រដ្ឋមន្ត្រីក្រសួងសុខាភិបាលវៀតណាមបានឲដឹងថា វ៉ាក់សាំងរបស់ក្រុមហ៊ុន AstraZecena ចំនួន ១១៧.៦០០ដូស នឹងត្រូវចាក់ឲក្រុមមនុស្សអាទិភាព ជាលើកដំបូងនៅថ្ងៃចន្ទ សប្តាហ៍ក្រោយនេះ។
វ៉ាក់សាំងក្រុមដំបូងក្នុងចំណោមវ៉ាក់សាំង ៣០ លានដូស ដែលវៀតណាមបញ្ជាទិញពីក្រុមហ៊ុន AstraZeneca បានមកដល់ទីក្រុងហូជីមិញ កាលពីថ្ងៃពុធសប្តាហ៍មុន។
រដ្ឋមន្ត្រីក្រសួងសុខាភិបាលវៀតណាម បាននិយាយនៅក្នុងកិច្ចប្រជុំកាលពីថ្ងៃសុក្រថា បន្ទាប់ពីធ្វើការជាមួយកូរ៉េខាងត្បូង ដើម្បីវាយតម្លៃគុណភាពនៃវ៉ាក់សាំងដំបូងនេះ ក្រសួងសុខាភិបាលនិយាយថា វ៉ាក់សាំងនេះមានសិទ្ធិទទួលការចាក់បង្ការបានហើយ។
នៅថ្ងៃសៅរ៍នេះ ក្រសួងនឹងរៀបចំសន្និសីទស្តីពីការអនុវត្តការចាក់វ៉ាក់សាំងទ្រង់ទ្រាយធំ ការបណ្តុះបណ្តាលទូទាំងប្រទេសលើការទទួលការប្រើប្រាស់ និងការរក្សាទុកវ៉ាក់សាំង ក៏ដូចជាការដោះស្រាយផលវិបាកក្រោយចាក់វ៉ាក់សាំង។
ដោយឡែកនៅខែមេសាខាងមុខ វៀតណាមនឹងទទួលវ៉ាក់សាំង ១,៣ លានដូសបន្ថែមពី AstraZeneca តាមរយៈមជ្ឈមណ្ឌល Covax ៕
