ក្រូចឆ្មារ
ក្រូចឆ្មារ ជាជម្រើសទីមួយ សម្រាប់អ្នកដែលចង់សម្រកទម្ងន់។ ការផឹកទឹកក្រូចឆ្មារក្តៅ មួយកែវជារៀងរាល់ថ្ងៃ នៅពេលព្រឹកព្រលឹម នឹងជួយដុតកាឡូរី និងធ្វើឲ្យអ្នក មានកម្លាំងពេញមួយថ្ងៃ។
បឺរីខ្មៅ
បឺរីខ្មៅ មានផ្ទុកទៅដោយវីតាមីន C ម៉ង់ហ្កាណេស និងវីតាមីន K ដែលជាអាហារសម្រន់ដ៏ល្អមួយ សម្រាប់អ្នកដែលមិនចង់ឡើងទម្ងន់។
ស្ត្របឺរី
ស្រ្តបឺរី មានវីតាមីន C ខ្ពស់ ហើយពេលអ្នកញ៉ាំ ផ្លែឈើដ៏មានឱជាតិរសនេះ វានឹងជួយឲ្យអ្នក ស្រកទម្ងន់បានយ៉ាងលឿនទៀតផង។
ល្ហុង
ល្ហុង ត្រូវបានគេចាត់ទុកថា ជាផ្លែឈើដែលមានជាតិស្ករតិចបំផុត។ ល្ហុង ជាផ្លែឈើដែលអ្នកគួរតែទទួលទាន នៅក្នុងរដូវក្តៅ ខណៈពេលដែលវា អាចជួយឲ្យអ្នកមានកម្លាំង និងស្វាហាប់ជាងមុន។ ក្រៅពីនេះ វីតាមីន C វីតាមីន A ហ្វូលាត និងប៉ូតស្យូម ដែលមាននៅក្នុងល្ហុង ពិតជាល្អចំពោះសុខភាពណាស់។
ឪឡឹក
មនុស្សភាគច្រើន ចូលចិត្តទទួលទានឪឡឹក ពីព្រោះ ពួកគេដឹងថា វាមានជាតិទឹកច្រើន តែជាតិស្ករតិច ហើយជួយដល់កម្លាំងរាងកាយទៀតផង។
ផ្លែប៉ោម
មិនប្រាប់ ក៏អ្នកដឹងដែរថា ផ្លែប៉ោម អាចជួយសម្រកទម្ងន់៕