Join with Health.com.kh on Telegram

​ការស្រាវជ្រាវ​ថ្មី​បាន​រកឃើញថា កាយសម្បទា​រឹងមាំ​អាចជួយ​ការពារ​ការ​គាំងបេះដូង និង​កើនឡើង​ការរស់រានមានជីវិត​ចំពោះ​អ្នក​ដែល​មាន​ជំងឺ​សរសៃឈាម​បេះដូង​។​


​អ្នកស្រាវជ្រាវ​បាន​វិភាគ​ទៅលើ​មនុស្សពេញវ័យ​ជាង​៩.៨០០​នាក់​ដែល​មាន​ជំងឺ​សរសៃឈាម​បេះដូង​ដែល​បាន​ធ្វើ​តេស្ត​។ ពួកគេ​ត្រូវ​គេ​តាមដាន​អស់​រយៈពេល​១១​ឆ្នាំ​ដើម្បី​មើល​ថា​តើ​ពួកគេ​បាន​ទទួលរង​នឹង​ការ​គាំង​បដូ​ង​, មាន​ធ្លាប់​ត្រូវបាន​ធ្វើ​ការវះកាត់​បើក​សរសៃឈាម​បេះដូង ឬ​បាន​ស្លាប់​ដោយសារ​មូលហេតុ​នានា​ឬ​យ៉ាងណា​។​


​ច​ន ម៉ាក​វ៉ូ​យ (John McEvoy) ជា​សាស្ត្រាចារ្យ​ផ្នែក​ជំងឺ​បេះដូង​នៅ​សាកលវិទ្យាល័យ​វេជ្ជសាស្ត្រ Johns Hopkins បាន​និយាយថា យើង​បាន​វាស់​ពី​សមត្ថភាព​នៃ​ការធ្វើ​លំ​ហាត់ប្រាណ​, មើល​ពី​ភាពស្មើគ្នា​នៃ​មេ​តា​ប៉ូលីស ពី​លទ្ធផល​នៃ​ការ​ធ្វើ​តេស្ត​លើ​អ្នកជំងឺ​នោះ​។​


​អ្នកស្រាវជ្រាវ​បាន​រកឃើញថា ការកើនឡើង​នៃ​សមត្ថភាព​នៃ​ការធ្វើ​លំ​ហាត់ប្រាណ ត្រូវ​បាន​ផ្សារភ្ជាប់​ជាមួយនឹង​ការថយចុះ​១៣%​នៃ​ហានិភ័យ​នៃ​ការស្លាប់​។​
​នៅ​ក្នុង​ការស្រាវជ្រាវរ​បស់​យើង​, អ្នកជំងឺ​ដែល​មាន​កាយសម្បទា​រឹងមាំ​បំផុត​មាន​ការថយចុះ​ហានិភ័យ​នៃ​ការស្លាប់​ដោយសារ​មូលហេតុ​នានា​៧៥%​បើ​ធៀប​ទៅ​នឹង​អ្នក​ដែល​មាន​កាយសម្បទា​ខ្សោយ​បំផុត​នោះ​។ ការស្រាវជ្រាវ​បាន​បង្ហាញ​នូវ​ភាពចាំបាច់​នៃ​លំ​ហាត់ប្រាណ និង​កាយសម្បទា​រឹងមាំ​ចំពោះ​អ្នកជំងឺ​សរសៃឈាម​បេះដូង​។​
​វេជ្ជបណ្ឌិត ម៉ៃ​ឃើ​ល ប្លា​ហា (Michael Blaha) ជា​សាស្ត្រាចារ្យ​រង​ខាង​ផ្នែក​វេជ្ជសាស្ត្រ​នៅ​សាកលវិទ្យាល័យ​វេជ្ជសាស្ត្រ Johns Hopkins បាន​និយាយថា លទ្ធផល​របស់​យើង​បានបង្ហាញ​ថា ការកើនឡើង​កាយសម្បទា​រឹងមាំ​តាមរយៈ​លំ​ហាត់ប្រាណ​អាច​ជា​មធ្យោបាយ​មួយ​មាន​ប្រសិទ្ធភាព​សម្រាប់​ការពារ​ផលវិបាក​ដែល​ត្រូវបាន​ទាក់ទង​ទៅនឹង​ជំងឺ​សរសៃឈាម​បេះដូង​។​


​ប្លា​ហា​បាន​បន្ថែមថា យើង​សង្ឃឹមថា ក្រោយពី​មាន​លទ្ធផល​នៃ​ការស្រាវជ្រាវ​នេះ​, គ្រូពេទ្យ​ជាច្រើន​នឹង​ពិចារណា​អោយ​អ្នកជំងឺ​ធ្វើ​លំ​ហាត់ប្រាណ​ដើម្បី​អោយ​មាន​ភាពប្រសើរ​ឡើង​ដល់​ការរស់នៅ និង​គុណភាព​នៃ​ជីវិត​របស់​អ្នកជំងឺ​ពួកគេ​ដែល​អាច​ធ្វើ​លំ​ហាត់ប្រាណ​ដែល​ផ្តល់​នូវ​សុវត្ថិភាព​បាន​៕