​ដូចដែល​យើង​បានដឹងហើយថា មើម​ខ្ញី​គឺ​ពិតជា​មាន​អត្ថប្រយោជន៍​ជា​ច្រើន ចំពោះ​សុខភាព​ជា​ទូទៅ​របស់ មនុស្ស​រាល់គ្នា​។ ក្នុងចំណោម នៃ​គុណសម្បត្តិ​ដ៏​ច្រើន​នោះ វា​គឺ​ពិតជា​មាន​លក្ខណៈ​ពិសេស ដែល​គេ​អាច​ប្រើ​វា ជា​អាហារ​ជួយ សម្រាល​នូវ​អាការៈ​ក្រហាយដើមទ្រូង​បាន ប្រសិនបើ​អ្នក​បាន​ទទួលទាន​វា នៅក្នុង​កម្រិត​សមស្រប​នោះ​។​
​បញ្ហា​ក្រហាយ​ដើមទ្រូង​នេះ ជារឿយៗ​ត្រូវ​បាន​កើតមាន​ដោយសារតែ ការ​ច្រាល​ជាតិ​អាស៊ីត​នៅក្នុង ក្រពះ ដែល​ធ្វើអោយ​អ្នក​ភើរ​មក​ជូរ ឬ មាន​អារម្មណ៍​ថា​អួលៗ​នៅ​ចុងដង្ហើម ។​


​ជាធម្មតា គេ​តែង​ប្រើ​មើម​ខ្ញី ធ្វើ​ជា​ឱសថ ប្រឆាំង​នឹង​ការ​រលាក និង ជា​វិធី​ព្យាបាល​ស្ថានភាព​នៃ​ជំងឺ​ក្រពះ​ពោះវៀន​បាន​យ៉ាង​ល្អ ប្រសើរ​។ គេ​អាច​ទទួល​ទាន វា​តាម​វិធី​ជា​ច្រើន​យ៉ាង ដូចជា ប្រើ​វា​ឆុង​ជាមួយនឹង​តែ​ក្តៅ ឬ បន្ថែម​ទៅ​ក្នុង ម្ហូបអាហារ​ផ្សេងៗ ដើម្បី​បង្កើន​រសជាតិ និង ទទួលបាន​នូវ​អត្ថប្រយោជន៍​ជា​ពិសេស របស់​វា​ចំពោះ សុខភាព​របស់​អ្នក ៕