ជាធម្មតាបញ្ហាស្បែកយារធ្លាក់ គឺបណ្ដាលមកពីការចុះខ្សោយ និងបាត់បង់ភាពបត់បែនធម្មជាតិ ក៏ដូចជាកូឡាជែន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វ័យកាន់តែជ្រេ ស្បែកក៏ប្រែជាយារតាមនោះដែរ ជាពិសេសប្រសិនបើអ្នកចេះថែរក្សា។ មិនដឹងដោះស្រាយទប់ស្កាត់បញ្ហាស្បែកយារធ្លាក់តាមវិធីណាមែនទេ? ប៉ុន្តែកុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗ ប៉ុន្តែប្រសិទ្ធិភាពខ្ពស់ជួយទប់ស្កាត់ស្បែកយារធ្លាក់ ៖

១. ប្រេងដូង

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងដូងបន្តិចលើស្បែកនៅពេលព្រឹក និងលាបម៉ាស្សាប្រេងដូងក្នុងបរិមាណទ្វេដងនៅពេលយប់មុនចូលគេង។ ចូរជ្រើសរើសប្រើប្រាស់ប្រេងដូងធម្មជាតិ ឬសរីរាង្គទើបប្រសើរ។

២. ផ្នែកពណ៌សនៃស៊ុត

អ្វីដែលអ្នកត្រូវធ្វើ គឺគ្រាន់តែកូរវឹកផ្នែកពណ៌សនៃស៊ុតនិងលាបម៉ាស្សាវាលើផ្ទៃមុខនិងក។ ទុកចោលរហូតដល់ស្ងួត សឹមលាងសម្អាតចេញជាមួយទឹកត្រជាក់។

៣. យ៉ាអួរសុទ្ធ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាយ៉ាអួរសុទ្ធលើមុខនិងក។ ទុកចោលសម្រាប់រយៈពេល ២០ នាទី សឹមលាងសម្អាតចេញ។

៤. ប្រទាលកន្ទុយក្រពើ

លាបម៉ាស្សាស្បែកមុខនិងកជាមួយជែលប្រទាលកន្ទុយក្រពើស្រស់ រួចទុកចោលសម្រាបរយៈពេលពី ១៥​ ទៅ ២០ នាទី សឹមលាងសម្អាតចេញ។

៥. ទឹកត្រសក់ស្រស់

កិនត្រសក់យកទឹក បន្ទាប់មកលាបម៉ាស្សាទឹកត្រសក់ស្រស់លើផ្ទៃមុខនិងក។ ទុកចោលសម្រាប់រយៈពេលប្រហែល ៣០ នាទី សឹមលាងសម្អាតចេញជាមួយទឹកធម្មតា។

៦. ប្រេងអូលីវ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងអូលីវមួយស្រទាប់ស្ដើងលើផ្ទៃមុខនិងក។

៧. ទទួលទានទឹកឱ្យបានច្រើនគ្រប់គ្រាន់

ជាវិធីដ៏ងាយបំផុតមួយដើម្បីទប់ទល់នឹងបញ្ហាស្បែកយារធ្លាក់។ ទឹកជួយរក្សាសំណើមកោសិកាស្បែកដែលធ្វើឱ្យតឹងណែន។ ទឹកក៏ជួយកម្ចាត់ជាតិពុលផ្ដល់ឱ្យស្បែកនូវភាពរលោងស្រស់ថ្លាផងដែរ។

៨. រួមបញ្ចូលអាហារសម្បូរវីតាមីន A និង Beta carotene ក្នុងរបបអាហារប្រចាំថ្ងៃ

វីតាមីន A អាចជួយទប់ស្កាត់និងដោះស្រាយបញ្ហានៃភាពចាស់តាមវ័យរបស់ស្បែកបានយ៉ាងប្រសើរ។ រីឯ Beta carotene មានប្រសិទ្ធភាពជួយការពារស្បែកពីពន្លឺព្រះអាទិត្យ ហើយវីតាមីន A រំញោចការផលិតកូឡាជែននិងសសៃអេឡាស្ទីក elastic ក្នុងស្បែក។ ប្រភពដ៏ប្រសើរនៃវីតាមីន A និង beta carotene រួមមានការ៉ុត ដំឡូងផ្អែម បន្លែបៃតង ត្រសក់ផ្អែម និងផ្លែអាព្រីកូត។ បរិមាណនៃវីតាមីន A និង beta carotene ចាំបាច់ប្រចាំថ្ងៃ គឺ ៣០មីលីក្រាម។

៩. លាយប្រេងដូងជាមួយម្សៅ Baking soda

ចាក់ប្រេងដូងឱ្យបាន ១ភាគ៤ នៃក្រឡ (ជ្រើសរើសក្រឡដែលមានគំរបដូច្នេះអ្នកអាចរក្សាទុកដើម្បីប្រើប្រាស់ពេលក្រោយ)។ បន្ថែមម្សៅ Baking soda ចំនួន ៣ស្លាបព្រាបាយចូល។ កូរឱ្យសព្វ រហូតក្លាយជាល្បាយខាប់ៗមួយ។ នៅពេលព្រឹក ចូរដួសប្រេងដូង ១ស្លាបព្រាកាហ្វេ មកលាបម៉ាស្សាពេញលើស្បែកមុខនិងកសម្រាប់រយៈពេលពី ១ ទៅ ២នាទី (ចៀសវាងកុំឱ្យចូលភ្នែក)។ រងចាំសម្រាប់រយៈពេល ១០នាទី សឹមលាងសម្អាតចេញជាមួយទឹកត្រជាក់។ អនុវត្តឱ្យបាន ២ដងក្នុងមួយសប្តាហ៍៕