នៅពេលដែលកូននៅមិនទាន់កើតចេញមក ហើយនៅក្នុងផ្ទៃ មិនត្រឹមតែអ្នកម្តាយត្រូវតែអប់រំកូននោះទេ លោកឪពុកក៏មានតួនាទីក្នុងការអប់រំដូចគ្នាដែរ។ ដូចនេះតើលោកឪពុកគួរតែអប់រំកូនក្នុងផ្ទៃបែបណាទៅ?
នៅពេលដែលអ្នកមានពេល អ្នកគួរតែនិយាយជាមួយកូនក្នុងផ្ទៃឲ្យបានច្រើន ដោយនិយាយរឿងមួយចំនួនដែលទាក់ទងនឹងការស្រឡាញ់ និងក្តីរំពឹងរបស់អ្នកចំពោះកូន។ ឧទាហរណ៍ “អ្នកអាចនិយាយបានថាកូនសម្លាញ់ តើកូនដឹងទេថាប៉ាស្រឡាញ់កូនយ៉ាងណា កូននៅក្នុងពោះរបស់ម៉ាក់ម៉ាក់ត្រូវតែលូតលាស់ដោយមានសុខភាពល្អ ហើយត្រូវតែឆ្លាត និងស្អាតណា៎។” អ្នកគួរតែនិយាយជាមួយគេ ដោយមិនត្រូវគិតថាកូននៅក្នុងផ្ទៃនៅឡើយ មិនត្រូវខ្វល់ទេ។ បើអ្នកមិនចេះនិយាយ អ្នកអាចច្រៀង ឬនិយាយរឿងដែលអ្នកនៅពីតូចឲ្យកូនស្តាប់បាន នោះកូននឹងចូលចិត្តស្តាប់ណាស់។ ដូចនេះកូននឹងអាចលូតលាស់បានល្អក្នុងផ្ទៃនៅពេលដែលអ្នក និងអ្នកម្តាយតែងតែនិយាយជាមួយកូន៕