ការស្រាវជ្រាវថ្មីមួយបានបង្ហាញថា ការធ្វើលំហាត់ប្រាណបានគ្រប់គ្រាន់ដើម្បីអោយចេញញើសជាច្រើនថ្ងៃអាចបន្ថយហានិភ័យ នៃជំងឺដាច់សរសៃឈាមខួរក្បាលបានតិចតួច ក្នុងចំនោមមនុស្សវ័យកណ្តាល និងមនុស្សចាស់ បើធៀបទៅនឹងអ្នកដែលមិនធ្វើលំហាត់ប្រាណសោះនោះ។
មីឆែល ម៉ាកដូណេល (Michelle McDonnell) បាននិយាយថា លទ្ធផលនៃការស្រាវជ្រាវបានបង្ហាញថា អ្នកអាចគ្រប់គ្រងវាសនារបស់អ្នកបាន។ អាហារដែលផ្តល់សុខភាព, ទម្ងន់ខ្លួនដែលសាកសម, ការធ្វើលំហាត់ប្រាណជាទៀងទាត់ស្របពេលជាមួយនឹងការផឹកស្រាមួយកម្រិត និងការមិនជក់បារី អាចបន្ថយហានិភ័យនៃជំងឺដាច់សរសៃឈាមខួរក្បាលបានដល់ទៅ៨០%។ នេះយើងបង្ហាញថា ការធ្វើលំហាត់ប្រាណគឺជាទិដ្ឋភាពមួយសំខាន់ និងគួរតែត្រូវបានគេជម្រុញអោយធ្វើ។
អ្នកស្រាវជ្រាវក៏បានដឹងថា ការធ្វើលំហាត់ប្រាណបានបន្ថយហានិភ័យផ្ទាល់នៃជំងឺដាច់សរសៃឈាមខួរក្បាលដោយផ្តល់ភាពប្រសើរឡើងនៃសុខភាពរបស់សរសៃឈាម, និងបន្ថយហានិភ័យមិនផ្ទាល់ដោយផ្តល់ភាពប្រសើរឡើងដល់សម្ពាធឈាមខ្ពស់ និងការធាត់។
ម៉ាកដូណេលបាននិយាយថា ការស្រាវជ្រាវគឺមិនធម្មតានោះទេ ដោយសារតែវាហាក់ដូចជាកំណត់នូវឥទ្ធិពលនៃការធ្វើលំហាត់ប្រាណលើហានិភ័យនៃជំងឺដាច់សរសៃឈាមខួរក្បាល។
អ្នកស្រាវជ្រាវបានធ្វើការវិភាគលើមនុស្សជនជាតិអាមេរិកជាង២៧.០០០នាក់អស់រយៈពេលជាមធ្យមជិត៦ឆ្នាំ។ អ្នកចូលរួមភាគច្រើនគឺមានអាយុលើសពី៤៥ឆ្នាំ និងមិនទាន់មានជំងឺដាច់សរសៃឈាមខួរក្បាលនៅឡើយនោះទេ។
៣,១%នៃអ្នកចូលរួមដែលបាននិយាយថាពួកគេបានធ្វើលំហាត់ប្រាណខ្លាំងក្លា លើសពី៤ដងក្នុងមួយសប្តាហ៍នៅពេលចាប់ផ្តើមនៃការស្រាវជ្រាវ បានទទួលរងនឹងជំងឺដាច់សរសៃឈាមខួរក្បាលនេះ។ ភាគរយ គឺ៣,៣%ចំពោះអ្នកដែលធ្វើលំហាត់ប្រាណពីម្តង ទៅ៣ដងជារៀងរាល់សប្តាហ៍ និង៣,៦%ចំពោះអ្នកដែលមិនធ្វើលំហាត់ប្រាណសោះ។
ក្រោយពីបានធ្វើស្ថិតិមក, អ្នកស្រាវជ្រាវបានកំណត់ថា អ្នកដែលធ្វើលំហាត់ប្រាណភាគច្រើនបំផុត គឺតិចជាង២០%ដែលហាក់ដូចជាទទួលរងនឹងជំងឺដាច់សរសៃឈាមខួរក្បាលបើធៀបទៅនឹងអ្នកដែលបានធ្វើលំហាត់ប្រាណភាគតិចបំផុត។
ប៉ុន្តែការធ្វើលំហាត់ប្រាណបន្ថែមហាក់ដូចជាមិនមានប្រសិទ្ធភាពក្រោយពីបានមើលពីកត្តាហានិភ័យមួយចំនួនដូចជា ជំងឺទឹកនោមផ្អែម, ជំងឺលើសឈាម, លើសទម្ងន់, ផឹកស្រា និងជក់បារីនោះ។
អ្នកស្រាវជ្រាវបានបង្ហាញថា បុរសត្រូវតែធ្វើលំហាត់ប្រាណអោយបានច្រើនជាងស្ត្រី។ ម៉ាកដូណេលបាននិយាយថា មានការស្រាវជ្រាវមួយចំនួនបានបង្ហាញថា ស្ត្រីប្រហែលជាទទួលបានអត្ថប្រយោជន៍ពីការធ្វើលំហាត់ប្រាណកម្រិតស្រាលដូចជា ការដើរជាដើម។
ស្តេវិន ប្លា (Steven Blair) ជាសាស្ត្រាចារ្យដែលបានស្រាវជ្រាវពីការធ្វើលំហាត់ប្រាណនៅសាកលវិទ្យាល័យ South Carolina បាននិយាយថា ការថយចុះ២០%នៃហានិភ័យនៃជំងឺដាច់សរសៃឈាមខួរក្បាល គឺជាដំណោះស្រាយមួយដ៏ធំ ជាពិសេសក្នុងការប្រៀបធៀបជាមួយនឹងការព្យាបាលវេជ្ជសាស្ត្រចំពោះបញ្ហាមួយចំនួនដែលអាចមានឥទ្ធិពលដូចគ្នា។
ព័ត៌មាននេះគឺសាមញ្ញាដែលមនុស្សគ្រប់រូបគួរតែទៅជួបអ្នកណែនាំពីការធ្វើលំហាត់ប្រាណ។ មនុស្សពេញវ័យទាំងអស់គួរតែធ្វើលំហាត់ប្រាណក្នុងកម្រិតមធ្យមអោយបាន១៥០នាទីក្នុងមួយសប្តាហ៍, ៧៥នាទីនៃការធ្វើលំហាត់ប្រាណកម្រិតធ្ងន់។
ការស្រាវជ្រាវនេះត្រូវបានចេញផ្សាយនៅក្នុងកាសែត Stroke៕