ខាងក្រោមនេះ យើងខ្ញុំនឹងបង្ហាញអ្នកពីគ្រួសារដែលអ្នកមិនគួររៀបការជាមួយ។ តើមានអ្វីខ្លះទៅ?

  • មានតែនារីដែលរៀបការទៅឆ្ងាយទេ ដែលយល់អារម្មណ៍ការរៀបការឆ្ងាយ។ នៅពេលដែលស្រឡាញ់នរណាម្នាក់ គឺមិនខ្វល់អ្វីឡើយ មិនខ្វល់ពីការជំទាស់របស់មាតាបិតា ដោយក្នុងចិត្តចង់តែរៀបការជាមួយគេ។ ប្រសិនជាជួបនឹងបុរសល្អ ហើយម្តាយក្មេកល្អ នោះនារីដែលរៀបការទៅឆ្ងាយនឹងអាចទទួលបានសុភមង្គល។ ប៉ុន្តែផ្ទុយទៅវិញ បើរៀបការជាមួយនឹងបុរសមិនល្អ ហើយស្តាប់បង្គាប់ម្តាយរបស់គេទៀត នោះអ្នកនឹងរងទុក្ខខ្លាំង ហើយគ្មាននរណានិយាយទេ ព្រោះផ្ទះម្តាយអ្នកនៅឆ្ងាយពីអ្នក។ ដូចនេះ អ្នកមិនគួររៀបការទៅឆ្ងាយពេកឡើយ ទើបអ្នកមានខ្នងបង្អែក។
  • ប្រសិនជាគ្រួសារអ្នកទាំងពីរមានស្ថានភាពខុសគ្នា ដោយខាងប្រុសជាអ្នកមាន ហើយអ្នកត្រឹមជាមនុស្សធម្មតា អ្នកមិនគួររៀបការជាមួយគេទេ ព្រោះក្រោយពេលដែលអ្នកឈានជើងចូលក្នុងគ្រួសារគេរួច បញ្ហាច្រើននឹងចាប់ផ្តើមកើតឡើង ម្តាយក្មេកនឹងចាប់ផ្តើមធ្វើបាបអ្នក បងប្អូនគេនឹងមើលងាយអ្នក។ ជាហេតុដែលធ្វើឲ្យមនោសញ្ចេតនាអ្នកទាំងពីរអាចនឹងកើតមានបញ្ហាច្រើនឡើងៗ។
  • គ្រួសារដែលមានម្តាយក្មេកខ្លាំង ហើយមានអំណាច អ្នកក៏មិនគួររៀបការជាមួយដែរ ព្រោះប្តីអ្នកមិនហ៊ាននិយាយអ្វីឡើយពេលដែលអ្នករងទុក្ខ ដោយមានតែបន្ទោសអ្នកថែមតែប៉ុណ្ណោះ។ ជាពិសេស អ្វីដែលអ្នកខំប្រឹងប្រែងបំពេញ ក៏មិនអាចប្តូរមកពាក្យអរគុណមួយម៉ាត់ដែរ។ នារីគួរតែចាំថា អាពាហ៍ពិពាហ៍មិនមែនជារឿង២នាក់ទេ ហើយស្នេហាក៏មិនមែនជាផ្នែកទាំងមូលរបស់អាពាហ៍ពិពាហ៍ដែរ។ ដូចនេះ នារីមុននឹងរៀបការ គួរតែគិតឲ្យបានច្បាស់ ដោយមិនគួរឲ្យស្នេហាពង្វក់អ្នកឡើយ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង