ការព្យាបាលកាន់តែខ្លាំងជាមុនសម្រាប់អ្នកដែលស្ថិតក្នុងដំណាក់កាលដំបូងនៃជំងឺសន្លាក់រ៉ាំរ៉ៃ (RA) គឺជាការផ្លាស់ប្តូរសំខាន់បំផុតដែលបានណែនាំក្នុងសៀវភៅណែនាំការព្យាបាលជំងឺសន្លាក់ថ្មី។
ការផ្លាស់ប្តូរនេះគឺជាលទ្ធផលនៃការបញ្ចូលមតិដែលថាការបំផ្លាញសន្លាក់ដែលទាក់ទងនឹងជំងឺសន្លាក់រ៉ាំរ៉ៃគឺមិនអាចព្យាបាលឱ្យធូរស្រាលបាន ហើយការព្យាបាលមុនពេលនិងកាន់តែខ្លាំងជាងមុនជួយការពារដំណើរការរាង្គកាយ គុណភាពជីវិត និងសមត្ថភាពធ្វើការរបស់អ្នកជំងឺ។
ប្រជាជនអាមេរិកជាង ១លាននាក់ ដែលមានជំងឺសន្លាក់ដៃជើងរ៉ាំរ៉ៃ ដែលជាជំងឺរ៉ាំរ៉ៃដែលបង្ករឡើងដោយការឈឺចាប់និងការហើមនៃស្រទាប់សន្លាក់ឆ្អឹង។ ៣ ភាគ ៤ នៃអ្នកជំងឺទាំងនោះគឺជាស្ត្រី។
ការណែនាំថ្មីបានណែនាំឱ្យគ្រូពេទ្យប្រើវិធីសាស្ត្រមួយក្នុងចំណោមវិធីសាស្ត្រធំៗពីរគឺ៖ ថ្នាំបំបាត់រោគសន្លាក់ដែលកែប្រែជំងឺ និង biologic agents។
វេជ្ជបណ្ឌិត Jasvinder Singh បាននិយាយថា “ការណែនាំថ្មីនេះផ្តល់ការណែនាំស្តីពីរបៀបនិងពេលដែលត្រូវផ្លាស់ប្តូររវាងក្រុមនៃថ្នាំ។ វាក៏បានបញ្ជាក់ពីតម្រូវការសម្រាប់ការចាក់វ៉ាក់ស៊ាំង និងការពិនិត្យដើម្បីការពារអ្នកជំងឺសន្លាក់ដៃជើងរ៉ាំរ៉ៃពីការឆ្លង ដូចជា កញ្ជ្រិល និងរបេង និងលើកឡើងពីការព្យាបាលចំពោះអ្នកជំងឺដែលមានជំងឺមហារីក ជំងឺថ្លើម ឬជំងឺបេះដូងផងដែរ”។
ការណែនាំនេះបានចេញផ្សាយកាលពីថ្ងៃច័ន្ទ ក្នុងសារពត៌មាន Arthritis Care & Research។