ការសិក្សាថ្មីមួយបង្ហាញថា ជំងឺខ្សោយបេះដូងមានទំនាក់ទំនងជាមួយនឹងការចុះស្តើងនៃឆ្អឹង និងបង្កើនហានិភ័យនៃការប្រេះស្រាំ។
ការរកឃើញនេះណែនាំថា ការពិនិត្យរកសភាពប្រែស្តើងនិងប្រេះស្រួយនៃឆ្អឹងអាចមានសារសំខាន់សម្រាប់អ្នកជំងឺខ្សោយបេះដូង។
ពួកគេបានមើលលើទិន្នន័យរបស់មនុស្សជំទង់ប្រហែល ៤៥.៥០០នាក់ ដែលបានធ្វើការពិនិត្យដង់ស៊ីតេសារធាតុខនិជឆ្អឹងលើកទីមួយ ហើយបានតាមដាន់រហូតដល់ ១០ឆ្នាំបន្ទាប់។ ក្នុងចំណោមមនុស្សទាំងនោះ មានមនុស្ស ១.៨៤១នាក់ ដែលមានជំងឺខ្សោយបេះដូងក្នុងពេលថ្មីៗនេះ។
ក្រោយពេលក្រុមអ្នកស្រាវជ្រាវបានធ្វើបម្រែបម្រួលកត្តាហានិភ័យនៃបញ្ហាឆ្អឹងប្រែជាស្តើងនិងប្រេះស្រួយ ពួកគាត់បានសន្មត់ថា ជំងឺខ្សោយបេះដូងទាក់ទងទៅនឹងហានិភ័យកើនឡើងនៃបញ្ហាឆ្អឹងប្រេះស្រួយដល់ទៅ ៣០ភាគរយ។
វេជ្ជបណ្ឌិត ស៊ុមីត ម៉ាជុមដា (Sumit Majumdar) នៃសាកលវិទ្យាល័យអាល់ប៊ឺតា (albeta) នៅប្រទេសកាណាដា បាននិយាយថា “ការសិក្សារបស់យើងបង្ហាញថាជំងឺខ្សោយបេះដូងនិងបញ្ហាប្រែជាស្តើងនៃឆ្អឹង មានទំនាក់ទំនងនឹងគ្នា។ ការយល់ដឹងពីទំនាក់ទំនងរបស់វាប្រហែលជាអាចនាំឱ្យយើងរកឃើញការព្យាបាលថ្មីសម្រាប់បញ្ហាទាំងពីរនេះ”។
គាត់ណែនាំថា ការពិនិត្យមើលបញ្ហាឆ្អឹងប្រែស្តើងនិងប្រេះស្រួយគួរតែមានការពិនិត្យកាំរស្មី X នៅទ្រូងរបស់អ្នកជំងឺដែលមានជំងឺខ្សោយបេះដូង។
វេជ្ជបណ្ឌិត ម៉ាជុមដា និយាយថា “អ្នកជំងឺខ្សោយបេះដូងធ្វើការពិនិត្យកាំរស្មី X ជាច្រើនដង ហើយពួកគេច្រើនតែរកឃើញដោយចៃដន្យថាមានបញ្ហាប្រេះស្រួយឆ្អឹងខ្នង ដែលអាចនឹងផ្តល់ការបង្ហាញនៃបញ្ហាប្រេះស្រួយធ្ងន់ធ្ងរដោយស្វ័យប្រវត្តិ ហើយនិងតម្រូវឱ្យបមានការព្យាបាល”។