាខ្មៅ គឺញ៉ាំអាហារបន្ទាប់តិចជាង អ្នកមិនញ៉ាំសូកូឡាខ្មៅ។
4.ស៊ុបបន្លែ
បន្លែដែលមានសុខភាពល្អទាំងនោះ បានបន្ថែមបរិមាណកាឡូរីទាបទៅក្នុងម្ហូប ដែលមានរសជាតិឈ្ងុយឆ្ងាញ់។
5.ស៊ុតនិងសាច់ក្រក
អាហារពេលព្រឹក ដែលសំបូរទៅដោយជាតិប្រូតេអ៊ីន អាចជួយអ្នកទប់ទល់ការទទួលទានអាហារសម្រន់ពេញមួយថ្ងៃ។
6.គ្រាប់ធញ្ញជាតិ
សូមជ្រើសរើសយក គ្រាប់ធញ្ញជាតិ ដូចជា អាល់ម៉ុន សណ្តែកដី វ៉ាល់ណាត់ ឬគ្រាប់សណ្តែកមួយក្តាប់តូច សម្រាប់ជាអាហារសម្រន់របស់អ្នក។ ការស្រាវជ្រាវបង្ហាញថា អ្នកបរិភោគគ្រាប់ធញ្ញជាតិទាំងនេះ ជាអាហារសម្រន់ នឹងបរិភោគតិចជាងមុននៅពេលបរិភោគអាហារលើកក្រោយ។
7.ផ្លែប៉ោម
គួរជ្រើសរើសការទទួលទានផ្លែប៉ោមទាំងមូល ជាជាងទឹកផ្លែប៉ោម ព្រោះថា ផ្លែឈើទាំងមូលបង្អាក់ចំណង់អាហារ ដោយសារផ្លែឈើឆៅមានជាតិសរសៃច្រើន។
8.ទឹកដោះគោជូរ
ទឹកដោះគោជូរ អាចល្អសម្រាប់ទំហំចង្កេះរបស់អ្នក។
ក្នុងចំណោមអាហារទាំងអស់ ទឹកដោះគោជូរឫយ៉ាអួរ ត្រូវបានតាមដានឃើញថា មានទំនាក់ទំនងយ៉ាងជិតស្និទ្ធ នឹងការសម្រកទម្ងន់។ នោះមិនបង្ហាញថាទឹកដោះគោជូរ បង្កការសម្រកទម្ងន់នោះទេ ប៉ុន្តែវាលេចធ្លោជាងគេក្នុងចំណោមអាហារដទៃទៀត។
9.ក្រូចថ្លុង
ត្រូវហើយក្រូចថ្លុង ពិតជាអាចជួយអ្នកសម្រកទម្ងន់បានជាពិសេសប្រសិនបើអ្នកប្រឈមនឹងជំងឺទឹកនោមផ្អែម។ ប៉ុន្តែ ទឹកក្រូចថ្លុងមិនមានលក្ខណៈសម្បត្តិ “ដុតបំផ្លាញខ្លាញ់” ទេ – វាប្រហែលជាបានជួយមនុស្សឱ្យមានអារម្មណ៍ឆ្អែត៕