បញ្ហាឈឺក ជាទូទៅ ជារោគសញ្ញាមួយ នៃប្រតិកម្មអាលែកហ្ស៊ី ការបង្ករោគដោយបាក់តេរី-វីរុស ផ្ដាសាយធម្មតា ឬផ្ដាសាយធំ ។ មនុស្សមួយចំនួនអាចមានបញ្ហាឈឺកជាទៀងទាត់ ដែលនេះជាមូលហេតុមួយនៃប្រតិកម្មអាលែកហ្ស៊ីតាមរដូវកាល។ ប៉ុន្តែ តើអ្នកអាចឹងយ៉ាងណាថា តើការឈឺករបស់អ្នក មិនមែនគ្រាន់តែផ្តាសាយធម្មតា?
ជាការពិតណាស់ រោគសញ្ញាផ្ដាសាយធម្មតា និងប្រតិកម្មអាលែកហ្ស៊ី គឺដូចគ្នា ដែលរួមមាន៖ ហៀរសំបោរ តឹងច្រមុះ អស់កម្លាំង ក្អក ឬកណ្ដាស់។
ជាមួយគ្នានេះដែរ ប្រសិនបើអ្នកឈឺក ដោយមានអាការៈរមាស់ភ្នែក ហូរទឹកភ្នែក នោះវាអាចជាប្រតិកម្មអាលែកហ្ស៊ី ។ អ្វីម្យ៉ាងទៀតដែលអ្នកត្រូវកត់សម្គាល់នោះគឺ រយៈពេលនៃការឈឺក។ អ្នកត្រូវដឹងថា ជំងឺផ្ដាសាយធម្មតា និងផ្ដាសាយធំ មិនកើតយូរជាងពីរសប្ដាហ៍នោះទេ។ ដូច្នេះ បើអ្នកឈឺកលើសពីរយៈពេល មានន័យថាអ្នកអាចនឹងមានប្រតិកម្មអាលែកហ្ស៊ី ដែលវាប្រហែលជាកើតឡើងដោយសារការប៉ះពាល់ទៅនឹងសារធាតុបង្កអាលែកហ្ស៊ី ដូចជា លម្អងផ្កា សត្វចិញ្ចឹម ធូលី និងផ្សិត ជាដើម៕