Join with Health.com.kh on Telegram

ការស្រាវជ្រាវ​ថ្មី​មួយ​បាន​បង្ហាញថា ការប្រែប្រួល​សេនេទិច​ដែល​ត្រូវបាន​កំណត់​ថ្មី អាច​ជួយ​ទស្សន៍ទាយ​ថា​តើ​ស្ត្រី​រូប​ណា​នឹង​ឆ្លើយតប​ទៅនឹង​ការព្យាបាល​ការពារ​ជំងឺមហារីក​សុដន់​។​

​អ្នកស្រាវជ្រាវ​បាន​សម្គាល់ថា ដោយ​កំណត់​ថា​តើ​នរណា​នឹង​ទទួល និង​មិន​ទទួល​បាន​ប្រយោជន៍​ពី​ថ្នាំ​ការពារ​ជំងឺ​នេះ​ពីរ​ប្រភេទ​នោះ​, ស្ត្រី​ដែល​ហាក់ដូចជា​មិន​ឆ្លើយតប​ទៅនឹង​ថ្នាំ អាច​មាន​ផល​រំខាន​ច្រើន​។​

​អ្នកស្រាវជ្រាវ​បាន​ពិនិត្យ​លើ​ស្ត្រី​៥៩២​នាក់​ដែល​បាន​វិវត្ត​ទៅ​ជា​ជំងឺ​មហារីកស្រប​ពេល​ស្រដៀង​គ្នា​នឹង​ស្ត្រី​១.១៧១​នាក់​ដែល​មិន​បាន​វិវត្ត​ទៅ​ជា​ជំងឺ​មហារីក​នោះ​។​
​អ្នកស្រាវជ្រាវ​បាន​រកឃើញថា ស្ត្រី​ដែល​មាន​ការប្រែប្រួល​សេនេទិច​ល្អ ដែល​ត្រូវបាន​គេ​ហៅថា single nucleotide polymorphism (SNP) ដែល​ស្ថិត​នៅក្នុង​ហ្សែ​ន ZNF423 និង​ហ្សែ​ន​ដទៃទៀត​ដែល​នៅ​ជិត​ហ្សែ​ន CTSO ហាក់ដូចជា​ឆ្លើយតប​ទៅ​នឹង​ការព្យាបាល​ការពារ​ជាមួយនឹង​ថ្នាំ tamoxifen និង​ថ្នាំ raloxifene​។​
​ស្ត្រី​ដែល​ការប្រែប្រួល​សេនេទិច​មិន​មាន​ផល​ល្អ​ទៅ​នឹង​ហ្សែ​ន SNPs នេះ​អាច​មិន​ទទួលបាន​ប្រយោជន៍​ពី​ការព្យាបាល​ការពារ និង​មាន​ការកើនឡើង​ហានិភ័យ​៥​ដង​ក្នុង​ការវិវត្ត​ទៅ​ជា​ជំងឺ​មហារីក​សុដន់​។ នេះ​ដោយយោង​តាម​ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង​កាសែត Cancer Discovery​។​

​ការណែនាំ​ថ្មី​ដោយ U.S. Preventive Services Task Force បាន​សង្កត់ធ្ងន់ថា ការព្យាបាល​ជាមួយនឹង​ថ្នាំ tamoxifen និង​ថ្នាំ raloxifen អាច​បន្ថយ​ហានិភ័យ​ចំពោះ​ស្ត្រី​ក្នុង​ការវិវត្ត​ទៅជា​ជំងឺមហារីក​សុដន់​។ វេជ្ជបណ្ឌិត ជេម អ៊ីង​ហ្គ​ល (James Ingle) ជា​សាស្ត្រាចារ្យ​ខាង​ផ្នែក​ជំងឺមហារីក​បាន​និយាយថា ប៉ុន្តែ​ប្រហែល​ស្ត្រី​៥០​នាក់ ត្រូវ​បាន​ប៉ះពាល់​ទៅ​នឹង​ការព្យាបាល និង​ផល​រំខាន​របស់​វា​ដើម្បី​ការពារ​ជំងឺមហារីក​សុដន់​។​

​ការស្រាវជ្រាវ​របស់​យើង​គឺ​សំខាន់ ដោយសារ​តែ​វា​ជា​ការស្រាវជ្រាវ​ដំបូង ហើយ​យើង​បាន​រក​ឃើញ​ពី​កត្តា​សេនេទិច​ដែល​អាច​ត្រូវបាន​ប្រើប្រាស់​ដើម្បី​ជ្រើសរើស​យក​ស្ត្រី​ដែល​គួរតែ​ទទួល​បាន​ប្រយោជន៍​ពី​ការប្រើ​ថ្នាំ​។ គាត់​បាន​បន្ថែមថា ហើយ​វា​ក៏​ជា​រឿង​សំខាន់​ផងដែរ​ដែល​ការស្រាវជ្រាវ​ថ្មី​របស់​យើង​បង្ហាញថា​តើ​ថ្នាំ tamoxifen និង​ថ្នាំ raloxifene មាន​ប្រសិទ្ធភាព​យ៉ាងដូចម្តេច​ដើម្បី​ការពារ​ជំងឺមហារីក​សុដន់​៕​