រដ្ឋាភិបាលថៃ នៅថ្ងៃព្រហស្បតិ៍ បានរាយការណ៍អំពីការស្លាប់១ករណីដោយ Covid-19 ដែលធ្វើឱ្យចំនួនអ្នកស្លាប់កើនឡើងដល់ ៨៥ នាក់ ខណៈដែលអ្នកឆ្លងថ្មីមានចំនួន ៥៤ ករណី ដោយ៤៤ ករណីជាការឆ្លងក្នុងស្រុក និង ១០ ករណី ជាការនាំចូល។
នាយកដ្ឋានប្រយុទ្ធនឹងជំងឺ បាននិយាយថា អ្នកស្លាប់ គឺជាបុរសអាយុ ៦៣ ឆ្នាំមានដើមកំណើតនៅទីក្រុងបាងកក ដែលមានជំងឺទឹកនោមផ្អែម និងលើសឈាម។
ការឆ្លងជំងឺពីការនាំចូល ១០ករណី រួមមានអ្នកធ្វើចត្តាឡីស័កចំនួន ៦ ពីប្រទេសអារ៉ាប់រួម ២ករណី, អាហ្វ្រិកខាងត្បូង១ករណី, កូវ៉ែត១ករណី, រុស្ស៊ី១ករណី និងអេហ្ស៊ីប១ករណី។ ចំណែក៤នាក់ទៀតបានចូលប្រទេសនេះតាមរយៈការឆ្លងកាត់តាមព្រំដែនធម្មជាតិពីប្រទេសម៉ាឡេស៊ី៣ករណី និងប្រទេសមីយ៉ាន់ម៉ា ១ករណី៕