នេះគឺជាហេតុផលមួយ ដែលស្ត្រីមានផ្ទៃពោះ ត្រូវបានណែនាំឲ្យចាក់ថ្នាំតេតាណូស ក្នុងត្រីមាសទីពីរ។ ថ្នាំវ៉ាក់សាំងការពារជំងឺតេតាណូស ត្រូវចាក់អាចការពារម្តាយ និងកូនពីការបង្ករោគ ដោយជំងឺនេះបាន។ យ៉ាងណាមិញ មានឱកាសច្រើនណាស់ ដែលស្ត្រីមានផ្ទៃពោះ អាចនឹងភ្លេចចាក់ ឬមិនព្រមចាក់ដោយសារតែការខ្លាចម្ជុល។ ស្ត្រីគ្រប់រូប ត្រូវតែចាក់ថ្នាំវ៉ាក់សាំង ការពារជំងឺតេតាណូស ក្នុងត្រីមាសទី២ ដើម្បីការពារកូន និងម្តាយខ្លួនឯង ពីការបង្ករោគរបស់ជំងឺនេះ។ ចូរចាំថា ក្នុងពេលមានផ្ទៃពោះ គឺជាពេលវេលាមួយ ដែលប្រព័ន្ធភាពស៊ាំរបស់ស្ត្រីថយចុះ និងត្រូវការការប្រុងប្រយ័ត្ន ឲ្យបានគ្រប់ជ្រុងជ្រោយ។
ការបង្ករោកដោយជំងឺតេតាណូស អាចប៉ះពាល់ដល់ប្រព័ន្ធសរសៃប្រសាទរបស់មនុស្ស និងអាចមានគ្រោះថ្នាក់បាន។ អង់ទីគ័រ ឬប្រព័ន្ធការពាររាងកាយ នឹងបង្កើតជារូបរាង ក្រោយពីចាក់វ៉ាក់សាំងដល់កូន ទោះបីជាគេកើតបាន រយៈពេលពីរបីខែហើយក៏ដោយ។ ដូច្នេះ បើសិនជាអ្នកភ្លេចចាក់វ៉ាក់សាំងនេះ មានរឿងមួយចំនួនតូច ដែលអ្នកគួរតែធ្វើ ៖
- ពិគ្រោះជាមួយគ្រូពេទ្យឲ្យបានលឿន និងពិនិត្យមើលថាតើ អាចចាក់វ៉ាក់សាំងនេះបានលឿនប៉ុណ្ណា
- បើសិនជាអ្នកធ្លាប់ចាក់ម្តង ហើយក៏ភ្លេចចាក់ជាលើកទីពីរ តាមពេលវេលាដែលកំណត់នោះ កុំបារម្ភអី ចូរទៅឲ្យពេទ្យចាក់ម្តងទៀតទៅ។ អ្នកអាចនឹងចាក់ម្តងទៀតបាន ទោះបីជារំលងថ្ងៃកំណត់តិចតួចក៏ដោយ។
- ចូរទៅជួបពេទ្យ បើសិនជាអ្នកមានរបួស ឬស្នាមជាំក្នុងពេលមានផ្ទៃពោះ និងមិនបានចាក់ថ្នាំការពារជំងឺតេតាណូស៕