ការស្រាវជ្រាវ​ដ៏​ធំ​បាន​រកឃើញថា​អ្នក​ដែល​មានគំនិត​វិជ្ជមាន​ហាក់ដូចជា​មិនសូវ​ទទួល​រង​នឹង​ជំងឺ​ដាច់​សរសៃឈាម​ខួរក្បាល​។​

​កាលពី​ពេល​ថ្មីៗ​កន្លងទៅនេះ​, ការសិក្សា​ថ្មី​មួយ​បាន​បង្ហាញថា គំនិត​សុទិដ្ឋិនិយម​គឺ​ល្អ​សម្រាប់​បេះដូង​របស់​អ្នក​។​

​ការសិក្សា​ពី​មុន​ជាច្រើន​បាន​បង្ហាញថា ការ​ដែល​មាន​គំនិត​អវិជ្ជមាន ដូចជា ធ្លាក់​ទឹកចិត្ត​, ខឹង​, ថប់​បារម្ភ និង​ជំទាស់​, អាច​ប៉ះពាល់​ដល់​បេះ​ដូង​បាន​។​

​សាលា​សុខភាព​សាធារណៈ ហា​វា​ដ បាន​ពិនិត្យ​លើ​ការសិក្សា​ជាង ២០០ បាន​រកឃើញថា អ្នក​ដែល​មានគំនិត​វិជ្ជមាន​បាន​បន្ថយ​ហានិភ័យ​នៃ​ជំងឺ​សរសៃឈាម និង​បេះដូង និង​ជំងឺ​មួយចំនួន​ដូចជា ការ​គាំងបេះដូង និង​ជំងឺ​ដាច់​សរសៃឈាម​ខួរក្បាល​។​

​អ្នកនិពន្ធ​ឈ្មោះ Julia Boehm, ដែលជា​អ្នក​ស្រាវជ្រាវ​នៅក្នុង​ផ្នែក​សង្គម​, ផ្នែក​ការរីកចំរើន​របស់​ម​នុស្ស និង​សុខភាព​បាន​និយាយថា ការ​អវត្តមាន​គំនិត​អវិជ្ជមាន​គឺ​មិន​ដូច​ទៅ​នឹង​ការ​មាន​វត្តមាន​គំនិត​វិជ្ជមាន​នោះទេ​។ យើង​បាន​រកឃើញថា កត្តា​មួយចំនួន​ដូចជា គំនិត​សុទិដ្ឋិនិយម​, ជីវិត​ពោរពេញ​ទៅ​ដោយ​ភាព​រីករាយ និង​ពេញចិត្ត​, ភាព​មាន​សុភមង្គល​, ត្រូវ​បាន​ផ្សារភ្ជាប់​ទៅ​នឹង​ការថយចុះ​ហានិភ័យ​នៃ​ជំងឺ​សរសៃឈាម និង​បេះដូង បើ​មិន​បាន​ទៅ​មើល​កត្តា​មួយចំនួន​ដូចជា អាយុ​, កម្រិត​សេដ្ឋកិច្ច​, ការជក់បារី និង​ទម្ងន់​ខ្លួន​នោះ​។​

Boehm បាន​សម្គាល់​ឃើញថា ឧទាហរណ៍​, បុគ្គល​ដែល​ជា​មនុស្ស​សុទិដ្ឋិនិយម​ភាគច្រើន​មាន​ការថយចុះ​ហានិភ័យ ៥០% នៃ​ជំងឺ​សរសៃឈាម និង​បេះដូង បើ​ប្រៀប​ទៅ​នឹង​អ្នក​ដែល​មាន​គំនិត​សុទិដ្ឋិនិយម​តិច​នោះ​។​

​អ្នកស្រាវជ្រាវ​បាន​រកឃើញថា អ្នក​ដែល​មានគំនិត​ស្មារតី​ចិត្តសាស្ត្រ​ល្អ​អម​ជាមួយនឹង​ការ​មាន​អាកប្បកិរិយា​ត្រឹមត្រូវ​ដូចជា ការធ្វើ​លំ​ហាត់ប្រាណ​, ការ​ទទួលទាន​អាហារ​មាន​ស្ថេរភាព និង​គេង​បាន​គ្រប់គ្រាន់​។ បន្ថែម​ពី​នេះ​, ចិត្តសាស្ត្រ​ល្អ​ត្រូវ​បាន​ផ្សារភ្ជាប់​នឹង​ការថយចុះ​សម្ពាធ​ឈាម​, មាន​កម្រិត​ខ្លាញ់​ល្អ និង​មាន​ទម្ងន់​ធម្មតា​។​

​ការសិក្សា​ត្រូវបាន​ចេញ​ផ្សាយ​នៅក្នុង Psychological Bulletin​។​

​អ្នកស្រាវជ្រាវ​បាន​និយាយថា ប្រសិនបើ​ការស្រាវជ្រាវ​ថ្ងៃក្រោយ​បញ្ជាក់ថា កម្រិត​ខ្ពស់​នៃ​ការពេញចិត្ត​, នៃ​គំនិត​សុទិដ្ឋិនិយម និង​នៃ​សុភមង្គល​មាន​ប្រយោជន៍​ដល់​សុខភាព​សរសៃឈាម និង​បេះដូង​, ការរកឃើញ​អាចជា​រឿង​មួយ​សំខាន់​នៅក្នុង​ការបង្កើត​ជា​ការ​ការពារ និង​គោលដៅ​ក្នុង​ការព្យាបាល​។