គណៈកម្មាធិការអូឡាំពិក និងកីឡាអូឡាំពិកកូរ៉េ បានបញ្ជាក់ប្រាប់ទូរទស្សន៍ CNN នៅថ្ងៃពុធនេះថា ប្រទេសកូរ៉េខាងត្បូងនឹងផ្តល់ការចាក់វ៉ាក់សាំងប្រឆាំងវីរុស ដែលមានអាទិភាពសម្រាប់អត្តពលិកអូឡាំពិក មុនពេលពួកគេធ្វើដំណើរទៅប្រទេសជប៉ុន សម្រាប់ព្រឹត្តិការណ៍អូឡាំពិកទីក្រុងតូក្យូ។
ប្រទេសនេះ បានចាប់ផ្តើមចាក់វ៉ាក់សាំងរបស់ខ្លួននៅចុងខែកុម្ភៈ។ សំរាប់ពេលបច្ចុប្បន្ននេះ វ៉ាក់សាំងការពារមេរោគ គឺមានសំរាប់បុគ្គលិកសុខាភិបាលជួរមុខ និងអ្នកដែលធ្វើការ និងស្នាក់នៅក្នុងមណ្ឌលថែទាំ។ នេះ បើយោងតាមទីភ្នាក់ងារទូទៅ និងភ្នាក់ងារបង្ការជំងឺរបស់កូរ៉េខាងត្បូង ហៅកាត់ថា KDCA។
KDCA បានធ្វើការលើកលែងសម្រាប់អត្តពលិកអូឡាំពិក ដោយសារពួកគេនឹងធ្វើដំណើរទៅប្រទេសជប៉ុនដើម្បី “សេវាសាធារណៈ” ។
សូមបញ្ជាក់ថា កីឡាអូឡាំពិកទីក្រុងតូក្យូ ដែលត្រូវបានពន្យារពេលមួយឆ្នាំដោយសារជំងឺកូវីដ-១៩ រាតត្បាត ត្រូវបានគ្រោងធ្វើនៅថ្ងៃទី ២៣ ខែកក្កដា ដល់ថ្ងៃទី៨ ខែសីហា៕