​នៅ​ថ្ងៃ​ពុធ​រដ្ឋាភិបាល​ថៃ​បាន​រាយការណ៍​ពី​ករណី Covid-19 ថ្មី​ចំនួន ៣៥ ករណី​ថ្មី ដែល ២៥​ករណី​ជាការ​ឆ្លង​ក្នុងស្រុក និង​១០ ករណី​ជាការ​នាំចូល ដែល​ធ្វើអោយ​ចំនួន​សរុប​កើនឡើង​ដល់ ២៦.១០៨ ករណី​។​

​លោក Taweesilp Visanuyothin អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព Covid-19 បាន​និយាយថា មាន​ករណី​ក្នុងស្រុក​ចំនួន ១៧ ត្រូវបាន​បញ្ជាក់​នៅ​មន្ទីរពេទ្យ និង ៨ នៅក្នុង​សហគមន៍​។

​ករណី​នាំចូល​ទាំង ១០ ករណី មាន ២ ករណី ពី​ប្រទេស​ហ្គា​ណា​, ២ ករណី ពី​នី​ហ្សេ​រី​យ៉ា​, មួយ​ករណី​មកពី​ប្រទេស​កេ​ន​យ៉ា និង មួយ​ករណី​តួ​ក​គី​។ ចំណែក​ចំនួន ៤​ករណី​ផ្សេងទៀត គឺជា​ជនជាតិ​ថៃ ដែល​បាន​វិលត្រឡប់​មកពី​ប្រទេស​មី​យ៉ាន់​ម៉ា​ដោយ​ខុសច្បាប់​ត្រូវបាន​ឃាត់ខ្លួន និង​ធ្វើ​ច​ត្តា​ឡី​ស័ក​នៅក្នុង​ខេត្ត​តាក​៕​