ស្ករ និងប៊ឺចេងគឺជាគ្រឿងផ្សំដែលអ្នកត្រូវតែប្រើពេលដែលអ្នកចម្អិនម្ហូបម្តងៗ ប៉ុន្តែនៅពេលដែលអ្នកមានផ្ទៃពោះ អ្នកមិនអាចប្រើច្រើនពេលដែលធ្វើម្ហូបនោះទេ ព្រោះនៅពេលដែលអ្នកញ៉ាំច្រើន វាអាចប៉ះពាល់ដល់អ្នក និងទារកបាន។ តើវាអាចប៉ះពាល់ត្រង់កន្លែងណាខ្លះទៅ?
នៅពេលដែលអ្នកមានផ្ទៃពោះ ប្រសិនជាអ្នកញ៉ាំស្ករច្រើន វានឹងធ្វើឲ្យរាងកាយអ្នកខ្សោយដែលពិបាកក្នុងការទប់ទល់នឹងជំងឺផ្សេងៗណាស់។ ម្យ៉ាងទៀតវានឹងធ្វើឲ្យកាលស្យូមដែលមានក្នុងរាងកាយអ្នកបាត់បង់ដូចគ្នា។ ជាងនេះទៅទៀតវាក៏អាចធ្វើឲ្យទារកខ្វះកាលស្យូមបានដែរ ដែលអាចធ្វើឲ្យប៉ះពាល់ដល់ឆ្អឹងកូនជាខ្លាំង ដោយធ្វើឲ្យឆ្អឹងមិនអាចលូតលាស់បានល្អនោះទេ។ ដូចដែលអ្នកធ្លាប់ដឹងមកហើយថាសារធាតុដែលមានក្នុងប៊ឺចេងនឹងអាចបំផ្លាញសុខភាពអ្នកបានក្រោយពេលដែលញ៉ាំច្រើន ដូចនេះនៅពេលដែលអ្នកមានផ្ទៃពោះ យកល្អសូមអ្នកកុំញ៉ាំឲ្យសោះ ព្រោះវាក៏អាចប៉ះពាល់ដល់កូនដែរ៕