យើងទាំងអស់គ្នាសុទ្ធតែប៉ងចង់បាន ការមើលទៅឃើញនៅក្មេង ជាងអាយុពិតរបស់ពួកយើង។ រហូតដល់ វ័យ ៣០ឆ្នាំ ស្បែករបស់ពួកយើង នៅមើលទៅឃើញក្មេង និង ស្រស់ថ្លា ប៉ុន្តែបន្ទាប់ពីនោះមក រូបរាងកាយរបស់ ពួកយើង នឹងមានការធ្លាក់ចុះជាលំដាប់ ពីភាពក្មេងវ័យ ទៅរកភាពចាស់ជរា។ អ្នកតែងតែមានសំណួរ ថាតើមាន ឱសថទិព្វអ្វី ដែលអាចធានារក្សា ភាពក្មេងវ័យនៅខាងក្នុងខ្លួន អ្នកបានឬទេ? ចុះប្រសិនបើ ឱសថទិព្វសម្រាប់ ប្រឆាំងនឹងអាយុនេះ ត្រូវបានផ្តល់អោយអ្នកតាមវិធីធម្មជាតិនោះ? ដូច្នេះ វាមិនខុសនោះទេ ដែលថា ការថែរក្សា ស្បែកអោយមានភាពក្មេងខ្ចី នេះត្រូវធ្វើការជាមួយនឹងការព្យាបាលដោយការប្រឆាំងនឹងអាយុ។
ផ្លែល្ហុង
ល្ហុងទុំគឺជា ផ្លែឈើមួយប្រភេទ ដែលមានផ្ទុកវីតាមីន C , ការ៉ូតែន ( carotene), ជាតិរ៉ែ និង អង់ស៊ីម papain ក្នុងបរិមាណមួយដ៏ច្រើន។ ពួកវាទាំងនេះ បានធ្វើអោយផ្លែឈើ ប្រភេទនេះ មានជាតិផ្តល់សំណើម និង ការសកស្បែកដ៏អស្ចារ្យ។
ខុសពីរូបមន្តថែរក្សាសម្រស់ផ្សេងទៀត ផ្លែល្ហុងគឺ មានលក្ខណៈងាយស្រួលក្នុងការលាបវា និង វាមិនចាំបាច់ត្រូវ ការកិនអោយម៉ដ្ឋ, ក្រឡុក ឬ យកគ្រាប់ចេញនោះទេ។ អ្វីដែលអ្នកត្រូវធ្វើនោះ គឺគ្រាន់តែជិតសំបកផ្នែកខាងក្រៅ ចេញ និងលាបវាដោយផ្ទាល់ ទៅលើមុខរបស់អ្នក ក្នុងស្ថានភាពចុះឡើងៗទៅវិញទៅមក។ ការធ្វើដូចនេះ គឺអាច ធ្វើអោយរន្ធញើសនៅ ស្បែកមុខរបស់អ្នកបើក និង ធ្វើអោយស្បែកមុខមានសភាពទន់ និង ភ្លឺរលោង ។ ហើយ ប្រសិនបើអ្នកធ្វើវា អោយបានទៀងទាត់ នោះវានឹងអាចធ្វើអោយស្បែកមុខអ្នក មានភាពសស្អាតជាងមុន និង ការពារនូវស្នាមចាស់ ជ្រីវជ្រួញមុនវ័យ។
ផ្លែប៉េងប៉ោះ
ផ្លែប៉េងប៉ោះ គឺជាប្រភពមួយដ៏ល្អនៃពពួក lycopene ដែលជាជាតិពណ៌ដែលមាននៅក្នុងរុក្ខជាតិ ជាមួយនឹង សារធាតុការពារ ប្រតិកម្មអុកស៊ីត។ ជាតិ lycopene មិនត្រឹមតែធ្វើអោយជាតិកូឡេស្តេរ៉ូលប្រសើរ និង ការពារប្រ ឆាំងនឹង ជំងឺបេះដូងនោះទេ វាក៏អាចរក្សាលំនឹង នៃការផ្លាស់ប្តូរទំរង់ នៃម៉ូលេគុលអុកស៊ីសែន ដែលបានផលិត ដោយកាំរស្មី UV ដែលបណ្តាលអោយស្បែកឆាប់ចាស់។
ការលាបទឹកក្រូចឆ្មារ
ការលាងសំអាតស្បែក ជាមួយនឹងជាតិអាស៊ីតមួយចំនួន ដូចជា ទឹកក្រូចឆ្មារ គឺអាចជួយកាត់បន្ថយ នូវជាតិខ្លាញ់ នៅលើផ្ទៃមុខ។ វាមិនត្រូវបាន ណែនាំអោយអ្នកធ្វើការលាងសំអាតមុខ ជាមួយនឹងទឹកក្រូចឆ្មារនេះ ច្រើនជាង ២ដង ក្នុងមួយសប្តាហ៍នោះទេ។ ជាតិអាស៊ីត នៅក្នុងផ្លែឈើនេះ នឹងជួយបើករន្ធញើស និង យកនូវជាតិប្រេង ចេញពីស្រទាប់ខាងក្រៅនៃផ្ទៃមុខអ្នក ៕
ផ្លែឈើ៣ប្រភេទជួយអោយសម្រស់អ្នកក្មេងខ្ចី
