ការទទួលទានបន្លែ គឺជារឿងមិនអាចកើតឡើងសម្រាប់មនុស្សមួយចំនួន ដោយសារតែមិនមានចំណង់ខាងហ្នឹងទាល់តែសោះ។ ទោះជាយ៉ាងណាក៏ដោយ អ្នកមិនគួររំលងការទទួលទានម្ទេសផ្លោកនោះទេ។ នេះក៏ដោយសារតែ វាជួយដល់សុខភាព អ្នកជាច្រើនចំនុច ហើយមានបីចំនុច ដែលជាប្រយោជន៍សំខាន់គួរឱ្យចាប់អារម្មណ៍។ តើការទទួលទានម្ទេសផ្លោក ជួយដោះស្រាយបញ្ហាអ្វីខ្លះ?
១. កង្វះជាតិដែក
ម្ទេសផ្លោកគឺជាប្រភពដ៏ល្អនៃជាតិដែក ហើយវាក៏សំបូរទៅដោយវីតាមីន C ដែលជួយស្រូបយកវាបានកាន់តែប្រសើរ។ កង្វះជាតិដែកគឺជាមូលហេតុមួយក្នុងចំណោមមូលហេតុទូទៅបំផុតនៃភាពស្លេកស្លាំង។ អ្នកដែលមានវា អាចមានអារម្មណ៍នឿយហត់ ខ្សោយ និង ពិបាកក្នុងការដកដង្ហើម។ កម្រិតទាបនៃជាតិដែកក៏ជាកត្តាហានិភ័យនៃរោគសញ្ញាជម្ងឺសំខាន់ៗផងដែរ។ ដូច្នេះការបរិភោគម្ទេសផ្លោក អាចជួយការពារបញ្ហាទាំងនេះបានជាពិសេសប្រសិនបើអ្នកញ៉ាំវាជាមួយអាហារដែលមានជាតិដែកខ្ពស់ដូចជាសាច់ឬស្ពៃខ្មៅជាដើម។
២. បញ្ហាភ្នែក
ម្ទេសផ្លោកមានផ្ទុកនូវវីតាមីន A និងជាតិ Carotenoids ច្រើន ជាពិសេសគឺសារជាតិ lutein និង Zaxanthin ដែលអាចជួយឱ្យភ្នែកអ្នកមានសុខភាពល្អ។ វាអាចការពារស្រទាប់រេទីននៃគ្រាប់ភ្នែករបស់អ្នកពីការបំផ្លាញដោយអុកស៊ីតកម្ម និងថែមទាំងកាត់បន្ថយហានិភ័យនៃជម្ងឺភ្នែកដែលទាក់ទងនឹងអាយុ ជម្ងឺភ្នែកឡើងបាយ និងពិការភ្នែកជាដើម។
៣. បញ្ហាបេះដូង
សារធាតុ Capsaicin គឺជាសារធាតុមួយក្នុងចំណោម Carotenoids ដែលមានផ្ទុកក្នុងម្ទេស។ សមាសធាតុនេះអាចជួយលើកកម្ពស់សុខភាពសរសៃឈាមបេះដូងរបស់អ្នក និងការពារជម្ងឺដាច់សរសៃឈាមខួរក្បាល។ វាជួយឱ្យបេះដូងអ្នកមានសុខភាពល្អ ដោយជួយគ្រប់គ្រងសម្ពាធឈាមរបស់អ្នកនិងគ្រប់គ្រងកម្រិតកូឡេស្តេរ៉ុល៕