តើអ្នកធ្លាប់ដឹងទេថាគ្រាប់អាល់ម៉ុនអាចផ្ដល់អត្ថប្រយោជន៍ជាច្រើនចំពោះសុខភាពទប់ស្កាត់ជំងឺសាហាវៗ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គ្រាប់ធញ្ញជាតិនេះជាអាហារសម្រន់ដ៏សាកសមបំផុតមួយដែលអ្នកគួររួមបញ្ចូលក្នុងរបបអាហារប្រចាំថ្ងៃ ប្រសិនបើចង់រក្សាបាននូវសុខភាពល្អប្រសើរ។ ទោះជាយ៉ាងណាមិនគួរទទួលទានលើសពីមួយក្ដាប់ដៃក្នុងមួយថ្ងៃឡើយ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរទទួលទានគ្រាប់ធញ្ញជាតិអាល់ម៉ុនជាប្រចាំ ៖
១. បំបាត់ការឈឺចាប់សាច់ដុំ
ពិសេសគ្រាប់អាល់ម៉ុន ក្រៅពីត្រីនិងបន្លែ គ្រាប់ធញ្ញជាតិនេះក៏ជាប្រភពដ៏ប្រសើរនៃប្រូតេអ៊ីន។ អាលម៉ុនក៏មានផ្ទុកអាស៊ីតខ្លាញ់អូមេហ្កា ៦ ដែលដើរតួនាទីចាំបាច់សម្រាប់ភាពជាសះស្បើយនៃសាច់ដុំផងដែរ។
២. ទប់ស្កាត់ជំងឺភ្លេចភ្លាំង
នោះក៏ព្រោះតែគ្រាប់ធញ្ញជាតិអាល់ម៉ុនជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលចាំបាច់សម្រាប់បង្កើនសុខភាពខួរក្បាល។ ជាតិខ្លាញ់អូមេហ្គា ៣ ក៏ជួយបង្កើតកោសិកាខួរក្បាល រួមទាំងសសៃប្រសាទផងដែរ។ គ្រាប់ធញ្ញជាតិនេះក៏ផ្ដល់អោយខួរខ្បាលនូវសារធាតុចិញ្ចឹមចាំបាច់ផ្សេងទៀតផងដែរ។ ម្យ៉ាងវិញទៀតក៏ដូចនឹងគ្រាប់វ៉ាល់ណឺតដែរ គ្រាប់អាល់ម៉ុនផ្ដល់ឱ្យរាងកាយនូវអាស៊ីតខ្លាញ់ល្អ ALA។ គ្រាប់ធញ្ញជាតិនេះក៏មានផ្ទុកវីតាមីន E ព្រមតាំងវីតាមីន B6 ដែលចាំបាច់សម្រាប់ប្រព័ន្ធសសៃប្រសាទដើម្បីដំណើរការមុខងារបានត្រឹមត្រូវនិងប្រយុទ្ធប្រឆាំងរ៉ាឌីកាល់សេរីផងដែរ។
៣. កាត់បន្ថយកូឡេស្តេរ៉ូលមិនល្អ
គ្រាប់អាល់ម៉ុនមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ និងអាស៊ីតខ្លាញ់ល្អ monounsaturated ដែលជួយកាត់បន្ថយកម្រិតនៃជាតិកូឡេស្តេរ៉ូលទប់ស្កាត់ហានិភ័យនៃជំងឺដាច់សសៃឈាមខួរក្បាល ជំងឺស្ទះសសៃឈាមបេះដូង គាំងបេះដូងគួរឱ្យកត់សម្គាល់។ គ្រាប់ធញ្ញជាតិនេះក៏មានប្រសិទ្ធិភាពកាត់បន្ថយការរលាកនិងធ្វើអោយមុខងារសសៃឈាមក្នុងរាងកាយកាន់តែមានលក្ខណៈប្រសើរឡើងផងដែរ។
៤. បន្សាបជាតិពុលក្នុងថ្លើម
គ្រាប់អាល់ម៉ុនក៏មានផ្ទុកនូវសារធាតុចិញ្ចឹមដែលមានប្រយោជន៍សម្រាប់សុខភាពថ្លើមផងដែរ។ ក្រៅពីអាស៊ីតខ្លាញ់អូមេហ្កា ៣ គ្រាប់អាល់ម៉ុនជាប្រភពដ៏ល្អបំផុតមួយនៃសារធាតុ glutathione និងធាតុចាំបាច់ច្រើនទៀត ក៏ដូចជាសារធាតុប្រឆាំងអុកស៊ីតកម្មដែលជួយធ្វើអោយថ្លើមមានសុខភាពល្អរឹងមាំ។
៥. ពង្រឹងសុខភាពឆ្អឹង
គ្រាប់អាល់ម៉ុនជាប្រភពដ៏ល្អបំផុតមួយនៃជាតិកាល់ស្យូម រួមទាំងអាស៊ីតខ្លាញ់អូមេហ្គា ៣ ដែលជួយពង្រឹងសុខភាពឆ្អឹង និងសន្លាក់គួរឱ្យកត់សម្គាល់។ អ្នកជំនាញជាច្រើននិយាយថា គ្រាប់អាល់ម៉ុន ១ ពែង មានផ្ទុកជាតិកាល់ស្យូមច្រើនជាងទឹកដោះគោស្រស់ ១ កែវទៅទៀត។
៦. រក្សាតុល្យភាពអ័រម៉ូន
គ្រាប់អាល់ម៉ុនបង្កើនអ័រម៉ូន adiponectic ដែលរក្សាជាតិស្ករក្នុងឈាមឲ្យស្ថិតនៅកម្រិតអប្បបរិមាមួយ។ ស្ថានភាពនេះនាំឲ្យកម្រិតនៃអ័រម៉ូនបុរសអង់ដ្រូហ្សែនថយចុះ។ ការស្រាវជ្រាវជាច្រើនបានរកឃើញផងដែរថា ការទទួលទានគ្រាប់ធញ្ញជាតិជួយកាត់បន្ថយកម្រិតនៃអ័រម៉ូនបុរសផ្សេងៗទៀតដែលធ្វើស្បែកស្ងួត និងស្ដើង។ អ្នកជំនាញធ្វើការណែនាំឲ្យទទួលទានគ្រាប់អាល់ម៉ុនចំនួន ១១ គ្រាប់ជាប្រចាំ ដើម្បីរក្សាបាននូវសុខភាពស្បែកល្អប្រសើរ និងជៀសផុតពីបញ្ហាអតុល្យភាពនៃអ័រម៉ូន។
៧. ល្អសម្រាប់អ្នកជំងឺលើសសម្ពាធឈាម
នោះក៏ព្រោះតែគ្រាប់អាល់ម៉ុនមានផ្ទុកជាតិម៉ាញ៉េស្យូមខ្ពស់ដែលជួយបញ្ចុះសម្ពាធឈាមបានយ៉ាងប្រសើរ។
៨. ល្អសម្រាប់អ្នកជំងឺទឹកនោមផ្អែម
គ្រាប់អាល់ម៉ុនគ្មានជាតិប្រៃ ឬអំបិលផ្ដល់ឱ្យរាងកាបូអ៊ីដ្រាតទាបនិងជាតិខ្លាញ់ល្អ monounsaturated ព្រមទាំងម៉ាញ៉េស្យូមដែលធ្វើឱ្យមុខងារនៃការរំលាយអាហារកាន់តែមានលក្ខណៈប្រសើរឡើង ហើយជួយរក្សាកម្រិតនៃជាតិស្ករក្នុងឈាមកាត់បន្ថយហានិភ័យនៃជំងឺទឹកនោមផ្អែមផងដែរ។
៩. ជួយឱ្យសុខភាពភ្នែកកាន់តែមានលក្ខណៈប្រសើរឡើង
នេះក៏ព្រោះតែគ្រាប់អាល់ម៉ុនជាប្រភពដ៏ប្រសើរនៃវីតាមីន E ដែលមានប្រសិទ្ធភាពការពារភ្នែកដោយទប់ស្កាត់រ៉ាឌីកាល់សេរីមិនឱ្យបំផ្លាញរាល់កោសិការួមបញ្ចូលទាំងក្នុងភ្នែក។
១០. ពង្រឹងសុខភាពសន្លាក់
ជាប្រភពដ៏ប្រសើរនៃអាស៊ីតខ្លាញ់អូមេហ្កា ៣ ដែលមានប្រសិទ្ធភាពប្រយុទ្ធប្រឆាំងអាការៈឈឺចាប់សន្លាក់និងប្រឆាំងការរលាក៕