ខាងក្រោមនេះ health.com.khនឹងបង្ហាញប្រពន្ធទាំងឡាយពីក្បាច់ដែលអាចរក្សាស្វាមីអ្នកឲ្យជាប់បាន។ តើមានអ្វីខ្លះទៅ?
- ប្តីប្រពន្ធភាគច្រើនរស់នៅជាមួយគ្នាយូរបែរជាភ្លេចនូវការសរសើរ និងការដឹងគុណរវាងគ្នា ជាហេតុដែលធ្វើឲ្យមនោសញ្ចេតនាអាចប្រែប្រួលយ៉ាងលឿន។ ដូចនេះ អ្នកគួរតែចេះសរសើរ និងគោរពដល់ស្វាមីអ្នកនៅពេលដែលគេធ្វើអ្វីៗទាំងឡាយដើម្បីគ្រួសារ។ នៅពេលដែលអ្នកផ្តល់តម្លៃដល់គេ គេនឹងអាចផ្តល់ដល់អ្នកដូចគ្នា។ ជាហេតុដែលធ្វើឲ្យអ្នកកាន់តែស្រឡាញ់គ្នាបាន។
- អ្នកគួរតែកសាងអារម្មណ៍សុវត្ថិភាពដល់គ្នា ដោយជឿជាក់ចំពោះគ្នា មិនសង្ស័យផ្តេសផ្តាស ទើបអាចធ្វើឲ្យអ្នកទាំងពីរអាចស្រឡាញ់គ្នាបានយូរ។
- មិនថាការងារអ្នករវល់យ៉ាងណាទេ មិនថាអ្នករវល់ការងារផ្ទះប៉ុណ្ណាទេ អ្នកគួរតែចេះទម្លាក់ចុះខ្លះ ហើយទុកពេលវេលាកំដរគ្នា ព្រោះការងារធ្វើមិនចេះចប់ឡើយ។ នៅពេលដែលអ្នកមានពេលឲ្យគ្នា ទើបអាចការពារមនោសញ្ចេតនាអ្នកបាន។
- ដើម្បីឲ្យមនោសញ្ចេតនាកាន់តែល្អ អ្នកគួរតែឲ្យរាងកាយអ្នកនៅជិតគ្នាឲ្យបានច្រើន ដូចជា អោបគ្នា កាន់ដៃគ្នា ឬថើបគ្នាជាដើម។
- ទំនួលខុសត្រូវគឺសំខាន់ក្នុងការរក្សាគ្រួសារមួយឲ្យរស់នៅជាមួយគ្នាបានយូរអង្វែង។ ដួចនេះ អ្នកគួរតែប្រកាន់ខ្ជាប់ ទើបអាចធ្វើឲ្យគ្រួសារអ្នកអាចរស់នៅជាមួយគ្នាបានយូរ។
- បញ្ជីចាស់អ្នកមិនគួរលើកមកនិយាយទេ ព្រោះវាអាចធ្វើឲ្យស្វាមីអ្នកធុញខ្លាំងណាស់ ហើយមិនពេញចិត្តទៀតផង។ ដូចនេះ អ្នកគួរតែធ្វើជាប្រពន្ធដែលមានចរិតទន់ភ្លន់ និងចេះយល់ចិត្តស្វាមី ទើបអាចរក្សាគេពីស្រីផ្សេងបាន៕