យោងតាមវេជ្ជបណ្ឌិត Anthony Fauci នាយកវិទ្យាស្ថានជាតិអាឡែរហ្សី និងជំងឺឆ្លង បានអោយដឹងថា ករណីប្រចាំថ្ងៃនៅសហរដ្ឋអាមេរិកគឺ “មិនទាប” គ្រប់គ្រាន់ក្នុងការបន្ធូរបន្ថយវិធានការណ៍សុខភាពសាធារណៈ។
លោក Fauci បានប្រាប់ទូរទស្សន៍ CBS Evening News ថាសហរដ្ឋអាមេរិកនៅតែកត់ត្រាការឆ្លងថ្មីជាមធ្យម ៦០.០០០ ក្នុងមួយថ្ងៃ ដែល “មិនអាចទទួលយកបាន” ។ នោះជាគ្រោះថ្នាក់សម្រាប់ការកើនឡើងមួយផ្សេងទៀត។
លោក Fauci បាននិយាយថា ករណីនានាចាំបាច់ត្រូវធ្លាក់ចុះក្រោម ១០.០០០ ក្នុងមួយថ្ងៃ ដើម្បីដកការរឹតត្បិតនានាដូចជា ពាក់ម៉ាស។
ដំណឹងល្អ គឺថាការចាក់វ៉ាក់សាំងកំពុងកើនឡើងទូទាំងប្រទេស ជាពិសេសក្នុងចំណោមមនុស្សវ័យចំណាស់។ ឧទាហរណ៍ ឥឡូវនេះវាមានសុវត្ថិភាពសម្រាប់ចៅៗក្នុងការឱបជីដូនជីតារបស់ពួកគេ ប្រសិនបើ ជីដូនជីតា ត្រូវបានចាក់វ៉ាក់សាំង ហើយប្រសិនបើចៅមានសុខភាពល្អ។
ក្រឡេកមើលទៅមួយឆ្នាំបន្ទាប់ពី Covid-19 បានចាប់ផ្តើមវាយលុកសហរដ្ឋអាមេរិកលោក Fauci បានពន្យល់ថា វិធានការណ៍ដើម្បីទប់ស្កាត់ការរីករាលដាលនៃមេរោគអាចនឹងមានភាពខ្លាំងក្លាជាងមុន ប្រសិនបើមន្ត្រីសុខភាពសាធារណៈបានដឹងថា តើការឆ្លងវីរុសនេះមានកំរិតខ្ពស់យ៉ាងដូចម្តេច។
លោកបានមានប្រសាសន៍ថា “ប្រសិនបើយើងបានដឹងថា យ៉ាងពេញលេញនៅដំណាក់កាលដំបូង វាទំនងជាមានភាពខុសគ្នានៅក្នុងវិធីដែលយើងឈានដល់វា”៕