មនុស្សភាគច្រើនគិតថា ការទទួលទានអំបិល ឬអាហារមានជាតិប្រៃច្រើនពេក គឺមិនល្អតែចំពោះរូបរាងប៉ុណ្ណោះដោយវាបណ្ដាលឱ្យហើម។ ទោះជាយ៉ាងណា ការទទួលទានប្រៃអាចបង្កសុខភាពយ៉ាងច្រើនគួរឱ្យព្រួយបារម្ភដូចជាជំងឺលើសសម្ពាធឈាម បញ្ហាតម្រងនោម ជំងឺពុកឆ្អឹង ជំងឺបេះដូង និងដាច់សសៃឈាមខួរក្បាលជាដើម! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាការៈដែលអាចលេចឡើងនៅពេលអ្នកទទួលទានអំបិលច្រើនពេកក្នុងរបបអាហារ ៖
១. ហើម
ការទទួលទានអំបិលច្រើនពេកនឹងអាចបណ្ដាលឱ្យអាការៈហើមដៃ ជើង ឬភ្នែកពិសេសពេលព្រឹកលេចឡើងដោយរាងកាយចាប់ផ្ដើមស្តុកទុកជាតិទឹកបន្ថែម។
២. ស្រេកទឹកខ្លាំង
ជាតិសូដ្យូមដែលមានផ្ទុកក្នុងអំបិលជួយរក្សាតុល្យភាពនៃសារធាតុរាវក្នុងរាងកាយ។ នៅពេលអ្នកទទួលទានអំបិលច្រើនពេក រាងកាយត្រូវការសារធាតុរាវបន្ថែមដើម្បីជួយសម្អាតក្នុងប្រព័ន្ធដូច្នេះទើបសាច់ដុំនិងសរីរាង្គដទៃទៀតអាចដំណើរការបានត្រឹមត្រូវ។ គួរចងចាំថាការទទួលទានទឹកមិនបានគ្រប់គ្រាន់អាចបង្ខំរាងកាយឱ្យបញ្ចេញជាតិទឹកពីកោសិកាជាលទ្ធផលបញ្ហាខ្សោះជាតិទឹកក្នុងរាងកាយនឹងលេចឡើង។
៣. ទឹកនោមមានភាពប្រែប្រួល
ការទទួលទានអំបិលច្រើនអាចបណ្ដាលឱ្យតម្រងនោមធ្វើការលើសកម្រិតដើម្បីកម្ចាត់វាចេញពីរាងកាយ។ ជាលទ្ធផលនៃបញ្ហាជំងឺតម្រងនោមដែលធ្វើឱ្យនោមញឹក ហើយទឹកនោមមានសភាពថ្លា ឬគ្មានពណ៌តែម្ដង។ ការទទួលទានជាតិសូដ្យូមច្រើនពេកក្នុងរាងកាយក៏អាចជាលទ្ធផលនៃការបាត់បង់ជាតិទឹកដែលជាញឹកញយបង្កជាបញ្ហាខ្សោះជាតិទឹកក្នុងរាងកាយផងដែរ។ ទឹកនោមមានលក្ខណៈខាប់និងពណ៌លឿងខ្លាំងជាសញ្ញានៃការបាត់បង់ជាតិទឹកក្នុងរាងកាយ។
៤. ឈឺឆ្អឹង
ការទទួលទានអំបិលអាចជាឧបសគ្គដ៏ធំមួយសម្រាប់គ្រោងឆ្អឹង។ នៅពេលអ្នកទទួលទានអំបិលច្រើនពេកនោះតម្រងនោមមិនអាចកម្ចាត់វាចេញបានទាំងស្រុងឡើយដែលបង្កើនការបាត់បង់នូវជាតិកាល់ស្យូមគួរឱ្យកត់សម្គាល់ដូចគ្នា។ កង្វះជាតិកាល់ស្យូមរ៉ាំរ៉ៃអាំចជាលទ្ធផលនៃបញ្ហាខ្សោយឆ្អឹង បញ្ហាពាក់ព័ន្ធជាមួយធ្មេញ និងហានិភ័យនៃជំងឺពុកឆ្អឹង។
៥. រមួលសាច់ដុំ
ការរក្សាឱ្យបាននូវតុល្យភាពនៃជាតិសូដ្យូមនិងបូតាស្យូម គឺចាំបាច់ណាំស់សម្រាប់សុខភាពខណៈដែលសមាសធាតុទាំងពីរនេះទទួលទានខុសត្រូវចំពោះការកន្ត្រាក់នៃសាច់ដុំ។ ដូច្នេះប្រសិនបើអ្នកទទួលទានអាហារប្រៃ ឬប្រើប្រាស់អំបិលច្រើនពេកក្នុងរបបអាហារហានិភ័យនៃបញ្ហារមួលសាច់ដុំ ឬការឡើងតឹងឈឺចាប់ក្នុងសាច់ដុំប្រាកដជាលេចឡើង។
៦. ឈឺក្បាលជាប្រចាំ
ការទទួលទានជាតិសូដ្យូមច្រើនលើសអាចបណ្ដាលឱ្យសសៃឈាមរីកធំ ហើយសម្ពាធឈាមឡើងខ្ពស់ជាលទ្ធផលនៃអាការៈឈឺក្បាលខ្លាំង ឬឈឺក្បាលសឹងតែជាប្រចាំតែម្ដង។
៧. បញ្ហាពាក់ព័ន្ធនឹងការចងចាំ
ការលើសសម្ពាធឈាមដែលបណ្ដាលមកពីការទទួលអំបិលច្រើនអាចបំផ្លាញសសៃឈាមទៅកាន់ខួរក្បាលជះឥទ្ធិពលលើសមត្ថភាពនៃការគិតបានរហ័សច្បាស់និងពិបាកក្នុងការចងចាំ។
- ផលប៉ះពាល់នៃអាហារប្រៃ ឬអំបិលចំពោះសុខភាព
១. បញ្ហាតម្រងនោម
ការទទួលទានអាហារប្រៃច្រើនពេកជាប្រចាំ គឺមិនល្អសោះឡើយចំពោះតម្រងនោម ក៏ដូចជាសុខភាពរាងកាយទាំងមូល។ ការទទួលទានអាហារជាតិអំបិលច្រើននឹងធ្វើឱ្យតម្រងនោមទទួលបន្ទុកលើសកម្រិត។ មិនយូរប៉ុន្មានតម្រងនោមចាប់ផ្ដើមចុះខ្សោយប៉ះពាល់សមត្ថភាពមុខងារ ហើយបង្កើនការស្ដុកទុកសារធាតុរាវ។
២. ខ្សោយការចងចាំ
ការទទួលទានអាហារមានផ្ទុកជាតិសូដ្យូម ឬអាហារប្រៃច្រើនពេក គឺមិនល្អសម្រាប់សុខភាពសម្ពាធឈាមនិងបេះដូងឡើយ។ លើសពីនេះទៅទៀតការទទួលទានអាហារមានជាតិសូដ្យូមច្រើនអាចបង្កផលប៉ះពាល់ដល់មុខងារនៃភាពយល់ដឹងរបស់ខួរក្បាលគួរអោយព្រួយបារម្ភ។ ដូច្នេះប្រសិនបើអ្នកចង់រក្សាបាននូវសុខភាពខួរក្បាល ក៏ដូចជាបេះដូងល្អប្រសើរ ចូរកាត់បន្ថយ ឬបញ្ឈប់ការទទួលទានអាហារដែលមានផ្ទុកសម្បូរទៅដោយជាតិសូដ្យូម។ អាហារកែច្នៃក៏មិនល្អដូចគ្នា! អាហារកែច្នៃច្រើនតែមានផ្ទុកនូវសារធាតុគីមីដែលអាចបង្កការរលាក និងបំផ្លាញដល់កោសិកាខួរក្បាល។ ចូរព្យាយាមទទួលទានបន្លែផ្លែឈើស្រស់ៗឱ្យបានច្រើនជំនួសវិញ។
៣. ជំងឺលើសសម្ពាធឈាម
ការទទួលទានប្រៃពេកញឹកញាប់ក៏អាចបណ្ដាលឱ្យកើតជំងឺលើសឈាម ឬបញ្ហាសម្ពាធឈាមឡើងខ្ពស់ផងដែរ។ សម្ពាធឈាមឡើងខ្ពស់អាចបង្កើនហានិភ័យនៃជំងឺសាហាវផ្សេងទៀតជាច្រើន។ ដូច្នេះដើម្បីជាការប្រសើរ ចូរព្យាយាមកាត់បន្ថយការទទួលទានអាហារប្រៃ ឬកម្រិតការទទួលទានអំបិលមិនគួរលើសពី ១៥០០ មីលីក្រាមក្នុងមួយថ្ងៃឡើយ។ ចូរជ្រើសរើសរបបអាហារមានសុខភាពល្អប្រសិនបើអ្នកចង់រក្សាបាននូវសម្ពាធឈាមប្រក្រតី។ របបអាហារសុខភាពល្អមានរួមបញ្ចូលនូវបន្លែ ផ្លែឈើ គ្រាប់ធញ្ញជាតិ និងត្រី។ អាហារប្រភេទនេះមិនត្រឹមតែមានផ្ទុកសារធាតុចិញ្ចឹមចាំបាច់ប៉ុណ្ណោះទេ ប៉ុន្តែក៏ជួយគ្រប់គ្រងសម្ពាធឈាមបានយ៉ាងប្រសើរផងដែរ។
៤. បញ្ហាសន្លាក់
ការទទួលទានអាហារប្រៃច្រើនមិនត្រឹមតែផ្ដល់ផលប៉ះពាល់ដល់សុខភាពបេះដូងនិងសម្ពាធឈាមប៉ុណ្ណោះទេ ប៉ុន្តែក៏ជះឥទ្ធិពលលើសន្លាក់បង្កការឈឺចាប់ផងដែរ។ នោះក៏ព្រោះតែសូដ្យូមប្រមូលផ្ដុំសារធាតុរាវ ឬជាតិទឹកក្នុងសន្លាក់ដែលនាំឱ្យសន្លាក់ងាយនឹងហើម ហើយឈឺចាប់។
៥. បញ្ហាស្បែក
ស្នាមថ្នក់ក្រោមភ្នែក ការហើមត្របកភ្នែក ឬបញ្ហាភ្នែកមើលទៅខ្មៅហត់នឿយ? ទាំងនេះសុទ្ធតែអាចបណ្ដាលមកពីការទទួលទានអាហារប្រៃឬមានផ្ទុកជាតិសូដ្យូមច្រើនពេក។ សូដ្យូម ឬអំបិលក៏ផ្សារភ្ជាប់នឹងហានិភ័យនៃការឡើងមុនផងដែរ។ ដូច្នេះដើម្បីចៀសផុតអាការៈហើម ចូរព្យាយាមកម្រិតការទទួលទាលអាហារប្រៃ។
៦. ធ្វើឱ្យអាការៈនៃជំងឺឬសដូងបាតកាន់តែធ្ងន់ធ្ងរឡើង
អាហារប្រៃៗ ឬមានផ្ទុកជាតិសូដ្យូមខ្ពស់អាចជះផលប៉ះពាល់គួរឱ្យព្រួយបារម្ភលើអាការៈនៃជំងឺឬសដូងបាត។ នេះក៏ព្រោះតែអាហារប្រៃបង្កបញ្ហាខ្សោះ ឬខ្វះជាតិទឹកក្នុងរាងកាយនិងទល់លាមក។ វាក៏អាចបង្កអាការៈហើមដែលជះឥទ្ធិពលខ្លាំងលើឬសដូងបាត។
៧. បង្កើនហានិភ័យនៃជំងឺពុកឆ្អឹង
អាហារប្រៃ ឬអាហារមានផ្ទុកសូដ្យូមក៏ជាអ្វីមួយដែលបណ្ដាលឱ្យជាតិកាល់ស្យូមត្រូវបាត់បង់ពីក្នុងរាងកាយហើយ។ ដូច្នេះដើម្បីជាការប្រសើរអ្នកមិនគួរទទួលទានលើសពី ២៣០០ មីលីក្រាមក្នុងមួយថ្ងៃឡើយ។
៨. ហានិភ័យនៃបញ្ហាថ្លើម
ការទទួលទានអំបិល ឬអាហារប្រៃច្រើងជាងពី ២០០០ ទៅ ២៤០០ មីលីក្រាមជាប្រចាំអាចបង្កផលប៉ះពាល់ដល់ថ្លើមគួរឱ្យព្រួយបារម្ភ។ ជាតិសូដ្យូម ឬអំបិលជាកត្តាចម្បងនៃការរលាកក្នុងរាងកាយ រួមទាំងការរក្សាជាតិទឹកលើសកម្រិតដែលបង្កើនបន្ទុកលើមុខងារនៃថ្លើម៕