មូលហេតុនៃការបែកបាក់គ្រួសារ
ផលប៉ះពាល់នៃការបែកបាក់គ្រួសារ
ការប្រឈមមុខនឹងស្ថានភាពនៃការបែកបាក់គ្រួសារ
គ្រួសារមួយបែកបាក់ ព្រោះតែឪពុកម្តាយសំរេចចិត្តលែងលះគ្នា ។ កូនៗនឹង ត្រូវជួបបញ្ហាជាច្រើន ដែលត្រូវដោះស្រាយ ។ ឪពុកម្តាយប្រហែលជាប្រកាន់ យកត្រូវរៀងៗខ្លួន ហើយមិនបានទំនុកបំរុងកូនចៅល្អឡើយ ។ កូនៗអាច ប្រឈមនឹងការរំជួលចិត្ត និង បញ្ហាជាច្រើន ពេលដែលពួកគេត្រូវប្រឈមមុខទៅ នឹងរឿងរ៉ាវថ្មីៗ ។
ការបែកបាក់គ្រួសារ
o មានមូលហេតុជាច្រើនដែលនាំអោយមានការបែកបាក់គ្រួសារ។ជួនកាល ឪពុកម្តាយរស់នៅជាមួយគ្នាតែជារឿយៗតែងមានអំពើហិង្សាកើតឡើង
o ទោះជាមូលហេតុអ្វីក៏ដោយ ពេលដែលឪពុកម្តាយចែកផ្លូវគ្នា កូនៗអាច មានការរំជួលចិត្តខ្លាំងចំពោះការបាត់បង់គ្រួសារដែលខ្លួនធ្លាប់មាន ហើយមាន អារម្មណ៍មិនច្បាស់លាស់អំពីពេលអនាគត ។ ការផ្លាស់ប្តូរអាចជាភាពភ័យ ខ្លាចសំរាប់មនុស្សគ្រប់វ័យ ។
o ជាអកុសល នៅពេលអ្នកត្រូវការ ការគាំទ្រ និងការយល់ចិត្ត ជារឿយៗក្នុង ជីវិតពេញវ័យរបស់អ្នក តែងជួបនូវជម្លោះទាស់ទែង ឫការព្យាយាមដោះ ស្រាយ រឿងទុក្ខព្រួយរបស់ខ្លួន។ អ្នកអាចមានអារម្មណ៍ថា អ្នកត្រូវបាន បោះបង់ និង បំភ្លេចចោលទៅហើយ ។
o ឪពុកម្តាយក៏ប្រហែលជាមានកំហុសដោយមិននិយាយជាមួយអ្នក ពីអ្វីដែលកំពុងកើតឡើង
• ពួកគាត់អាចគិតថាពួកគាត់ ការពារអ្នកពីស្ថានភាពមិនសប្បាយរីករាយនោះ។ នេះអាចមានន័យថា អ្នកមានអារម្មណ៍ភាន់ច្រឡំ អំពីអ្វីដែល កំពុងកើតឡើងចំពោះគ្រួសារ
• អ្នកអាចខឹងព្រោះពុំមានឱកាសដើម្បីប្រាប់នរណាម្នាក់ពីអ្វីដែល អ្នកកំពុងគិត ឫមានអារម្មណ៍អ្វីម្យ៉ាង ឫក៏ចង់បញ្ចេញយោបល់ ក្នុង ការសំរេចចិត្តចំពោះអនាគតរបស់អ្នកដែលធ្វើអោយវាល្អប្រសើរ ។
ការព្រួយអារម្មណ៍ពីការបែកបាក់គ្រួសារ
កូនៗជាច្រើនត្រូវបានខ្វល់ខ្វាយប្រសិនបើឪពុកម្តាយពួកគេឈ្លោះទាស់ទែងគ្នា និង គួរអោយបារម្មណ៍នោះគឺពួកគាត់នឹងលេងលះគ្នា ។ នេះអាចមានន័យថាត្រូវបារម្មណ៏អំពីកនែ្លងដែលអ្នកនឹងត្រូវរស់នៅ , ទៅសាលារៀន, អ្នកណា ដែលអ្នកនឹងរស់នៅជាមួយ, បើអ្នកនឹងត្រូវជួបឪពុកម្តាយផ្សេងទៀតរបស់អ្នក …។ ប៉ុន្តែ កុំទាន់គិតពីរឿងទាំងនោះ, វាមិនទាន់កើតឡើងនៅឡើយទេ ! ពួកគាត់ ប្រហែលមិនលែងលះគ្នាទេ មនុស្សមួយចំនួនបាននិយាយគ្នាតាម របៀបដែលនាំអោយមានអារម្មណ៍គ្រេវគ្រោធ ។ មនុស្សអាចរៀនតាមរបៀបថ្មី ដើម្បីនិយាយគ្នា តែនេះត្រូវការចំណាយពេលច្រើន និងការជួយជ្រោមជ្រែង។
ខណះដែលវាជារឿងដែលឈឺចាប់បំផុត, វាជារឿងសំខាន់ផងដែរ ដើម្បី ចងចាំថា “វាមិនមែនជាកំហុសអ្នកឡើយ” ដែលឪពុកម្តាយរបស់អ្នកកំពុងឈ្លោះ ទាស់ទែងគ្នា វាជាឥរិយាបថ និង ជាការទទួលខុសត្រូវរបស់ពួកគាត់ ។ ប្រសិនបើការឈ្លោះទាស់ទែងរបស់ពួកគាត់ធ្វើឲអ្នកកើតទុក្ខ តើអ្នកអាចនិយាយជាមួយពួកគាត់ពីវាបានដែរឫទេ ? ឫអាចនិយាយជាមួយគ្រួសារមិត្តណាម្នាក់, សាច់ញាតិ ឫទីប្រឹក្សាខាងសាលាដែលអាចនិយាយជាមួយពួកគាត់ ជំនួសអ្នកបាន ។
បើពួកគាត់លែងលះគ្នា , សូមចាំថា វាមិនមែនជាកំហុសរបស់អ្នកនោះ ឡើយ ។ មានន័យថា វាជាការទទួលខុសត្រូវរបស់ពួកគាត់ហើយ បើទោះជា អ្នកចង់ជួយ ឫធ្វើអ្វីមួយដើម្បីបពា្ឈប់ការលែងលះនោះក៏ដោយ ក៏វាអាស្រ័យ ទៅលើឪពុកម្តាយអ្នក ដើម្បីរកច្រកចេញ ។ ឪពុកម្តាយអ្នកនឹងបែកចេញពីគ្នា មិនមែនបែកចេញពីអ្នកឡើយ ។
ផលប៉ះពាល់នៃការបែកបាក់គ្រួសារ
ផលប៉ះពាល់នៃការបែកបាក់គ្រួសារ គឺខុសគ្នាសំរាប់មនុស្សម្នាក់ៗ ។ អ្នកប្រហែលមានអារម្មណ៍ទទួលយកបានអំពីបញ្ហាទាំងអស់ ។ ម្យ៉ាងវិញ ទៀត, មានក្មេងជាច្រើនជួបប្រទះការលំបាកជាច្រើន ។ អ្នកប្រហែលជាអាច ស្ថិតក្នុងលក្ខណះណាមួយនៃចំនុចខាងក្រោមនេះ :
o អ្នកអាចមានអារម្មណ៏តក់ស្លុត និងគ្មានសុវត្ថិភាពក្រោយពេលមានការ បែកបាក់គ្រួសារ ។ គ្រប់យ៉ាងដែលអ្នកជឿជាក់ថាវាឋិតថេរក្នុងជីវិតអ្នក បាន ផ្លាស់ប្តូរយ៉ាងឆាប់រហ័ស ។ មនុស្សដែលអ្នកបានទុកចិត្តថាតែង មើលថែទាំអ្នកឥឡូវចាកចេញហើយ ។ សូម្បីតែគ្រួសារឯទៀតដែល
ឪពុកម្តាយពួកគេមានទំនាស់និងគ្មានសុភមង្គល កូនៗនៅតែសោក សង្រែកចំពោះការបាត់បង់របៀបរស់នៅនៃគ្រួសារខ្លួនដែលយ៉ាងហោច ធ្លាប់ស្និទ្ធស្នាលនិងស្រមៃឃើញ។សមាជិកគ្រួសារម្នាក់ៗ ត្រួវជួបនឹង ភាព ស្រពិចស្រពិលមួយរំពេច ។
o ការថប់អារម្មណ៍ខ្លាំងអាចបណ្តាលអោយគេងមិនលក់ស្កប់ស្កល់ ,បាត់បង់ចំណង់បរិភោគអាហារ,ញុំាហួសកំរិត,ការផ្ចង់អារម្មណ៍ ខ្សោយ, ភាពភ្លេចភ្លាំង, សុបិន្តអាក្រក់, ភាពល្ងីល្ងើ ។
o អ្នកអាចចាប់ផ្តើមព្រួយបារម្មណ៍ពីទំនាក់ទំនងស្នេហា និង ការរៀបការ។ អ្នកអាចប្រកាសថា អ្នកនឹងមិនរៀបការ ឫអ្នកអាចក្លាយជាមនុស្សប្រុង ប្រយ័ត្ន ខ្លាំងអំពីការជ្រើសរើសដៃគូរអនាគតផ្ទាល់ខ្លួនរបស់អ្នក ។ នេះ ជារឿងទូទៅ ហើយសំរាប់មនុស្សដែលមានឪពុកម្តាយលែងលះគ្នា ។
o ឪពុកម្តាយអាចត្រូវការជំនួយពីអ្នករួចចាប់ផ្តើមប្រាប់អ្នកពីបញ្ហារបស់ ពួកគាត់ ។ នេះអាចជាបន្ទុកចំពោះអ្នកហើយអ្នកអាចមានអារម្មណ៍ អាម៉ាស់ ដោយរឿងមួយចំនួន ដែលឪពុកម្តាយអ្នកបានអ្នក ។ វាជារឿង ធម្មតាទេដែល និយាយថាអ្នកមានអារម្មណ៍មិនសុខស្រួល ចំពោះរឿង នេះ ។ បើអ្នកមិនច្បាស់ថាគួរប្រាប់ឪពុកម្តាយអ្នកយ៉ាងណានោះ អ្នក និយាយប្រាប់ទីប្រឹក្សាសាលា រៀន ឫគ្រូពេទ្យ ។
o អ្នកអាចមានអារម្មណ៍ដូចត្រូវហែកជាពីររវាងឪពុកនិងម្តាយ ។
o អ្នកប្រហែលជាចង់ស្តីបន្ទោសមនុស្សម្នាក់គត់ដែលនាំអោយមាន
ការបែក បាក់ ។ មានន័យរាល់កំហឹងទាំងប៉ុន្មានត្រូវបញ្ចេញទៅលើមនុស្សម្នាក់ នោះ ហើយក្រៅពីនោះគឺឃើញជា ជនរងគ្រោះដែលគ្មានទោស ។ វាអាចជារឿងលំបាក ដើម្បីឲមានភាពយុត្តិធម៌ពេលដែលអ្នកមាន អារម្មណ៍ខឹង និង ព្រួយបារម្មណ៍ ។
o អ្នកអាចព្រួយបារម្មណ៍នឹងរឿងជាច្រើនដូចជា កន្លែងដែលអ្នកនឹងត្រូវ ទៅរស់នៅ, អ្នកណាដែលអ្នកនឹងត្រូវរស់នៅជាមួយ, ការរើចេញទៅ ឆ្ងាយពីមិត្តភក្តិរបស់អ្នក និងការមានលុយតិចតួចនៅក្នុងផ្ទះ ។
o អ្នកប្រហែលជាត្រូវប្រឈមនឹងការផ្លាស់ប្តូរច្បាប់គ្រួសារ ។ អ្នកប្រហែល ជាត្រូវធ្វើកិច្ចការមួយចំនួនដូចដែលឪពុកម្តាយរបស់អ្នកធ្លាប់ធ្វើដែរ ដូចជា មើលថែរប្អូន និងប្អូនស្រី ។អារម្មណ៍ទាំងនេះគឺមានមកពីធម្មជាតិទាំងស្រុង ! ជីវិតរបស់អ្នកបានផ្លាស់ ប្តូរយ៉ាងគួរឲភ្ញាក់ផ្អើលហើយពុំមានអ្វីដែលអ្នកអាចធ្វើបានដើម្បីបញ្ឈប់ វាមិនអោយកើតឡើងបានឡើយ ។
ភាពសោកសង្រេង
ពេលគ្រួសារមួយបែកបាក់, តាមធម្មជាតិគឺមានតែការសោកសង្រែង ។ អារម្មណ៍នៃការបាត់បង់ស្ទើរតែអាចហាក់ដូចជាឪពុកម្តាយបានស្លាប់ទៅ ហើយអញ្ចឹង ។ ព្រោះមនុស្សយើងសុទ្ធតែខុសប្លែកគ្នា, យើងទាំងអស់ធ្លាប់ កើតទុក្ខតាមផ្លូវផ្ទាល់ខ្លួនរបស់យើង ។ យ៉ាងណាក៏ដោយមាន ការរំជួល ចិត្តមួយចំនួនដែលមនុស្សភាគច្រើនឆ្លងកាត់ម្តងហើយម្តងទៀត ។
o អ្នកអាចមានអារម្មណ៍រន្ធត់និងភាពស្ពឹកជាពិសេស បើមានដំណឹងនៃការ ចែកផ្លូវគ្នា កើតឡើងជាការភ្ញាក់ផ្អើលបំផុតចំពោះអ្នក ។
o ប្រតិកម្មមួយផ្សេងទៀតអាចជា ការប្រកែក ។ អ្នកអាចបញ្ចុះបញ្ចូលខ្លួន ឯងថាឪពុកម្តាយអ្នកត្រូវបែកគ្នាជាបណ្តោះអាសន្ន តែប៉ុណ្ណោះ, ហើយ មិនយូរមិនឆាប់ពួកគាត់នឹងត្រលប់មកជួបជុំគ្នាវិញមិនខាន ។
o អ្នកប្រហែលជាមានកំហឹង ។ វាជាការប្រសើរច្រើនដើម្បីស្វែងរកមធ្យោ បាយដែលមានប្រសិទ្ធភាពក្នុងការរំសាយនូវកំហឹងរបស់អ្នក ជាជាង ព្យាយាមបណ្តោយអោយវាកើតមាន ឫទុកវាកប់ក្នុងខ្លួនឡើយ ។
o អ្នកអាចឃើញថា អ្នកមានអារម្មណ៍កើតទុក្ខ និងបាក់ទឹកចិត្ត ។ អ្នក មានអារម្មណ៍ធុញទ្រាន់ ហើយនឿយហត់, និងយល់ឃើញថា ខ្លួនឯងយំដោយមិនដឹងខ្លួន ។ នេះជាផ្នែកធម្មតាមួយនៃភាពសោក សង្រែង ។ ប្រសិនបើការកើតទុក្ខ និងការបាក់ទឹកចិត្តមានរយ:ពេល យូរពេក, ឫក្លាយទៅជាការអស់សង្ឃឹម, អ្នកគួរទៅជួបអ្នកប្រឹក្សាជំនាញ ឫវេជ្ជបណ្ឌិតដែលអាចជួយអ្នកដោះស្រាយបញ្ហានេះបាន ។
o នៅដំណាក់កាលខ្លះអ្នកចាប់ផ្តើមទទួលយកនូវការពិតចំពោះស្ថានភាព នោះ ។ វាងាយជាងដើម្បីធ្វើអោយមានការទទួលស្គាល់ពីស្ថានភាពរបស់ អ្នកបើអ្នកមានលទ្ធភាពអភិវឌ្ឍន៍នូវការយល់ដឹងជាក់ស្តែងពីមូលហេតុ ដែលឪពុកម្តាយអ្នកបែកបាក់គ្នា,និងអាចចាប់ផ្តើមឃើញរឿងល្អៗ ដែល កើតឡើងចំពោះគ្រួសារ ។
o កុំភ្ញាក់ផ្អើល, ជូនកាលបើអ្នកឃើញថាខ្លួនអ្នកមាន ការភ្លេចភ្លាំង នោះវា បានកើតឡើងហើយបន្តទៅជាធម្មតា។ប៉ុន្តែអ្នកត្រូវសម្រួលអារម្មណ៍ដោយមានការសប្បាយ, ជា ពិសេសជាមួយមិត្តភក្តិ ។ ទោះបីជាមានពេលវេលាមិនល្អច្រើនក៏ដោយ ក៏ត្រូវធ្វើអោយសប្បាយចិត្តដែរ គឺគ្មានបញ្ហាឡើយ ។
ការប្រឈមមុខនឹងស្ថានភាពនៃគ្រួសារបែកបាក់
o វាជារឿងសំខាន់ដើម្បីចងចាំថា ការបែកបាក់កើតមានមិនមែនជាកំហុស អ្នកឡើយ ។ ឪពុកម្តាយអ្នកបែកចេញពីគ្នា មិនមែនបែកចេញពីអ្នក ឡើយ ។
o អ្នកប្រហែលគិតដល់មធ្យោបាយផ្សេងៗ ដើម្បីព្យាយាមអោយឪពុក ម្តាយអ្នកជួបជុំគ្នាវិញ តែនោះគឺអាស្រ័យលើពួកគាត់ ។ គ្រាន់តែធ្វើជា កូនល្អម្នាក់បានហើយ មិនត្រូវបន្ទោសចំពោះការចែកផ្លូវគ្នានោះទេ, អ្នក ក៏មិនអាចទុកអោយពួកគាត់នៅជាមួយគ្នាបានដែរ ។
o សូមចាំថា ជូនកាលរឿងរ៉ាវនឹងប្រសើរឡើងសំរាប់គ្រួសារមួយពេលដែលឪពុកម្តាយសំរេចចិត្តចែកផ្លូវគ្នា ។
o ទោះបីជាឪពុកម្តាយអ្នកអាចនឹងចែកផ្លូវគ្នាក៏ដោយ ក៏ពួកគាត់នៅតែជា ឪពុកនិងម្តាយរបស់អ្នកជារៀងរហូត ។ ព្យាយាមហើយខំរក្សាទំនាក់ទំនងជាមួយលោកទាំងពីរ ( លើកលែងតែមានម្នាក់ក្នុងចំនោមពួក គាត់ចង់ធ្វើបាបអ្នក )
o ដូចគ្នាដែរ, សាច់ញាតិរបស់អ្នកនឹងនៅតែជាសាច់ញាតិអ្នករហូតទៅ ។ ព្យាយាមរក្សាការទាក់ទងជាមួយពួកគេប្រសិនបើអ្នកអាចធ្វើបាន ។ ការ ទាក់ទងអាចជាការទៅសួរសុខទុក្ខ, ការទូរស័ព្ទ ឫ ជាការផ្ញើរអ៊ីម៉េល, ផ្ញើរសារ ឫសំបុត្រពេលនេះ និងបន្ទាប់ទៅទៀត ។
o មានពេលវេលាច្រើនពេលដែលឪពុកម្តាយដែលចាកចេញដោយកាត់ ផ្តាច់ការទាក់ទងទាំងឡាយជាមួយគ្រួសារ ។ នេះជាការពិបាកមែនទែន ដើម្បីដោះស្រាយបញ្ហានេះ ។ មនុស្សមួយចំនួនប្រតិកម្មតបដោយធ្វើ ពុតជាមិនខ្វល់ ឫថាពួកគេស្អប់ឪពុកម្តាយនោះ ។ក្នុងតថភាពពិត មនុស្ស ម្នាក់អាចមានអារម្មណ៍សោកសៅខ្លាំង, ក្រេវក្រោធ ឫចិត្តស្អប់ក្នុងខ្លួន ។ ជារឿងសំខាន់ ដែលត្រូវទទួលការគាំទ្រពីអ្នកដទៃ ។ និយាយពីអារម្មណ៍របស់អ្នក ទៅកាន់ឪពុកម្តាយអ្នក, ឫសមាជិកគ្រួសារដែលជិត ស្និទ្ធ រឺ អ្នកប្រឹក្សាណាម្នាក់ ។
o ប្រសិនបើឪពុកម្តាយអ្នកទាស់ទែងគ្នា, វាមិនមែនជាការទទួលខុសត្រូវ របស់អ្នកនោះទេ ។ វាអាស្រ័យលើឪពុកម្តាយអ្នកដើម្បីផ្លាស់ប្តូរចិត្ត ។ អ្នកអាចប្រាប់ពួកគាត់ថា វាធ្វើអោយអ្នកមានអារម្មណ៍មិនល្អ និងប្រាប់ ថាកុំអោយពួកគាត់ឈ្លោះគ្នា ចំពោះមុខអ្នក ។ នេះអាចនឹងពិបាកធ្វើបាន ។
o ឪពុកម្តាយខ្លះអាចរិះគន់ពីអតីតប្រពន្ធ ឫប្តី ។ វាអាចធ្វើអោយអ្នកមាន អារម្មណ៍មិនសុខស្រួលទាល់តែសោះ ។ អ្នកអាចព្យាយាមប្រាប់ពួកគាត់ថាវាធ្វើអោយអ្នកពិបាកចិត្តនៅពេលដែលពួកគាត់និយាយពីរឿងមិនល្អ របស់អ្នកដទៃ, ព្រោះទោះបីពួកគាត់បានចែកផ្លូវគ្នាក៏ដោយ, ពួកគាត់នៅ តែជាឪពុក និងម្តាយរបស់អ្នកដដែល ។
o ជូនកាលម្តាយ និងឪពុកអាចព្យាយាមរកដំណឹងពីអតីតប្តី ឫប្រពន្ធរបស់ ខ្លួន ដោយការសួរអ្នកនូវសំនួរជាច្រើនអំពីពួកគេ, ឫ ប្រើអ្នកជាអ្នកនាំសារ ។ អ្នកត្រូវស្ថិតក្នុងមុខងារមិនងាយស្រួលមួយហើយ ។ វាអាចជា ប្រយោជន៍ ដើម្បីពន្យល់ថា អ្នកមិនចង់ធ្វើជាមនុស្សម្នាក់ឈរនៅកណ្តាលនោះទេ ។ អ្នកក៏អាចបន្ថែមដែរថាអ្នកមិនចង់ឆ្លើយសំនួរ ដដែលៗបើអតីតប្តី ឫប្រពន្ធសួរសំនួរដដែលពីពួកគាត់ដូចគ្នានោះ ។
o ត្រូវយល់ថា វាជាការធម្មតាទេដើម្បីមានទឹកចិត្ត និងប្រតិកម្មតបខ្លាំងក្លា, ដូចជាអារម្មណ៍ព្រួយបារម្ភ,នៅពេលឪពុកម្តាយដែលលែងលះគ្នា ។ វាក៏ជាការធម្មតាដែរ ដែលមានអារម្មណ៍មិនល្អបើពួកគាត់ឈ្លោះប្រកែក គ្នា ។
o ត្រូវយកចិត្តទុកដាក់លើ ប្អូនប្រុស និង ប្អូនស្រីរបស់អ្នក ពួកគេអាចត្រូវ ការជំនួយ ។ ពួកគេក៏អាចជាអ្នកគាំទ្រល្អសំរាប់អ្នកដែរ ។
o បើអ្នកមិនច្បាស់ពីអ្វីដែលកើតឡើង ហើយមានអារម្មណ៍ថាអ្នកត្រូវការ ព័ត៌មានបន្ថែម, តើអ្នកអាចនិយាយជាមួយឪពុកម្តាយអ្នក រួចសួរពួក គាត់ថាមានអ្វីកើតឡើងបានទេ ? បើអ្នកមានអារម្មណ៍មិនស្រួលក្នុងការ និយាយបែបនេះ, តើមានម្តាយមីង ឫអ្នកជិតស្និទ្ធណាម្នាក់ដែលបានដឹង ពីស្ថានភាពនោះ រួចអាចជួយអ្នកបានទេ ?
o ជាការសំខាន់ដែលត្រូវមានការបន្ឋូរបន្ថយអារម្មណ៍ និងស្វែងរកការគាំ ទ្រផ្លូវចិត្តរបស់អ្នក ។ មានការផ្លាស់ប្តូរជាច្រើន ដើម្បីដោះស្រាយនៅ ពេលនេះ ។ ការផ្លាស់ប្តូរទាំងនោះអាចជាផ្ទះថ្មីមួយ, ឪពុក ឫម្តាយចុងថ្មី ឫសាលារៀនថ្មីសុំជំនួយពីឪពុកម្តាយអ្នក, បងប្អូន ប្រុសស្រី, សាច់ញាតិ,មិត្តភក្តិ ឫ អ្នកប្រឹក្សាណាម្នាក់ ។
