ការស្រាវជ្រាវថ្មីមួយបង្ហាញថាថ្នាំអាស្ពីរីននិងថ្នាំប្រឆាំងការរលាកផ្សេងទៀតប្រហែលអាចកាត់បន្ថយការរាតត្បាតនៃជំងឺមហារីក។
បើទោះបីជាប្រសិទ្ធភាពនេះត្រូវបានរកឃើញដោយអ្នកវិទ្យាសាស្ត្រ ប៉ុន្តែពួកគែនៅមិនទាន់យល់ពីមេកានិចជីវសាស្ត្ររបស់វានៅឡើយទេ។ ការស្រាវជ្រាវនេះត្រូវបានធ្វើឡើងដោយអ្នកជំនាញនៅមជ្ឈមណ្ឌល Peter MacCallum នៅ ម៉េលប៊ន (Melbourne) ប្រទេសអូស្ត្រាលី។
អ្នកស្រាវជ្រាវ តារ៉ា កាណេហ្ស៊ីស (Tara Karnezis) និយាយថា ប្រតេអ៊ីននិងសមាសធាតុសាច់ដុះមហារីក ហៅថា កត្តាលូតលាស់ ដែលនាំឈាមនិងបំពង់ផ្លូវទឹករងៃទៅកាន់សាច់ដុះមហារីក ដែលធ្វើឱ្យវារាតត្បាតទៅកន្លែងផ្សេង។
កាណេហ្ស៊ីស និយាយថា “ប៉ុន្តែប្រភេទថ្នាំមួយក្រុមអាចបញ្ច្រាស់ការដឹកនាំទាំងនេះ ហើយធ្វើឱ្យមានការពិបាកក្នុងការរាតត្បាត ដែលការរាតត្បាតនោះគឺជាការសម្លាប់មនុស្ស។ ការរកឃើញនេះអាចជួយឱ្យរកឃើញវិធីសាស្ត្រព្យាបាលថ្មីដែលមានអនុភាពក្នុងការគ្រប់គ្រងបំពង់ផ្លូវទឹករងៃ និងកំហិតការបញ្ជូននៃកោសិកាមហារីកទៅកាន់កន្លែងផ្សេងទៀតនៃរាង្គកាយរបស់អ្នក”។