សល់លុយ ហើយស្បែកស្អាតទៀត! ស្បែកភ្លឺរលោងឆាប់រហ័ស ជាមួយម៉ាសបិតមុខបែបធម្មជាតិ

មានកត្តាច្រើនណាស់ដែលជះផលប៉ះពាល់ដល់ស្បែកដែលនាំឱ្យប្រែជាស្រអាប់រួមមានកត្តាវ័យ អាកាសធាតុ និងភាពស្ត្រេសជាដើម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាកុំបារម្ភ! ខាងក្រោមវេបសាយសុខភាព Health.com.kh នឹងបង្ហាញពីម៉ាសបិតមុខបែបធម្មជាតិជួយឱ្យភ្លឺរលោងស្រស់ថ្លា ៖

១. ប៉េងប៉ោះនិងម្សៅ Baking soda

អ្វីដែលអ្នកត្រូវធ្វើ គឺគ្រាន់តែច្របាច់ប៉េងប៉ោះទុំ ១ផ្លែលាយជាមួយម្សៅ baking soda ២ស្លាបព្រាបាយ។ បន្ទាប់មកលាបល្បាយលើស្បែកមុខ និងរងចាំសម្រាប់រយៈពេល ១០នាទី សឹមលាងសម្អាតចេញជាមួយទឹកធម្មតា។

២. ផ្លែបឺរនិងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែកិនផ្លែបឺរ ១ផ្លែឱ្យម៉ដ្ឋ បន្ទាប់មកបន្ថែមទឹកឃ្មុំ ១ស្លាបព្រាចូល។ កូរឱ្យសព្វ សឹមលាបល្បាយលើស្បែកមុខ និងរងចាំសម្រាប់រយៈពេល ១៥នាទី។ លាងសម្អាតចេញជាមួយទឹកធម្មតា។

៣. ត្រសក់និងរមៀត

កិនត្រសក់ ១ផ្លែ និងបន្ថែមរមៀត ១ស្លាបព្រាកាហ្វេចូល។ កូរឱ្យសព្វ សឹមលាបល្បាយលើស្បែក និងរងចាំសម្រាប់រយៈពេលពី ១០ ទៅ ១៥នាទី។ លាងសម្អាតចេញជាមួយទឹកធម្មតា។

៤. ទឹកក្រូចឆ្មារស្រស់និងល្ហុង

អ្វីដែលអ្នកត្រូវធ្វើ គឺគ្រាន់តែលាយល្ហុងទុំដែលកិនម៉ដ្ឋ ១ស្លាបព្រាបាយជាមួយទឹកក្រូចឆ្មារស្រស់ ៤ដំណក់។ លាបល្បាយលើស្បែកមុខនិងរងចាំសម្រាប់រយៈពេលពី ១០ ទៅ ១២នាទី។ លាងសម្អាតចេញជាមួយទឹកត្រជាក់។

៥. តែបៃតងនិងប្រទាលកន្ទុយក្រពើ

កិនតែបៃតង ១ស្លាបព្រាកាហ្វេជាមួយជែលប្រទាលកន្ទុយក្រពើស្រស់ ១ស្លាបព្រាកាហ្វេ។ លាបល្បាយលើស្បែក និងរងចាំសម្រាប់រយៈពេល ៣០នាទី។ លាងសម្អាតចេញជាមួយទឹកត្រជាក់។

៦. ប្រេងដូងនិងម្សៅកាកាវ

លាយម្សៅកាកាវ ១ស្លាបព្រាបាយជាមួយប្រេងដូង ១ស្លាបព្រាកាហ្វេ។ លាបល្បាយលើស្បែក និងរងចាំសម្រាប់រយៈពេល ២០នាទី។ លាងសម្អាតចេញជាមួយទឹកក្ដៅឧណ្ហ។

៧. ផ្នែកពណ៌សនិងត្រសក់

កិនត្រសក់ ១កំណាត់ជាមួយផ្នែកពណ៌សនៃស៊ុត ១គ្រាប់ដែលកូរវឹករួច។ លាបល្បាយលើស្បែក និងរងចាំសម្រាប់រយៈពេល ១៥នាទី។ លាងសម្អាតចេញជាមួយទឹកធម្មតាជាការស្រេច៕