ការសិក្សាថ្មីមួយណែនាំថា ក្តីស្រឡាញ់ដែលបាត់បង់បង្ករឱ្យមានការអន់ចិត្តឬស្តាយក្រោយខ្លាំងបំផុត។
ក្រុមអ្នកស្រាវជ្រាវរាយការណ៍ថា អ្នកមានអារម្មណ៍អន់ចិត្តខ្លាំងអំពីការសម្រេចចិត្តទាក់ទងនឹងភាពរ៉ូមែនទិចនិងគ្រួសារជាងការសម្រេចចិត្តទាក់ទងនឹងការងារ។
សាស្ត្រាចារ្យ នៀល រ៉ុស (Neal Roese) ផ្នែកទីផ្សារនៅសាកលវិទ្យាល័យគ្រប់គ្រង Northwestern និងក្រុមការងាររបស់គាត់ បានឱ្យដឹងថា ការរកឃើញនេះបញ្ជាក់ពីសារសំខាន់នៃទំនាក់ទំនងសង្គម។
ក្រុមអ្នកស្រាវជ្រាវបានសរសេរក្នុងអត្ថបទចេញផ្សាយថា “យើងណែនាំថា ទំនាក់ទំនងសង្គមគឺជាសមាសភាពនៃការអន់ចិត្តក្នុងជីវិតខ្លាំងបំផុត។ ការបរាជ័យក្នុងជីវិតអាពាហ៍ពិពាហ៍ ភាពរ៉ូមែនទិចដែលច្របូកច្របល់ និងការបាត់បង់ពេលវេលាជាមួយក្រុមគ្រួសារអាចបង្កើតភាពអន់ចិត្តឬស្តាយក្រោយដែលនឹងស្ថិតជាប់អស់មួយជីវិត”។
ពួកគាត់បន្តថា “ភាពជារបស់នរណាម្នាក់ មានអានុភាពខ្លាំងក្លាក្នុងការភ្ជាប់ជាមួយនឹងសុខភាពល្អនៃផ្លូវកាយនិងផ្លូវចិត្ត”។
ពួកគាត់បានធ្វើការពិសោធន៍ចំនួនប្រាំ ដែលមានអ្នកចូលរួមពី ១០៨ ទៅ ៥៤៩នាក់។ ការពិសោធន៍ខ្លះផ្តោតលើនិស្សិតមហាវិទ្យាល័យ ចំណែកខ្លះទៀតផ្តោតលើគំរូអ្នកតំណាងមនុស្សជំទង់អាមេរិក។
លទ្ធផលបានណែនាំថា ការស្រឡាញ់ឬការសម្រេចចិត្តក្នុងសង្គមផ្សេងៗ ដូចជាការបញ្ចប់ទំនាក់ទំនង ឬការមិនភាពស្មោះត្រង់ មានភាពខ្លាំងជាងការសម្រេចចិត្តដែលទាក់ទងនឹងការងារឬសង្គម ដូចជាការឈប់ធ្វើការឬឈប់រៀន។