ការស្រាវជ្រាវថ្មីមួយដែលបានពីប្រទេសចិនបានអោយដឹងថា ប្រូតេអ៊ីនមួយចំនួននៅក្នុងទឹកមាត់ជួយការពារមនុស្សវ័យចំណាស់ពីជំងឺផ្តាសាយ។
អ្នកស្រាវជ្រាវ ហ្សេង លី (Zheng Li) បាននិយាយថា ការស្រាវជ្រាវបានផ្តល់ភាពប្រសើរឡើងនូវការយល់ដឹងថាតើហេតុអ្វីមនុស្សវ័យចំណាស់អាចមានភាពប្រសើរក្នុងការទប់ទល់ប្រឆាំងនឹងជំងឺផ្តាសាយថ្មី (ជំងឺផ្តាសាយបក្សី និងជំងឺផ្តាសាយជ្រូក) ជាងមនុស្សវ័យក្មេង។
នៅពេលដែលចាប់ផ្តើមដំណើរការនៃការរំលាយអាហារ, ទឹកមាត់ក៏មានធាតុផ្សំជាប្រូតេអ៊ីនដើម្បីទប់ទល់ជាមួយនឹងមេរោគដែលជាប្រព័ន្ធការពារដំបូងប្រឆាំងនឹងការឆ្លងមេរោគ។ វាត្រូវបានគេដឹងថា អាយុរបស់មនុស្សប៉ះពាល់ទៅលើកម្រិតនៃគ្លីកូប្រូតេអ៊ីននៃទឹកមាត់របស់ពួកគេដែលជាប្រូតេអ៊ីនមានជាតិស្ករដែលប្រយុទ្ធប្រឆាំងនឹងមេរោគដែលបង្កអោយទៅជាជំងឺ។
នៅក្នុងការស្រាវជ្រាវនេះ, អ្នកស្រាវជ្រាវបានស្វែងរកការសិក្សាបន្ថែមអំពីរបៀបដែលភាពខុសប្លែកគ្នានៃប្រូតេអ៊ីននៅក្នុងទឹកមាត់ដែលទាក់ទងទៅនឹងអាយុប៉ះពាល់លើភាពងាយនឹងកើតជំងឺផ្តាសាយលើមនុស្ស។
អ្នកស្រាវជ្រាវបានវិភាគលើគម្រូនៃទឹកមាត់ពីបុរស និងស្ត្រីដែលមានអាយុខុសគ្នាចំនួន១៨០នាក់ ហើយបានរកឃើញថា គ្លីកូប្រូតេអ៊ីននៅក្នុងទឹកមាត់នៃអ្នកដែលមានអាយុលើសពី៦៥ឆ្នាំ គឺមានប្រសិទ្ធភាពក្នុងការភ្ជាប់ទៅនឹងវីរុសផ្តាសាយជាងអ្នកដែលនៅវ័យក្មេង។
ការស្រាវជ្រាវត្រូវបានចេញផ្សាយនៅក្នុងកាសែត Journal of Proteome Research។
អ្នកស្រាវជ្រាវបាននិយាយថា ការស្រាវជ្រាវនេះបង្ហាញថា ការធ្វើតេស្តនៃទឹកមាត់អាចជួយផ្តល់ភាពប្រសើរឡើងដល់ការយល់ដឹង, ការការពារ និងការធ្វើរោគវិនិច្ឆ័យនៃជំងឺមួយចំនួនដែលពាក់ព័ន្ធទៅនឹងអាយុ៕