ការសិក្សាថ្មីមួយបង្ហាញថា ការលេងល្បែងផ្គុំរូបនៅពេលដែលពួកគេមានអាយុពី ២ ទៅ ៤ឆ្នាំ អាចជួយកុមារក្នុងការវិវត្តន៍ជំនាញនៃទំហំរបស់វត្ថុឱ្យបានកាន់តែល្អប្រសើរឡើង។
ជំនាញនៃទំហំរបស់វត្ថុនេះគឺជាសមត្ថភាពដែលអាចគិតពីវត្ថុមួយក្នុងជ្រុងបីនៃវត្ថុនោះ។
ក្រុមអ្នកស្រាវជ្រាវនៅមហាវិទ្យាល័យស៊ីកាហ្គូបានពិនិត្យលើទំនាក់ទំនងរវាងកុមារនិងឪពុកម្តាយ ៥៣គូ ហើយបានរកឃើញថា កុមារដែលលេងល្បែងផ្គុំរូបក្នុងចន្លោះពីអាយុ ២៦ ទៅ ៤៦ខែ មានជំនាញនៃទំហំល្អនៅពេលដែលពួកគេអាយុ ៥៤ខែ។
ក្រុមអ្នកស្រាវជ្រាវក៏បានរកឃើញទៀតថា៖ ឪពុកម្តាយដែលមានប្រាក់ចំណូលខ្ពស់ច្រើនតែជំរុញឱ្យកូនរបស់ពួកគេលេងល្បែងផ្គុំរូបឱ្យបានញឹកញាប់, ក្មេងប្រុសលេងល្បែងផ្គុំរូបដែលស្មុគស្មាញជាងក្មេងស្រី, ហើយឪពុកម្តាយក្មេងប្រុសប្រើពាក្យបច្ចេកទេសនៃជំនាញទំហំនៅពេលលេងល្បែងផ្គុំច្រើនជាងឪពុកម្តាយក្មេងស្រី។
អ្នកជំនាញចិត្តវិទ្យា ស៊ូសាន ឡឺវីន Susan Levine និយាយថា សមត្ថភាពប្រភេទនេះ គឺជាកត្តាសំខាន់នៃកុមារដែលជ្រើសរើសការសិក្សានិងការងារផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ទៅថ្ងៃអនាគត។
ការសិក្សានេះបានចេញផ្សាយក្នុងសាពត៌មាន ការវិវត្តន៏នៃវិទ្យាសាស្ត្រ។
អ្នកជំនាញចិត្តវិទ្យា ឡឺវីន និយាយថា “ការសិក្សាបន្តចាំបាច់ត្រូវកំណត់ថាតើការលេងល្បែងផ្គុំរូបនិងភាសាដែលកុមារស្តាប់ឮពីគំនិតនៃជំនាញទំហំមានទាក់ទងទៅនឹងការវិវត្តន៍នៃជំនាញនេះឬយ៉ាងណា ហើយពិនិត្យមើលថាហេតុអ្វីបានជាមានភាពខុសគ្នានៃភេទក្នុងកម្រិតភាពពិបាកនៃការលេងល្បែងផ្គុំរូប ហើយនិងក្នុងទំនាក់ទំនងរបស់ឪពុកម្តាយជាមួយនឹងកូនប្រុសនិងស្រី”។