រដ្ឋាភិបាលអ៊ីស្លង់បាននិយាយកាលពីថ្ងៃអង្គារនៅក្នុងសេចក្តីថ្លែងការណ៍មួយថា ប្រទេសនេះ នឹងបើកព្រំដែនរបស់ខ្លួនសម្រាប់ភ្ញៀវទេសចរ ដែលបានចាក់វ៉ាក់សាំងរួមមានភ្ញៀវមកពីប្រទេសមិនមែន Schengen ។
រដ្ឋាភិបាលបានប្រកាសថា “អ្នកទាំងអស់ដែលបានចាក់វ៉ាក់សាំងប្រឆាំងនឹង Covid-19 នឹងត្រូវបានអនុញ្ញាតឱ្យធ្វើដំណើរទៅប្រទេសអ៊ីស្លង់ ដោយមិនចាំបាច់អនុវត្តតាមព្រំដែន ដូចជាការធ្វើតេស្ត និងការដាក់ឲ្យនៅដាច់ឆ្ងាយ”
រហូតមកដល់ពេលនេះ “ការលើកលែងនេះ ត្រូវបានអនុវត្តចំពោះតែអ្នកដែលមានលិខិតបញ្ជាក់ពីតំបន់ EU/EEA ប៉ុន្តែឥឡូវនេះ នឹងត្រូវអនុវត្តស្មើៗគ្នាចំពោះមនុស្សគ្រប់គ្នា ដែលអាចផ្តល់ភស្តុតាងនៃការចាក់វ៉ាក់សាំងពេញលេញជាមួយនឹងវ៉ាក់សាំង ដែលត្រូវបានបញ្ជាក់ថា ប្រើប្រាស់ដោយទីភ្នាក់ងារវេជ្ជសាស្ត្រអឺរ៉ុបផងដែរ។ វិញ្ញាបនប័ត្រពីអង្គការសុខភាពពិភពលោក (WHO) ក៏ត្រូវបានទទួលយកសម្រាប់វ៉ាក់សាំងដែលអង្គការសុខភាពពិភពលោកបានធ្វើឱ្យមានសុពលភាពផងដែរ។
រដ្ឋាភិបាលប្រទេសនេះ បានបន្ថែមថាចាប់ពីថ្ងៃទី១៨ ខែមីនា ការលើកលែងនេះ នឹងអនុវត្តចំពោះពលរដ្ឋនៅក្រៅតំបន់ Schengen រួមទាំងចក្រភពអង់គ្លេស និងសហរដ្ឋអាមេរិក។
ការលើកលែងនេះ ក៏អនុវត្តចំពោះអ្នកទាំងឡាយណា ដែលអាចផ្តល់ភស្តុតាងត្រឹមត្រូវនៃការឆ្លងរោគ៕