ការសិក្សា​ថ្មី​មួយ​បាន​បង្ហាញថា ស្ត្រី​ដែល​មាន​ផ្ទៃពោះ​ដែល​លើស​ទម្ងន់ និង​មាន​កម្រិត​ជាតិ​ស្ករ​នៅក្នុង​ឈាម​ខ្ពស់​បន្តិច​នោះ​គឺ​មាន​ការកើនឡើង​ហានិភ័យ​ទៅ​នឹង​ផលវិបាក​នៃ​ការ​មាន​ផ្ទៃពោះ​។​

​អ្នកស្រាវជ្រាវ​បាន​និយាយថា ស្ត្រី​ទាំងនោះ​មាន​ហានិភ័យ​ខ្ពស់​ជាង​អ្នក​ដែល​ធាត់​តែ​មាន​កម្រិត​ជាតិ​ស្ករ​ធម្មតា ឬ​ស្ត្រី​មាន​កម្រិត​ជាតិ​ស្ករ​ខ្ពស់​តែ​ទម្ងន់​ធម្មតា​នោះ​។​

​ពួកគេ​បាន​សម្គាល់​ឃើញថា គ្រូពេទ្យ​កំពុងតែ​ព្រួយបារម្ភ​អំពី​ស្ត្រី​មាន​ផ្ទៃពោះ​ដែល​ធា​ត់ ឬ​មាន​ជំងឺ​ទឹកនោម​ផ្អែម​ស្របពេល​ដែល​មាន​ផ្ទៃពោះ និង​ទំនោរ​ជា​មិន​ដឹង​ថា​ពួកគាត់​មានការ​លើស​ទម្ងន់ និង​មាន​កម្រិត​ជាតិ​ស្ករ​នៅក្នុង​ឈាម​ខ្ពស់​មធ្យម​។​

​អ្នកស្រាវជ្រាវ​បាន​សម្គាល់​ឃើញថា ការសិក្សា​លើ​ស្ត្រី​ជា​ង ២៣.០០០​នាក់ នៅក្នុង ៩​ប្រទេស បាន​រកឃើញថា ស្ត្រី​មាន​ផ្ទៃពោះ​ដែល​លើស​ទម្ងន់ និង​មាន​ជំងឺ​ទឹកនោម​ផ្អែម ហើយ​អ្នក​ដែល​លើស​ទម្ងន់ និង​មាន​កម្រិត​ជាតិ​ស្ករ​ខ្ពស់​បន្តិច​នោះ​ហាក់ដូចជា​មាន​កូន​នោះ​ធំ​។ ការ​មាន​កូន​ធំ​បង្កើន​ហានិភ័យ​នៃ​គ្រោះថ្នាក់​ដល់​កូន​អំឡុង​ពេល​សម្រាល​, ដោយហេតុ​នោះ​, បង្កើន​នូវ​ការ​វះកាត់​យក​កូន​។​

​ការប្រៀបធៀប​ទៅ​លើ​ទារក​ដែល​កើត​លើ​ស្ត្រី​ដែល​មាន​ទម្ងន់ និង​កម្រិត​ជាតិ​ស្ករ​នៅក្នុង​ឈាម​ធម្មតា​, ជាមួយនឹង​ទារក​ដែល​កើត​លើស​ស្ត្រី​ដែល​ធាត់ និង​មាន​ជំងឺ​ទឹកនោម​ផ្អែម មាន​ទម្ងន់​លើសពី ០,៣៤​គីឡូក្រាម​។ កូន​ដែល​កើត​លើ​ស្ត្រី​ដែល​លើស​ទម្ងន់​ជាមួយនឹង​ការ​លើស​កម្រិត​ជាតិ​ស្ករ​នៅក្នុង​ឈាម​បន្តិច មាន​ទម្ងន់​លើស ០,២១​គីឡូក្រាម​។ កូន​ដែល​កើត​លើ​ម្តាយ​ដែល​មាន​ទម្ងន់​ធម្មតា តែ​មាន​ជំងឺ​ទឹកនោម​ផ្អែម មាន​ទម្ងន់​លើស ០,១៧​គីឡូក្រាម ហើយ​កូន​ដែល​កើត​លើ​ស្ត្រី​ដែល​ធាត់ តែ​មាន​កម្រិត​ជាតិ​ស្ករ​នៅក្នុង​ឈាម​ធម្មតា មាន​ទម្ងន់​លើសពី ០,៧​គីឡូក្រាម បន្ថែម​ពីលើ​ហ្នឹង​ទៀត​។​

​អ្នកស្រាវជ្រាវ​បាន​សម្គាល់​ផងដែរ​ថា ទារក​កើត​លើ​ស្ត្រី​ដែល​មាន​កម្រិត​ជាតិ​ស្ករ​នៅក្នុង​ឈាម​ខ្ពស់ និង​លើស​ទម្ងន់​ហាក់ដូចជា​មាន​អាំង​ស៊ុយ​លីន​ខ្ពស់ និង​កម្រិត​ជាតិ​ស្ករ​ទាប​។ ឥទ្ធិពល​ទាំងនេះ​អាច​បណ្តាលអោយ​មាន​ជំងឺ​ទឹកនោម​ផ្អែម​ចំពោះ​កុមារ​។