មនុស្សជាច្រើន យល់ថា ជំងឺអុតស្វាយ, សាលាទែន (ភាសានិយាយហៅថា ក្រឡទែន) និងកញ្ជ្រិល គឺកើតតែលើកុមារប៉ុណ្ណោះ។ ការយល់ទាំងនេះ គឺពុំត្រឹមត្រូវនោះទេ! មនុស្សធំ ក៏អាចកើតវាបានដែរ ហើយរោគសញ្ញារបស់វាអាចនឹងធ្ងន់ធ្ងរជាងរោគសញ្ញាលើកុមារទៀតផង។ ដូច្នេះ ប្រសិនបើអ្នកមានរោគសញ្ញានៃជំងឺទាំងនេះ ដូចខាងក្រោម សូមទៅជួបគ្រូពេទ្យ និងស្តាប់តាមការណែនាំរបស់ពេទ្យ។
.អុតស្វាយ
គ្រុនក្តៅ ឈឺក្បាល និងពងបែករមាស់ប្រមាណពីរទៅបីរយ នឹងប្រាប់អ្នកឱ្យដឹងថាអ្នកមានវាហើយ។ ក្មេងអាយុក្រោម ១៥ ឆ្នាំច្រើនតែកើតរោគនេះញឹកញាប់។ តែ មនុស្សធំក៏អាចកើតវាដែរ ហើយរោគសញ្ញារបស់ពួកគេក៏កាន់តែធ្ងន់ធ្ងរដែរ។ វ៉ាក់សាំងការពារអុតស្វាយ គឺជាមធ្យោបាយដ៏ល្អបំផុតក្នុងការការពារ។ ករណីធ្ងន់ធ្ងរ អាចបណ្តាលឱ្យខ្វះជាតិទឹក រលាកសួត និងសូម្បីតែការឆ្លងមេរោគខួរក្បាល ដូច្នេះ សូមទៅជួបពេទ្យ ប្រសិនបើអ្នកគិតថា អ្នកកំពុងកើតជំងឺអុតស្វាយ។
.សាលាទែន (ភាសានិយាយ ក្រឡទែន)
វេជ្ជបណ្ឌិតអាចធ្វើតេស្ត ដើម្បីដឹងថាតើអ្នកមានវា ប៉ុន្តែមិនមានអ្វីច្រើនទេ អ្វីដែលអ្នកអាចធ្វើបានបន្ទាប់កើតជំងឺនេះ – ពេលវេលា និងពេលសម្រាកគឺជាឱសថតែមួយគត់។ ជំងឺសាលាទែន អាចបណ្តាលឱ្យក្តៅខ្លួន ឈឺសាច់ដុំ និងក្រពេញហើមនៅថ្ពាល់ និងក្រោមថ្គាមរបស់អ្នក។ នៅឱ្យឆ្ងាយពីមនុស្សផ្សេងទៀតយ៉ាងហោចណាស់មួយសប្តាហ៍ ដើម្បីចៀសវាងការរាលដាល។ វ៉ាក់សាំង MMR អាចការពារវាបាន។
.កញ្ជ្រិល
បញ្ហានេះ អាចធ្វើឱ្យក្តៅខ្លួន ឡើងកន្ទួលរមាស់ ហៀរសំបោរ និងភ្នែកឡើងពណ៌ផ្កាឈូកនិងហូរទឹកភ្នែក ក្អក រាគ និងឈឺត្រចៀក។ អ្នកអាចការពារខ្លួនអ្នកជាមួយវ៉ាក់សាំង MMR ៕