ដូចដែលយើងបានដឹងស្រាប់ហើយថា រាល់ផ្លែឈើ និង បន្លែទាំងអស់សុទ្ធតែផ្តល់ផលល្អ ចំពោះសុខភាព វាមិនត្រឹមតែជួយអោយយើងមានសម្រស់ស្រស់ស្អាតនោះទេ វាក៏ជួយអោយសុខភាពយើងល្អ ដោយការពង្រឹងប្រព័ន្ធភាពសាំ និង អាចទប់ទល់នឹងជំងឺមួយចំនួនបានផងដែរ។ ខាងក្រោមនេះ គឺជា អត្ថប្រយោជន៍ ដែលអ្នកនឹងទទួលបានពីការ ទទួលផ្លែគូលែន ៖
- ផ្លែគូលែន ១០០ក្រាមាន ៦៦កាល់ឡូរី។ វាមិនមានជាតិខ្លាញ់ Saturated Fat ឬកូឡេស្តេរ៉ុលឡើយ តែវាផ្ទុកទៅដោយចំនួនជាតិសរសៃ, វីតាមីន និងអង់ទីអុកស៊ីដង់ល្អៗ។
- ការសិក្សាស្រាវជ្រាវបានអោដយឹងថា សារធាតុ Oligonol ដែលជា Polyphenol មានទម្ងន់ម៉ូលេគុលស្រាល ត្រូវបានរកឃើញក្នុងផ្លែគូលែន។ Oligonol គឺជាអង់ទីអុកស៊ីដង់ និងជាភ្នាក់ងារប្រឆាំងនឹងវីរ៉ុសបង្កជំងឺផ្តាសាយធំ។លើសពីនេះទៅទៀត វាជួយពង្រឹងលំហូរឈាមទៅកាន់សិរីរាង្គផ្សេងៗ, សម្រកទម្ងន់,និងការពារស្បែកពីកាំរស្មីយូវី។
- ផ្លែគូលែនក៏ដូចជាផ្លែឈើរសជាតិជូរៗដែរ ព្រោះវាជាប្រភពដ៏ល្អមួយនៃវីតាមីន C ព្រោះផ្លែគូលែនស្រស់ ១០០ក្រាមមានវីតាមីន C ៧១,៥មីលីក្រាម ឬស្មើនឹង ១១៩%នៃតម្លៃទទួលទានរាល់ថ្ងៃ។ ការសិក្សាបានអោយដឹងថា ការញ៉ាំផ្លែឈើសម្បូរវីតាមីន C ជួយអោយរាងកាយមនុស្សស៊ាំនឹងការបង្ករោគ និងរ៉ាឌីកាលសេរី។
- លើសពីនេះទៅទៀត វាក៏ជាប្រភពដ៏ល្អបំផុតនៃវីតាមីន Bកំផ្លេចដូចជា Thiamin, niacin, និង Folates។ វីតាមីន ទាំងនេះមានសារៈសំខាន់ណាស់ព្រោះវាដើរតួជា Co-factors សម្រាប់ជួយរាងកាយក្នុងការបំបែកកាបូអ៊ីដ្រាត, ប្រូតេអ៊ីន និងខ្លាញ់។
- ផ្លែគូលែនក៏ផ្ទុកទៅដោយជាតិរ៉ែល្អៗមួយចំនួនដែរដូចជា ប៉ូតាស្យូម និងទង់ដែង។ ប៉ូតាស្យូមគឺជាធាតុផ្សំដ៏សំខាន់មួយរបស់កោសិកា និងទឹកសិរីរៈសម្រាប់ជំនួយដល់ការគ្រប់គ្រងចង្វាក់បេះដូង និងសម្ពាធឈាម ដូច្នេះវាផ្តល់នូវការការពារជំងឺដាច់សរសៃឈាមខួរក្បាល និងជំងឺសរសៃឈាមបេះដូង Coronary។ ហើយសារធាតុទង់ដែង មាននាទីក្នុងការផលិតគ្រាប់ឈាមក្រហម៕