Join with Health.com.kh on Telegram

​វីតាមីន​ឌី គឺជា​វីតាមីន ដែល​រលាយ​ក្នុង​ខ្លាញ់ ដែល​ដើរតួនាទី​សំខាន់​មួយចំនួន​ក្នុង​ខ្លួន​។​

​សារធាតុចិញ្ចឹម​នេះ មាន​សារៈសំខាន់​ជាពិសេស សម្រាប់​សុខភាព​ប្រព័ន្ធ​ភាពស៊ាំ ដែល​ធ្វើឱ្យ​មនុស្ស​ជាច្រើន​មានការ​ងឿងឆ្ងល់​ថា តើ​ការបន្ថែម​វីតាមីន D អាចជួយ​កាត់បន្ថយ​ហានិភ័យ​នៃ​ការឆ្លង​វីរុស​កូ​រ៉ូ​ណា​ថ្មី ដែល​បណ្តាលឱ្យមាន​ជំងឺ Covid-19 ឫ​ទេ​។​

​ខណៈពេល​បច្ចុប្បន្ននេះ មិនមាន​ការព្យាបាល​សំរាប់ Covid-19 វិធានការ​បង្ការ​ដូចជា​ការរក្សា​គម្លាត និង​អនាម័យ​ត្រឹមត្រូវ​អាច​ការពារ​អ្នក​ពី​ការឆ្លង​វីរុស​។​

​ដូចគ្នានេះ​ផងដែរ​ការស្រាវជ្រាវ​មួយចំនួន​បានបង្ហាញ​ថា​ការ​មាន​កម្រិត​វីតាមីន D ដែលមាន​សុខភាព​ល្អ អាចជួយ​ឱ្យ​ប្រព័ន្ធ​ភាពស៊ាំ​របស់​អ្នកមាន​សុខភាព​ល្អ ហើយ​អាច​ការពារ​ពី​ជំងឺ​ផ្លូវដង្ហើម​ជាទូទៅ​។​

​ការសិក្សា​នាពេល​ថ្មីៗ​នេះ​បាន​បង្ហាញថា អ្នកជំងឺ Covid-19 សម្រាក​ព្យាបាល​នៅ​មន្ទីរពេទ្យ ដែលមាន​កម្រិត​វីតាមីន D គ្រប់គ្រាន់​មានការ​ថយចុះ​ហានិភ័យ​នៃ​លទ្ធផល​អាក្រក់ និង​មរណភាព​។​

​អត្ថបទ​នេះ ពន្យល់​ពី​របៀប​ដែល​វីតាមីន​ឌី ជះឥទ្ធិពល​ដល់​សុខភាព ភាពស៊ាំ និង​វិធី​បំពេញបន្ថែម​ជាមួយ​សារធាតុចិញ្ចឹម​នេះ អាចជួយ​ការពារ​ប្រឆាំងនឹង​ស្ថានភាព​ផ្លូវដង្ហើម​។

​តើ​វីតាមីន​ឌី ជះឥទ្ធិពល​ដល់​សុខភាព​ភាពស៊ាំ​យ៉ាងដូចម្តេច​?
​វីតាមីន​ឌី គឺមាន​សារៈសំខាន់​សម្រាប់​មុខងារ​ប្រព័ន្ធ​ភាពស៊ាំ​។ កង្វះ​សារធាតុចិញ្ចឹម​នេះ អាចធ្វើឱ្យ​អន្តរាយ​ដល់​ប្រព័ន្ធ​ភាពស៊ាំ និង​បង្កើន​ហានិភ័យ​នៃ​ការឆ្លង និង​ជំងឺ​។

​តើ​ការប្រើ​ថ្នាំ​វីតាមីន D អាច​ការពារ​ប្រឆាំងនឹង Covid-19 បានទេ​?
​បច្ចុប្បន្ននេះ មិនមាន​ការព្យាបាល​ស​ម្រា​ប់ COVID-19 ទេ ហើយ​មានការ​សិក្សា​តិចតួច​ប៉ុណ្ណោះ​ដែល​បាន​ស្រាវជ្រាវ​ពី​ផលប៉ះពាល់​នៃ​ថ្នាំ​គ្រាប់​វីតាមីន D ឬ​កង្វះ​វីតាមីន D លើ​ហានិភ័យ​នៃ​ការឆ្លង​វីរុស​កូ​រ៉ូ​ណា SARS-CoV-2 ។​

​លើសពីនេះ​ទៀត ការពិនិត្យ​បាន​រកឃើញថា ថ្នាំ​គ្រាប់​វីតាមីន D មាន​ប្រសិទ្ធភាព​បំផុត​ក្នុងការ​ការពារ​ប្រឆាំងនឹង ARI នៅពេល​ប្រើ​ជា​រៀងរាល់ថ្ងៃ ឬ​រៀងរាល់​សប្តាហ៍​ក្នុង​កម្រិត​ទាប និង​មិនមាន​ប្រសិទ្ធភាព នៅពេល​ប្រើ​ក្នុង​កំរិត​ច្រើន និង​ទូលំទូលាយ ។​

​ថ្នាំ​គ្រាប់​វីតាមីន D ក៏ត្រូវ​បានបង្ហាញ​ផងដែរ ដើម្បី​កាត់បន្ថយ​អត្រា​មរណភាព​ចំពោះ​មនុស្ស​វ័យ​ចំណាស់​ដែលមាន​ហានិភ័យ​ខ្ពស់​ក្នុង​ការវិវត្ត​ទៅជា​ជំងឺ​ផ្លូវដង្ហើម​ដូចជា COVID-19 (​ប្រភព 14Trusted) ។

​ទោះបីជា​ការស្រាវជ្រាវ​នៅតែ​បន្ត​ក៏ដោយ ភ័ស្តុតាង​បង្ហាញថា ថ្នាំ​គ្រាប់​វីតាមីន D កាត់បន្ថយ​ហានិភ័យ​នៃ​ការវិវត្ត​ទៅជា Covid-19 នៅមានកំរិត​នៅឡើយ​។ ការ​មាន​កម្រិត​វីតាមីន D ដែលមាន​សុខភាព​ល្អ អាចជួយ​ពង្រឹង​ប្រព័ន្ធ​ភាពស៊ាំ និង​អាចមាន​ប្រយោជន៍​ចំពោះ​អ្នក​ដែលមាន​ជម្ងឺ Covid-19៕