ការស្រាវជ្រាវថ្មីមួយបានបង្ហាញថា ការបន្ថយអាការៈបែកញើសពេលយប់ មិននៅក្នុងចំណោមប្រយោជន៍ដែលមកពីការធ្វើលំហាត់ប្រាណ ដែលត្រូវបានណែនាំអោយស្ត្រីធ្វើនោះទេ។
អ្នកស្រាវជ្រាវបានមើលទៅលើស្ត្រី ២៤៨នាក់ ដែលជិតនឹងអស់រដូវ ឬក្រោយអស់រដូវ។ ពួកគេត្រូវបានគេចែកទៅជា២ក្រុម, ១០៦នាក់នៃពួកគេបានអោយធ្វើលំហាត់ប្រាណ ៣ដងក្នុងមួយសប្តាហ៍ ក្នុងរយៈពេល ១២សប្តាហ៍ ខណៈពេលអ្នកសល់ប៉ុន្មានធ្វើសកម្មភាពប្រចាំថ្ងៃធម្មតា។
ស្ត្រីទាំងអស់បានសរសេរកំណត់ហេតុប្រចាំថ្ងៃលើការបែកញើសយប់, គុណភាពនៃការគេង, ការគេងមិនលក់ និងរោគសញ្ញានៃការធ្លាក់ទឹកចិត្ត និងថប់បារម្ភ។
អ្នកស្រាវជ្រាវបានរកឃើញថា កម្មវិធីនៃការធ្វើលំហាត់ប្រាណ គឺមានឥទ្ធិពលវិជ្ជមានតិចតួចលើគុណភាពនៃការគេង, ការគេងមិនលក់ និងការធ្លាក់ទឹកចិត្ត ប៉ុន្តែមិនមានឥទ្ធិពលអ្វីសោះទៅលើការបែកញើសយប់។ ស្ត្រីស្បែកសស្ថិតនៅក្នុងកម្មវិធី នៃការធ្វើលំហាត់ប្រាណ បានបង្ហាញពីភាពប្រសើរឡើង នៃការបែកញើសយប់ បើធៀបទៅនឹងស្ត្រីស្បែកសដែលធ្វើសកម្មភាពធម្មតារបស់ពួកគេ ប៉ុន្តែភាពខុសប្លែកនេះមិនត្រូវបានឃើញចំពោះស្ត្រីស្បែកខ្មៅនោះទេ។
ការស្រាវជ្រាវត្រូវបានចេញផ្សាយនៅក្នុងកាសែត Menopause។
បាបារ៉ា ស្តេនហ្វៀល (Barbara Sternfeld) បាននិយាយថា អាយុពាក់កណ្តាលរបស់ស្ត្រីមិនអាចរំពឹងលើការធ្វើលំហាត់ប្រាណ ដើម្បីបន្ថយសភាពនៃការបែកញើសយប់របស់ពួកគេបាននោះទេ ប៉ុន្តែអាចរំពឹងថាវាប្រសើរឡើងនូវអារម្មណ៍ និងសុខភាពរបស់ពួកគាត់៕