​នៅ​ថ្ងៃ​អង្គារ​នេះ ជប៉ុន​បាន​និយាយថា វ៉ាក់សាំង​កូ​វីដ​-១៩ ចំនួន​១.០៣២​ដូ​សត្រូវ​បោះចោល​នៅពេល​ទូរ​ក្លាសេ​ដែល​ស្តុក​ទុក​វា​ខូច​ឬ​ដើរ​ខុស​អង្សា​កំណត់​។ ដោយឡែក ការស៊ើបអង្កេត​មួយ​នឹងត្រូវ​ធ្វើឡើង​ចំពោះ​ករណីនេះ​។​

​ស្ថាប័ន​វេជ្ជសាស្ត្រ​មួយ​បាន​រាយការណ៍​ថា វ៉ាក់សាំង Pfizer-BionTech ចំនួន​១៧២​កូន​ដប ដែល​ត្រូវ​រក្សាទុក​ក្នុង​សីតុណ្ហភាព -៦០C ទៅ -៨០C បាន​ប្រែជា​ប្រើ​លែងកើត ក្រោយពី​ទូ​ក្លាសេ​វ៉ាក់សាំង​ខូច​កាលពី​ចុង​សប្តាហ៍​។

​អ្នកនាំពាក្យ​រដ្ឋាភិបាល​ជប៉ុន បាន​និយាយថា មូលហេតុ​នៃ​ការ​ខូច​ទូរ​ក្លាសេ​នេះ​នៅ​មិន​ច្បាស់ តែ​ក្រុមហ៊ុន​ដែល​តម្លើង​វា​នឹងធ្វើ​ការស៊ើបអង្កេត​ចំពោះ​ករណីនេះ និង​រាយការណ៍​ជូន​រដ្ឋាភិបាល​៕