មិនពិបាកឡើយ! ចង់ឱ្យសក់ក្រាស់ជាងមុនត្រូវធ្វើបែបណា? កុំរំលងអត្ថបទនេះ

ចង់ឱ្យសក់ដុះលឿនក្រាស់ឆាប់រហ័សមិនពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាមែនទេ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញពីរូបមន្តបែបធម្មជាតិជួយឱ្យសក់ឆាប់ដុះក្រាស់ជាងមុន ៖

១. ប្រទាលកន្ទុយក្រពើ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាជែលប្រទាលកន្ទុយក្រពើលើស្បែកក្បាល និងរងចាំសម្រាប់រយៈពេល ៣០នាទី។ លាងសម្អាតចេញជាមួយទឹកក្ដៅឧណ្ហៗ។ ដើម្បីទទួលបានលទ្ធផលកាន់តែប្រសើរអ្នកអាចទទួលទានទឹកប្រទាលកន្ទុយក្រពើស្រស់រាល់ព្រឹកជាប្រចាំ។

២. ម្យៅឈើអែម

អ្វីដែលអ្នកត្រូវធ្វើ គឺគ្រាន់តែលាយស៊ុត ១គ្រាប់ ជាមួយប្រេងអូលីវសុទ្ធ ១ ស្លាបព្រាបាយ, ទឹកឃ្មុំឆៅ ១ស្លាបព្រាកាហ្វេ និងម្សៅឈើអែម ១ស្លាបព្រាកាហ្វេ ឱ្យសព្វចូលគ្នា។ បន្ទាប់មកលាបម៉ាស្សាល្បាយលើស្បែកក្បាល និងរងចាំសម្រាប់រយៈពេល ២០ ទៅ ៣០ នាទី សឹមលាងសម្អាតចេញជាមួយទឹកធម្មតា។ កុំភ្លេចកក់សម្អាតសក់ជាមួយសាប៊ូកម្រិតស្រាល។ អនុវត្តសារឡើងវិញ ២ដងក្នុងមួយសប្តាហ៍ រហូតទទួលបានលទ្ធផលគាប់ចិត្ត។

៣. ស៊ុត

អ្វីដែលអ្នកត្រូវការ គឺស៊ុត ១ ឬ ២ គ្រាប់អាស្រ័យលើប្រវែងនៃសក់។ អ្វីដែលអ្នកត្រូវធ្វើ គឺគ្រាន់តែកូរវឹកស៊ុតឱ្យសព្វ រួមលាបលើសក់និងទុកចោលសម្រាប់រយៈពេលប្រហែក ៣០ នាទី សឹមលាងសម្អាតចេញជាមួយទឹកក្ដៅឧណ្ហនិងកក់សក់ជាមួយសាប៊ូដូចពេលធម្មតាជាការស្រេច។ អនុវត្តឱ្យបានយ៉ាងហោចណាស់ ២ ដងក្នុងមួយសប្តាហ៍។

៤. ផ្លែបឺរ

អ្វីដែលអ្នកត្រូវធ្វើ គឺផ្លែបឺរទុំកិនម៉ដ្ឋ ១ ផ្លែ ចេកទុំកិនម៉ដ្ឋ ១ ផ្លែ និងប្រេងអូលីវ ១ ស្លាបព្រាបាយ។ អ្វីដែលអ្នកត្រូវធ្វើ គឺគ្រាន់តែលាយគ្រឿងផ្សំទាំងអស់ចូលគ្នា។ កូរឱ្យសព្វ សឹមលាបម៉ាស្សាលើស្បែកក្បាល។ ទុកចោលសម្រាប់រយៈពេល ៣០ នាទី សឹមលាងសម្អាតចេញនិងកក់សក់ដូចពេលធម្មតា។

៥. ប្រេងដូង

ជាដំបូងត្រូវកម្ដៅប្រេងដូងឱ្យក្ដៅឧណ្ហៗសិន បន្ទាប់មកសឹមលាបម៉ាស្សាប្រេងដូងលើស្បែកក្បាល។ កុំភ្លេចលាបលើសក់ពីគល់ទៅចុងផង។ ប្រើប្រាស់កន្សែងស្អាតរុំសក់ឱ្យជិតសម្រាប់រយៈពេល ៣០ នាទី។ កក់សម្អាតសក់ចេញជាមួយសាប៊ូដូចពេលធម្មជាតិជាការស្រេច៕