ជាទូទៅ អាហារសមុទ្រសំបូរទៅដោយ សារធាតុចិញ្ចឹម និងប្រូតេអ៊ីនច្រើន និងមិនធ្វើឲ្យយើងឡើងគីឡូទៀតផង។ ប៉ុន្តែអ្នកអាចទាញអត្ថប្រយោជន៍សុខភាពទាំងនេះ ពីវាបាន លុះត្រាតែអ្នកចម្អិនវាបានឆ្អិនល្អប៉ុណ្ណោះ។ ប្រសិនបើអ្នកបរិភោគអាហារសមុទ្រឆៅ អ្នកនឹងប្រឈមជាមួយការឆ្លងជំងឺច្រើន ដែលបង្កដោយបាក់តេរី និងប៉ារ៉ាស៊ីត។
ជំងឺដែលបង្កដោយបាក់តេរី និប៉ារ៉ាស៊ីត ដែលឧស្សាហ៍ជួបប្រទះបំផុត មានដូចជា ជំងឺសើស្បែក Staphylococcus (ខ្ទុះក្នុងស្បែក) ជំងឺឆ្លងបាក់តេរីពីអាហារ ពិសេសបាក់តេរី Listeria បាក់តេរី Salmonella និងពពួក Vibrio parahaemolyticus ជាដើម។ លើសពីនេះ ប៉ារ៉ាស៊ីតជាច្រើន សុទ្ធត្រូវរកឃើញក្នុងសាច់ត្រីឆៅ ដែលអាចបង្កឲ្យកើតជំងឺមួយប្រភេទហៅថា Anisakiasis larvae (ឆ្លងព្រូនពីសាច់ត្រីឆៅ)។
ពពួកបាក់តេរី Campylobacter jejuni និង Vibrio vulnificus សម្បូរក្នុងសាច់គ្រឿងសមុទ្រឆៅ ក៏អាចបង្កឲ្យយើងកើតជំងឺទាក់ទងនឹងអាហារដូចគ្នា (food-borne illnesse)។
ដោយឡែក សម្រាប់ស្ត្រីមានផ្ទៃពោះ មនុស្សវ័យចំណាស់ និងអ្នកមានជំងឺថ្លើម ទឹកនោមផ្អែម មហារីក បញ្ហាប្រព័ន្ធភាពស៊ាំ ជំងឺលើសជាតិដែកក្នុងឈាម ឬជំងឺក្រពះ មិនគួរបរិភោគគ្រឿងសមុទ្រឆៅ ឬចម្អិនមិនបានឆ្អិនល្អនោះទេ ព្រោះអាចនឹងបង្កឲ្យមានជំងឺពាក់ព័ន្ធអាហារកាន់តែស៊ាំញ៉ាំ៕