ប្រទេសប្រេស៊ីលបានរាយការណ៍ពីករណី Covid-19 ថ្មីចំនួន ៩០,៣០៣ ករណី កាលពីថ្ងៃពុធ – ជាការកើនឡើងខ្ពស់បំផុតនៃការឆ្លងមេរោគប្រចាំថ្ងៃចាប់តាំងពីការរាតត្បាតនៃមេរោគនេះ។
យោងតាមក្រសួងសុខាភិបាលបានឱ្យដឹងថា ចំនួនសរុបនៃករណីកូវីដរបស់ប្រទេសនេះមានចំនួន ១១.៦៩៣.៨៣៨ ។ ប្រទេសប្រេស៊ីល បានចុះបញ្ជីការស្លាប់ទាក់ទងនឹងវីរុសនេះ សរុបចំនួន ២៨៤.៧៧៥ នាក់ ដោយមានអ្នកស្លាប់ថ្មីចំនួន ២,៦៤៨ នាក់។
អត្រាឆ្លងថ្មីខ្ពស់បំផុត បានកើតឡើងបន្ទាប់ពីប្រទេសប្រេស៊ីល បានរាយការណ៍អំពីចំនួនអ្នកស្លាប់ដោយសារជំងឺឆ្លងវីរុសប្រចាំថ្ងៃខ្ពស់បំផុតរបស់ខ្លួនចំនួន ២,៨៤១ នាក់កាលពីថ្ងៃអង្គារ ដោយអត្រានៃការកើនឡើងលើស ៨០ ភាគរយនៅក្នុង ២៥ នៃរដ្ឋចំនួន ២៦ និងតំបន់សហព័ន្ធរបស់ខ្លួន។
កាលពីថ្ងៃអង្គារវិទ្យាស្ថានស្រាវជ្រាវប្រេស៊ីល Oswaldo Cruz (FioCruz) បានព្រមានថាវិបត្តិជំងឺកូវីដ នៅក្នុងប្រទេសនេះគឺជា “ការដួលរលំនៃសុខភាព និងមន្ទីរពេទ្យ ដ៏អស្ចារ្យបំផុតនៅក្នុងប្រវត្តិសាស្ត្រប្រេស៊ីល” ៕