ស្គាល់និងឧស្សាហ៍ប្រើប្រាស់ទឹកខ្មេះ ប៉ុន្តែតិចអត់ដឹងថាវាអាចយកមកប្រើដោះស្រាយបញ្ហាទាំងនេះដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗប្រើប្រាស់ទឹកខ្មេះពណ៌ស និងទឹកខ្មេះផ្លែប៉ោមដោះស្រាយបញ្ហាផ្សេងៗ ៖
- ទឹកខ្មេះផ្លែប៉ោម
១. ជួយឱ្យសក់ភ្លឺរលោង
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះពណ៌ស ១ ភាគជាមួយទឹកធម្មតា ២ភាគ។ កូរឱ្យសព្វ សឹមចាក់ចូលដបមួយដែលមានក្បាលបាញ់។ បាញ់ទឹកល្បាយលើសក់ និងរងចាំសម្រាប់រយៈពេល ១០នាទី សឹមលាងសម្អាតចេញ។
២. បន្សាបក្លិនផ្សែងបារី
ដើម្បីបន្សាបក្លិនផ្សែងបារី ចូរចាក់ទឹកខ្មេះក្នុងចានគោមមួយនិងយកវាទៅដាក់នៅត្រង់កន្លែងណាដែលអ្នកចង់កម្ចាត់ក្លិនផ្សែងបារីចេញ។
៣. ជួយឱ្យបន្ទប់ទឹកស្អាតភ្លឺចែងចាំង
ទឹកខ្មេះមានផ្ទុកលក្ខណៈសម្បត្តិជួយឱ្យសចែងចាំនិងកម្ចាត់មេរោគ។ អ្វីដែលអ្នកត្រូវធ្វើ គឺគ្រាន់តែលាយទឹកខ្មេះ ១ភាគជាមួយទឹកធម្មតា ២ភាគ។ ចាក់ល្បាយចូលដបមានក្បាលបាញ់មួយ។ បន្ទាប់មកបាញ់ទឹកល្បាយលើផ្នែកណាមួយនៃបន្ទប់ទឹកដែលអ្នកចង់សម្អាតឱ្យសចែងចាំ។
៤. កម្ចាត់ស្នាមប្រឡាក់ជាប់ការ៉ូនិងកម្រាល
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះពណ៌ស ១ពែងជាមួយទឹកក្ដៅឧណ្ហៗ ២លីត្រ។ ដើម្បីសម្អាតកម្រាលចូរលាបទឹកខ្មេះលើកន្លែងដែលទទួលរងផលប៉ះពាល់និងបន្ថែមម្សៅសាប៊ូបន្តិច។ ទុកចោលរហូតដល់ស្ងួត សឹមប្រើប្រាស់ច្រាសដុសសម្អាត។
៥. ដើម្បីកម្ចាត់ស្នាមញើស
ចាក់រោយទឹកខ្មេះផ្លែប៉ោមបន្តិចលើតំបន់ដែលទទួលរងផលប៉ះពាល់ រងចាំសម្រាប់រយៈពេលយ៉ាងហោចណាស់ ១០នាទី សឹមលាងជម្រះចេញ។ អ្នកនឹងទទួលបានអាវដែលមើលទៅថ្មីចែងចាំដូចទើបនឹងទិញមកវិញ។
- ទឹកខ្មេះផ្លែប៉ោម
១. សម្រាប់ជួយឱ្យធ្មេញសបែបធម្មជាតិ
អ្វីដែលអ្នកត្រូវធ្វើ គឺគ្រាន់តែលាយម្សៅ Baking soda ១ ស្លាបព្រាកាហ្វេ ជាមួយទឹកខ្មេះផ្លែប៉ោម ១ ស្លាបព្រាកាហ្វេ។ កូរឱ្យសព្វ សឹមដុសធ្មេញជាមួយល្បាយនិងខ្ពុរសម្អាតមាត់ជាមួយទឹកធម្មតាឱ្យបានច្រើនដង។ អ្នកមិនគួរអនុវត្តរូបមន្តខាងលើលើសពី ២ ទៅ ៣ ដងក្នុងមួយសប្តាហ៍សម្រាប់រយៈពេលច្រើនជាង ៥ សប្តាហ៍ឡើយ។
២. បំបាត់រោគផ្សិតលើក្រចកជើង
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោមស្មើរជាមួយនឹងទឹកធម្មតា ហើយត្រាំជើងក្នុងទឹកល្បាយនេះសម្រាប់រយៈពេលប្រហែល ១៥ នាទី។ អ្នកអាចអនុវត្ត ២ ដងក្នុងមួយថ្ងៃ។ ឬក៏អ្នកអាចលាយទឹកខ្មេះផ្លែប៉ោមនិងអំបិលក្នុងបរិមាណ ១ ពែងស្មើគ្នាក្នុងទឹកក្ដៅឧណ្ហៗ ៦ ពែង។ កូរឱ្យសព្វមុននឹងត្រាំជើង ឬដៃក្នុងទឹកល្បាយសម្រាប់រយៈពេល ៣០ នាទី ២ ដងក្នុងថ្ងៃ។
៣. ព្យាបាលសក់ស្ងួត
អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោមចំនួន ១ ស្លាបព្រាកាហ្វេជាមួយផ្នែកពណ៌សនៃស៊ុត ៣ គ្រាប់និងប្រេងអូលីវ ២ ស្លាបព្រាបាយ។ កូរឱ្យសព្វ សឹមលាបល្បាយលើសក់ រួចពាក់មួកផ្លាស្ទិកឱ្យជិតសម្រាប់រយៈពេល ៣០នាទី។ កក់លាងសម្អាតចេញនិងប្រើប្រាស់ក្រែមបន្ទន់ដូចពេលធម្មតា។
៤. កម្ចាត់អង្គែ
អ្វីដែលអ្នកត្រូវធ្វើ គឺលាយទឹកខ្មេះផ្លែប៉ោមប្រមាណពី ២ ទៅ ៣ ស្លាបព្រាបាយជាមួយទឹកធម្មតា ១ ពែង។ កូរអោយសព្វសឹមប្រើប្រាស់ល្បាយនេះលាងសម្អាតសក់ក្រោយពេលកក់ជាមួយសាប៊ូរួច។ ទុកចោលសម្រាប់រយៈពេលពី ២ ទៅ ៣ នាទី សឹមលាងសម្អាតសក់ចេញម្ដងទៀតជាមួយទឹកត្រជាក់។ អនុវត្តសារឡើងវិញអោយបានពី ២ ទៅ ៣ ដងក្នុងមួយសប្តាហ៍។
៥. កម្ចាត់ក្លិនជើងមិនល្អ
លាយទឹកខ្មេះផ្លែប៉ោមចំនួន ១ ពែងកន្លះ ក្នុងទឹកក្ដៅឧណ្ហៗចំនួន ៨ ពែង។ កូរអោយសព្វ សឹមត្រាំជើងក្នុងទឹកល្បាយនេះសម្រាប់រយៈពេល ១៥ នាទី អោយបាន ២ ដងក្នុងមួយថ្ងៃ។ ហើយនៅមុនពេលស្ងួតទាំងស្រុង ចូរលាងសម្អាតជើងជាមួយទឹកត្រជាក់ដើម្បីកម្ចាត់ក្លិនជូរនៃទឹកខ្មេះ។
៦. បំបាត់ស្នាមសំលាក
ដើម្បីបំបាត់ស្នាមសំលាក ឬធ្វើឱ្យវាមើលលែងសូវឃើញដូចមុន ចូរលាយទឹកខ្មេះផ្លែប៉ោមចំនួន ២ ស្លាបព្រាបាយជាមួយទឹក ៤ ស្លាបព្រាបាយ។ កូរឱ្យសព្វ សឹមប្រើប្រាស់ដុំសំឡីជ្រលក់ក្នុងទឹកល្បាយលើផ្ដិតៗលើស្នាមសំលាកនិងទុកចោលរហូតដល់ស្ងួត។ អនុវត្តរាល់យប់មុនចូលគេង ហើយលាងសម្អាតចេញនៅពេលព្រឹក។
៧. ព្យាបាលបញ្ហាពិបាករំលាយអាហារ
អ្វីដែលអ្នកត្រូវធ្វើ គឺគ្រាន់តែបន្ថែមទឹកខ្មេះផ្លែប៉ោម ១ ស្លាបព្រាបាយក្នុងទឹក ១ ពែងនិងលាយទឹកឃ្មុំ ១ ស្លាបព្រាកាហ្វេចូល។ កូរឱ្យសព្វ សឹមទទួលទានឱ្យបានពី ២ ទៅ ៣ ដងក្នុងមួយថ្ងៃ៕